شعر الوجه والليزر

اول شي السلام عليكم
ثاني شي الله يعينج على الي انتي فيه
ثالث شي انا كان فيني شعر زايد بس في منطقة اسفل الذقن وجبيت اسوي ليزر لان الشعر كان
قوي شوي ماصدقت من على الله رحت سويته ووقلت ابغي اسوي في وجهي كله لاني اخاف بعدين اذا
قمت احف وجهي يزيد الشعر ويصير زي الي في الذقن مع ان الشعر الي في وجهي كان خفيف
مو كثيف مره
سويت تقريبا عشر جلسات او تسع وبعدين وقفت لان صارت عندي ظروف ماديه لان كان ودي
اجمع للحج فضطريت اوقف جلسات الليزر لان الشعر صار خفيف بس صار طويل حيل وغير كذا توسعت المنطقه الي فيها الشعر ان الشعر الي في وجهي زاااااااااااااااااااااااااااااااااااااااااااااااااااااااااااااااااد بشكل فضيع
مع انه خفيف وطويل
وبصراحه تلعوزت مع المستشفى الي كنت اتعالج فيها لان شغلها موكويس فغيرت لمستشفى ثانيه
وبصراحه شغلهم نظيف وفي مناطق صغيره بدأ الشعر مايطلع
لكن اغلب وجهي صار مليان شعر والمشكله الى متى راح اظل اسوي ليزروانا صالا موموظفه وكنان
اعتمادي الكلي على مكافئة الجامعه
بس الحمد لله على كل حال
المشكله الان صرت اعاني منها اضعاف مضاعفه واذا شلت الشعر كوم لان بشرتي تصير متجرحه
واذا جى يطلع كوم ثاني
تصير نفسيتي زفت لانه يصير يقزز كنه شوك
نصيحتي لج اما انج تكملين للاخير على امل انه يوقف نهائيا الشعر ماينمو
او توقفين وهم اذا وقفتي ماراح ترتاحين
والله يعينج
يمكن انا مانجح معاي الليزر لكن يمكن غيري من البنات نجحت معاهم
الله يسهل عليج وتستفيدين ان شالله
بالتوفيق

..××..

..:: والله بصراااااااااااحه يابناااااااااااااااااااات حتى اناااا عندي هالمشكله ::..

..:: وقالووو لي روحي سوي بالليز << بس انا مو مقتنعه ::..

..:: ويوووم شفت هالموضوووع تعقدت أكثر أكثر ::..

..:: خلوووني على هالشعر .. احسن من انه يزيد ::..

..××..

..:: ][ روح أنثـى ][ ::..

يؤؤؤؤؤ ليش كذا ؟؟؟؟؟؟

انا شلت رجولي ويدي بالليزر بس الى الحين ما واجهتني هذي المشاكل

السلام عليكم اختي انتي مسويه الليزر عند من

احسن دكتوره عايده الصالــح ..

انا عن نفسي استفدت منها وااايد ..

ماعندي علم والله

آآخ
صج ان الليزر مأساه
انا وايد مستاءه كل يوم يطلع مكان فيه شعر

والمشكله ويهي ماكان فيه وايد
صار يطلع لي ف اماكن ماكان يطلع فيها شعر

الدكتورة اللي اتعالج عندها قالت لي لا تسوين ليزر على مكان الشعر الخفيف لأنه مع الوقت اذا طلع يكون طويل وشوي قاسي.

انا اسوي منطقة الشنب والدقن وتحت شوي والحمدلله النتايج حلوة ومن 5 جلسة بدا يقل الشعر وتطول المدة بين كل جلسة وثانية

بس صارت لي مشكلة

ان المنطقة اللي تحت الدقن صارت حساسة من الليزر يعني صار لي مثل الحرق وصار فيه اثار بس باقي المناطق الحمدلله.

بحاول اجرب كريم الشاي اللي من الشركة الماليزية لأنه يوخر اثار الحروق ان شاء الله.

يمكن الغاليه انتي الشعر اللي كان موجود خفيف

انا عندي شليت بالليزر فمناطق في ويهي والحمدالله

وحسيت الشعر اخف من اول جلسه
وقبل يوم اشيل يطلعلي عقب كم يوم الشعر
يعني لازم اسبوعيا اشيله

بس احين عادي يمر اسبوع اسبوعين والا توه طالع


ما ادري والله كل بشره تختلف


بس انا حاط في بالي اشيل شعر ويهي كله قريب

السلام عليكم ورحمة الله وبركاته

.. أنا أختي فيها شعر كثير في ويها بس خفيف.. وقبل عرسها كانت اتحاتي اشلون بتشيل الشعر اللي في وجهها.. لأن بشرتها حساسهة وفيها حبوب.. فما بينفع بالخيط .. ولا حتى الشمع...

راحت عند دكتورة أجنبية عشان الليزر.. ولما شافت ويه أختي قالت لها .. حرام عليج لا تلمسين ويهج لان العر اللي فيه خفيف .. ورفضت انها تعملها الليزر... وقالت الليزر فقط ينفع مع اللي العر السميك الكثير... أما للخفيف ما ينفع .. ويمكن تتضررين..

بالأخير شقرت .. والدكتورة جزاها الله خير ما قصرت ...

وأنا أنصحكم ما تشيلون شعر الويه بالليزر.. لانها فعلا منطقة حساسة..

تسلمون ويعطيكم الف عافية

اللا يعينج اختي بس المفروض تتعالجين عن الهرمونات قبل ماتشيلين بالليزر لانه الهرمون هو السبب الرئيسي لضهور الشعر والليزر في مابيزيل الشعر نهائيا بس بيخفف طلوعه بس موكثير وانصحج تتعالجين عند دكتور مختص قي الغدد والهرمونات وبعدين سوي ليزر لان انا عندي نفس المشكله والله يعينج.