ابرار الجنة:
سلام خواتي
شكرا لك ام وصال على الموضوع الحلو........
انا بالنسبة لي ولادتي بشهر يونيو و راح اخلي زوجي و امي يدخلون معاي
ربنا يقومك بالسلامة بس حبيبتي بعد ما تولد أحكينا عن تجربتك في الغرفة مع تحياتي لك
ابرار الجنة:
سلام خواتي
شكرا لك ام وصال على الموضوع الحلو........
انا بالنسبة لي ولادتي بشهر يونيو و راح اخلي زوجي و امي يدخلون معاي
nanna2:
والله موضوعكم حلو يا بنات انا راح اولد في شهر خمسه إنشاء الله ،وراه يدخل معاي زوجي لاني في غربه:sad: او مافي احد معاي وحتي لو كنت ما في غربه ما كنت راح ارضي انه احد يدخل معاي غيره لاني الصراحه اخجل انكشف :shy: :shy: حتي علي امي والشي الانا اعرفه انه الزوج هو الوحيد الي ممكن ينظر لعوره زوجته حتي الوحده لمن تموت احق الناس بغسلها هو زوجها ،،واصلا مااعتقد انه راح يشوف حاجه لانه بكون واقف عند راسي:qaq:
uae-moon 44:
موضوع حلو ان بثلاث ولادات زوجي كان معي وحس بقيمتي لما شاف التعب الي اتعبة وان شاءالله هالولادة بعد بيكون معاي والله يقومكم بسلامة
أم وصال:
ليه وقت الجماع زوجك يشوفك عارية ويتمتع بيك وقت الولادة مايشوفك وين العيب بس الموقف قد كدى محرج عندكم
حلوه وكشيخه:
خليني ارد عليك يا أم وصال ..
شوفي الفرق واحكمي ..
وقت العلاقه الزوجيه :
*1*الزوجه تكون لابسه لبس مغري قمصان نوم الوان واشكال .. ودايماً تكون لابسه احلى لبس والالوان المفضله لزوجها ..
*2* الزوجه تكون متعطرة ومتطيبه بأحلى واطيب الروائح والعطورات ..
*3* جو الغرفه روامنسي أضاءه مخفضة او شموع ..
اجواء الولاده :
لاعطر ولا روائح ولاحتى لبس مغري والاضاءة تكون حدها .. الزوجه منهكه متعبعه تنزل منها قطرات العرق .. لحظة الولاده دم وافرازات ومناظر غير محببه ..
هذا الفرق من وجه نظري واذا خيرتيني با ختار ان زوجي يشوفني في الحاله الاولى علشان ما يقرف مني ويتذكرني باحلى صورة ..
أم وصال:
السلام عليكم حبيبتي أنا أعطيت وجه نضري عن الموقف ألي زوج كان معي في غرفة الولادة بس زوج شفني مش أي حد لأن من القلق لي كان فيه وشاف الوجع ألي مريت بيه ماحب يتركني أولـد وحدي وكانت هذي أمنيتيته بس ما شاف الدم واللخبطة أصل القابلة هي جبدت رأس البيبي بس هو شاف لما كان الرأس خارج مو كامل وكنت أنا معاه وهو كان خايف أخنق البيبي
بعدين لما شاف الرأس البيبي قال القابلة الرأس خارج ما أمنت حتى قال دزي وبعدين القابلة جبدتها ورجلي قطع السرة فين العيب والله أنا شايف الأمر عادي و المرأة ألي ما تعمل الثقة في زوجها ما تكتمل حياتهم (f)
توتة((أم حمودي)):
موضوع رائع جدا
انا عن نفسي لا والف لا تدرون ليش يا بنات انه زوجي ما يحس والله واتلوع جبده تخيلو انا الحين بالسابع وتنزل مادة شفافة من حلمتي اول ما شافها لاعت جبده وماقام يقرب صوبي وقال شنو هالوصاخة شنو هالاشياء الدبقة اللي تطلع من صدرج اقوله هذي مادة بداية تكوين الحليب وانأرف حده وتبوني حزة الولادة اخليه يدخل؟؟ راح يتزوج علي وراح يهجرني اذا شاف منظر الولادة والدم والخياط والجمال الطبيعي
انا عن نفسي لايعة جبدي من الولادة ومخترعة ومو متخيلة انفتح 8 سم مادري جم سم وبيقصون بعد ويييييييييييييييييييييييييع يالله يا كريم الطف فينا ياارب
وزوجي من النوع العصبي راح يزفني وانا اطلق اذا دخل معاي ويقولي لا تصارخين ترا اقص لسانج وعن الدلع
حتى لو شاف هالمنظر راح يقول جذيه انا متأكدة فما ابي اشمت الأعداء(( ريلي)) فيني واصير طماشة عنده خل ينثبر بره ينطر بروحه جنه دودة ويحوشه الفضول والغموض شنو قاعد يصير داخل هاهاهاهاها احسن عشان يتأدب هههههههههههه اهو يكره الانتظار ههههههههههه وما يحب الغموض ههههههههههههه عشان جذيه انا عرفت نقطة ضعفه وابي يحس فيني بهالطريقة
راح اكون بروحي بالولادة ما ابي احد يجوفني وانا اتعذب كرامتي ما تسمحلي
وابشركم يا بنات سالته مرة ةوقلت اذا مت شنو راح تسوي قال علطول اتزوج عشان المرة تربي البيبي وانا توني صغير وابي عيال
الشرهة مو عليك الشرهة على اللي عطتك شسمونه واحملت
رياييل اخر زمن :angry: