الوسواس من الليزر (رد بنت عذاري )

السلام عليكم ورحمة الله وبركاته..

كيفكم بنات.. ان شاء الله بخير..

انا اليوم جايتكم ومعاي وسواس اكثر من انه مشكله بس وربي مدري وش اسوي..
بس لاحد يضحك علي وربي الموضوج جد وابي حد يجاوبني عالاقل ارتاح بس نفسياً..


انا قضيتي اني بديت الليزر تقريباً من 2002 اول شي كان تجربه في منطقة الوجه والنتايج عجبتني
فافكرت اني انتقل ليدي.. والنتايج ابهرتني وانتقلت لمنطقة الابط و بعدها انتقلت للرجل وبعدها
جاني مثل الوسواس او الولع حتى ظهري الشعر الخفيف وارقبتي ماعتقتهم بعد سويت لهم جلستين ليزر.. و ممثل ماهو متعارف فالشهر جلسه للمنطقه الواحده.. فا لحد الحين انا فالمنطقه الاخيره الا وهي الرجل..

طيب بتقولون لي وين المشكله؟؟

انا اقول لكم..

مره كنت رايحه مع صاحبتي كانت عندها مشكلة بثور بسسس
ماكانت رايحه على اساس ليزر ولا شي.. فا فالكلام واحنا نتكلم هذا الشي صار بعد يمكن اسبوع
قالت لا بالعكس اصلا الشعر له فايده و لا ماكان موجود اصلاً.. وكل ما المراءه هرموناتها قويه وشعرها اكثف كل ما كانت استجابتها الجنسيه اعلى وهذا المتعارف في بلدنا.. ( هي مو سعوديه)

فا انا سبحان الله حسيت صادتني مثل الحاله النفسيه واحس ان جلدي فيه شي غلط معني ماكنت اشوف هالشي قبل وربي.. و احس نفسي ماستجيب لزوجي او عندي برود من جلسات الليزر تتوقعون الي قضت هالشعر يمكن؟؟

مادري وربي بانتحر
هل هالشي تترجم في مخي خوف من كلامها او عقلي عكس كلامها وخلاه صحيح و وثق فيه؟؟
يعني تتوقعون بعد كل هالجلسات في جسمي هل في شي تغير فيني ولا انا مثل ما انا ؟

مادري هل انتوا فاهميني ولا انا الوسواس فعلاً داخلني..
والحلاوه نفس الشي تشيل الشعر من جذوره.. ولا لان الليزر يقضي عالبصيله فا هذا يأثر فالشخص؟

بيني وبينكم اخاف اسأل حد او دكتورتي وش راح تقول؟؟ انسانه جامعيه وهذا تفكيرها
اكيد فيها تخلف ولا شي.. :angry:

ابي حد يجاوبني :sad: