ليش يارب كل هذا التنازل

انا اقول حاولي تجلسين معاها جلسه صراحه
وتتفاهمين معاها بهدؤ
وقوليلها ان ابوي يقول اذا ماسمعتي الكلام
راح يعارض عالزواج ويفسخ العقد
حاولوا تخوفونها
وبعدين لاتتركونها كذا غبوا الحبوب المنومه ولو قالت بسوي شي بروحي لاتحسسونها انكم
مصدقين كلامها
هي باين انها عاطفيه وعارفه ردت فعلكم
فلاتقعدون تخافون تسوي بعمرها شي
مستحيل تسوي شي
واذا هذا الحل مستحيل عجلوا وقت الزواج(قدموا موعده) وارتاحوو
اما تتركون الوضع كذا مايصلح
بصراحه ردت فعلكم غريبه مره وتحتاج لوقفه جازمه
هذا اللي عندي اختي
والله يهديها ويحفظها لكم

بصراحة و بدون زعل انا رايي مع البنات اللي قالوا انه الغلط الاول و الاكبر غلط اهلك..

و الثاني غلطها...

و نصيحة خلي ابوك يكلم عمك و يلاقون حل باسرع وقت و اذا حالتهم المادية زينة يساعدونهم عشان يسونم عرس و ياجرون شقة.......

و بعد شنو يصير وراها هيه لازم تتحمل لانها سلمت نفسها بسرعة

ارجو انك ما تزعلين من صراحتي

عزيزيتي
زالله مدام هذه حالة اختك الظاهر انهم خلاص اتهعدو مسألة الملكة فقط (قصدي مفهوم) فمن الافضل انكم تستعجلو ا في العرس وتتحمل هي مسؤلية اختيارها

اختك - حسب وصفك - عورت قلبي حيييييييييييل

الله يعينها مهما كنتوا متضايقين من اللي يصير مو مثل الحالة اللي تعيشها اهيا

حرام عليكم انتوا لازم تشوفون لها حل سريع لان تعلقها بولد عمها واااااااااايييييييييد

حاولوا تكلمون طبيب نفساني وتشوفون شراح ينصحكم فيه

الله يهديها ان شالله...

بصراحه شي غريب...

مالها صديقه او قريبه تحبها وتتكلم معها وتصارحها...

الله يعينكم ..

اسئلي انتي طبيب نفسي ايش الحل معها واكيد بيفيدك بطريقة التعامل معها...

اختك محتاج علاج نفسي..لان فعلا الوضع مو طبيعي كيف تضرب نفسها بسكين؟؟...الله يهديها ويشفيها ويكون بعونكم وعونها

الهويه الضائعة:
الله يسااااعدك المشكله كبييييره حييييييييييييييل

للأسف في بنات يحسسون ازواجهم ايام الملكه انهم كل شي في الحياة
وهذا مو في صالح البنت لأن الرجال يحب يشوف زوجته عاقله و ثقيله
و الرجل يحب المرأه بحيائها ثقلها في التعامل حتى بعد الزواج

لازم تشوفون لها حل
كلمو الولد يطلع يدور على شغل وا ختش على راحتها تذبح روحها تموت روحها بس المهم ان ولد عمش يعرف ان وراها اهل يحامون و يدافعون عنها ومايرضون با الخطأ

لاتخلوها على راحتها بعدين ماراح تقدرون على ولد عمكم لأنكم سمحتو له من البدايه
من وجهة نظري اختي تموت وتجلس في البيت عانس بكرامتها ولا اشوفها ذليله ومسكينه في يد زوجها

اتمنى لكم التوفيق

وازريد على الاخت انه ابوج لازم يحط لختج حل
يوفقها عند حدها محد عنده روحه رخيصه يعني لو منعتوها عنه وجاء وقت الصج صدقيني ماراح تسوي في نفسها
شيء
ذكرها انه الله فوق
وبعد قولي لها شنو انتي مستفيده الحين دامه عندج ليش ماتفكرين في المستقبل انه

بكره زوجج وانتي يكون لكم بيت الحين شنو اللي مستفيدتنه غير النوم

وبعدين الحياه مو كلها كذا
والله يهديها
ويوفقج الغاليه

مفروض حفلة زواجها تكون في اقرب وقت و حتى لو كان بس عرس رياييل و لمة أهل في البيت أستر من انها تحمل لا سمح الله و سيرتها تكون على كل لسان..

والله اتوقع انها استانست على العيشه وياه و حست انه في حد فاهمنها او مونسنها و تشوف الدنيا عادي من منظور انها ما تستهين بموضوع انها تصرف عليه او كونه ساكن عندكم.. كل همها انها معاه و ناسيه همومها..

انا ما ابغي ابرر موقفها و اتوقع انه المرحله اتعدت العقاب او التحذير.. خلاص اشهروا العرس و خلوهم على راحتهم لو كان شي مكان غير الميلس يسكنون فيه بعد يكون احسن و خلوها مع الوقت بيخف تعلقها و بترد شوي علاقتها وياكم خصوصا لو حاولتوا ما تقاطعونها او تعاتبونها على كل شي تسويه..

علاقتكم وياها في هالفتره جدا حساسه فما أظن مفروض تقولون لها و الله تعالي بنوديج عند دكتور نفسي.. احس انها تباها من الله انها تقطعكم او تحسسكم انكم اسأتوا لها لأنها جي جي هالفتره مب سائله و لا بتسأل فيكم لين تخف حالة الهيام اللي عايشه فيها الحين..

بس اهم شي انكم لو قاعدين وياها تسمعون قرآن و تسمعونها الاذكار يمكن سبحان الله اييها وقت و تفكر في وضعها

الله المستعان حبوبه

اسمحي لي أختي،
بس مستحييييييل أختج تتجرأ وتسوي هذا كله إلا إذا كانت واثقة وعارفة أن محد بيردها...معناته الغلط غلط أهلج في الأساس...
بما أن الولد ما يشتغل ما أعتقد بيكون في مجال أنه يسوي عرس، وبيكون عذره أنه ما عنده إمكانيات مادية.....
الحل أنكم تعلنون زواجهم بدون لا عرس ولا خرابيط......
ياخذ زوجته ويتوكلون على الله، خل يبتلشون في بعض....
وبعدين شو سالفة الحبوب المنومه والسكاكين؟؟!! خل أهلك يطنشونها وخلها تسوي اللي تبيه في نفسها، ولا الفظايح قدام الناس......

اشكركن يابنات من كل قلبي على النصايح ....

والله ماقدر اسوي شي غير ربي يهديها

امس راح ولد عمي مادري وين المهم ماكان بايت في البيت ...لانه امي عصبت واول ماشافتها عطتها كم كلمة ...

وهي من امس ماطلعت من الميلس مع انه هو محد ... وقالت مابى اشوف حد ... وماتبى تكلمنا .... وماتبى مشاكل

واليوم ماداومت .... راقدة في الميلس ... وبس هذا اليديد ..

وضعها يحير

وربي يهديها يارب يارب يارب

الله يعينكم ويساعدكم..

الله يهديهم ان شاء الله..

ادعولها وخاصة امج وأبوج لأن دعوة الوالدين مستجابة باذن الله..

انتو اللي من البدايه وافقتو عليه وسويتو ملجه وهو ما يستغل اللي بينهم مب حرام لانه وايد ناس يعرفون فيه مثلكم وخطيبج الخ يعني جنها تزوجت بالظبط بس عايشه عندكم ويما انكم سويتو حفله ملجه صغيره كانو سويتهوها عرس فالمره انتو الحين اعلنو الزواج مب لازم عرس كبير ممكن تسوون حفله عشا صغيره تعزمون فيها ناس شوي على انه هاي العرس وبعدين يشوفون مكان يسكنون فيه مثلا بيت اهله لو مالقو مكان ثاني او شقه صغيره او اي مكان يدبرونه انتي كلمي اختج في اسلوب تحبه وقوليلها خلاص انتو مثل المتزوجين ووايد ناس يدرون بنسوي حفله صغيره على انها العرس وشوفو مكان تسكنون فيه بس قوليلها انتي تحبينه لازم تحبينله الافضل يعني يكون عنده شغل هو ايش موهلاته الدراسيه جامعيه او ثانويه على حسب الموهلات ممكن يلاقي شغل قوليلها انه هي تاخذ اجازه قصيره من شغلها بعدين ترجع للشغل وتكمله ما ضن اختج وحده مب صاحيه او مجنونه لانها تشتغل وشكلها درست يعني اكيد عاقله لكن الظاهر هي كانت وحيده فحياتها ونا قصها الحب وهو عوضها وبالنسبه لخطيبج لا تشتكين له عن الموضوع او تقولينله اي شي انتو لين الحين ما ملجتو يعني ماظن هو يزوركم قوليله هو يجي ساعات يزورها ويروح وساعات يقعد معاها فالمجلس يشوفون التلفزيون ومره تاخر ورقد لوحده هناك او كان مريض او اي شي لا تكلمين خطيبج وايد عن اهلج ولا المشاكل كلميه في اشياء ثانيه بالعكس دايما طلعيهم في احسن صوره انتو استعجلو فالعرس وان شالله كل شي بيكون بخير يمكن في بنات ما يكونون مع رايي بس هي الحين صارت مرته مب خطيبته لانه صارت الملجه وهم يعاملون نفسهم معمله الازواج وفي شبه اشهار وايد ناس يعرفون فاللي بينهم واساس الزواج الاشهار والقبول .

مالكم إلا أتعرسوها وهي تتصرف وياه
واذا اتحبه فأكيد تحب مصلحته وياها ويدور ليه شغل
وهي ترجع لشغلهاااا وما أقول الا الله يهديها يارب

السلام عليكم ورحمة الله وبركاته

هذا كله دلع في دلع
والله الغلط مو عى اختك لاء على ابوك وامك

الحل سهل جدا ابوك يقول لولد عمك روح دور شغل وبعدين تعال اتزوج ويقوله لو سمحت مافي نوم عندنا
وبالنسبة لأختك عادي جدا ابوك يعطيها كم كف ويقلها عيب اللي تعمليه اصلا على فكره انا مستغربه جدا لأن أختك عملت جريمه بشعه جدا سلمت نفسها قبل الفرح وانتم ساكتين عليها وخايفين على مشاعؤها اصلا المفروض اختك تستحي توري وجهها ليكم على عملتها

ابوكي يديها ضربه حلوه كم كف يصحيها من الهبل اللي هيا فيه وماتخافوا ماراح تعمل في نفسها شي بس هيا عارفه انكم تخافون عليها عشان كذا هيا بتمثل عليكم وتعمل حركات الانتحار والكلام الفاضي

وفعلا اختي خطيبك معاه حق ينظر لكم هالنظرة ومو بعيده خطيبك اول مايكتب كتابه يقلك سلميلي نفسك وماحتقدري تقولي لاء لانو حيقلك ايشمعنى اختك

الحكايه كلها سهله بس بدها شوية قوة من ابوك وامك

تحياتي
سالي

لازم تعالجونها عند دكتور نفسي

الله يهديها
ويهدي ولد عمج

انا اقول ياتيييبون لها مطوع يقرى عليها
او
طبيب نفسي

اسمحي لي اختي
بس الوضع غريب

ما ادري بس انا عندي استفسار

هيه تتصرف جذي قبل الزواج ولا من تزوجت تغيرت

لان ما بحط في ذمتي يمكن يعطيها شي يعني مخدرات
و او مسوي لها سحر او شي


او هيه محتاجه طبيب نفساني ضروري .. و اهلج لازم يطلعونه برع البيت و يسون اشهار بسرعه لو ما شي عرس للحريم على الاقل للريايل .. نحن في مجتمع ما يرحم ..

الله يعينكم على مصيبتكم

ترى انا قريت القصه مره ثانيه

شلون ياكم؟!؟ شلون قعد عندكم؟!؟ شالسبب؟؟
شلون خليتوه يملج عالبنت وهو مايشتغل؟!؟

الف سؤال ف بالي

وتصرفاتها وايد تثير الشك
يمكن مثل ماقالوا مسوي لها سحر

مالنا غير ندعي لها

طمنينا

هلا بنات اشكركم على الردود ... والله الغلط من امي وابويه وساكتين على كل شي ..

ولد عمي راح بيتهم .. بس رجع ليش تتوقعون ؟؟؟؟؟

لانه قال اختي ترقد بروحها في الميلس ولازم يكون متواجد في البيت ... وامي راضية

يعني الغلط جدام الكل والكل ساكت ... وامي اول انسانة موافقة اختي ... جدامها ... ومن وراها تقول عيب وليش

وابويه بروحه اتصل على ولد عمي وقال له تعال البيت ارقد عندنا في الميلس .. وهو ماصدق خبر يا على طول من بيتهم

مع انه سبب خروجه من البيت تصرفاته في الميلس بشكل غلط .... وحس اه اهلي مضايقين وزودها علينا ...

بس امس رجع البيت ... والحال مثل ماهو من اليوم ..... ولاحياة لمن تنادي .....

السلام عليكمورحمة الله وبركاته

اذا الحال على ماهو عليه
معناتو امك وابوك موافقين ومبسوطين على الي تسويه اختي
عشان هيك نصيحتي ليك انسي الموضوع واهتمي في خطيبك وماتجيبي الموضوع هذا قدامه
وتعلمي من خطأ اختك وماتكرريه مع خطيبك وتوكلي على ربنا
الله يسعدك ويوفقك

تحياتي
سالي