في النهاية أنا أم ....

السلام عليكم ورحمه الله وبركاته ...

انا حبيت اكتب لكم بما أعتبر في نفسي مشكله ... ربما انا كتبت الكثير عن الاشياء عن حياتي الزوجيه ... بس الحين حياتي الزوجيه في ركود وذلك بسبب سفر زوجي في دوره سته اشهر والله يرده سالم امين ,,,,

وطبعا انا عايشه مع والدتي ... المهم انا بدأت بعد معاناه رجعت الدوام وقلبي متقطع على بنتي الي الحين عمرها اربع شهور .... مع ساعات الرضاعه الموضوع شوي ارحم .. لكن صدقوني لولا القرض الي علي كنت تركت العمل .. ومع ان زوجي عرض علي يتحمل القرض عني بس الصراحه راح يكون مستوانا المعيشي جدا حساس ومحدود جدا لأن قرضي مب هين ...

الشغله الثانيه افيدوني فيها .. مع اني أم للمره الأولي إلا اني اخاف على بنتي من كل شي .. حتى امي الي ربتني احيانا اطلب منها في أمور معينه انها تتبعها مع بنتي عشان لأن مهما كان انا الي قعدت مع بنتي اكثر مده وانا الي اعرف طبايعها ...

بالنسبه لي انا اعتبر بنتي صغيره على الطلعات واني اخذها حق مشاوير وطلعات ... وبما اني ساكنه عند والدتي الله يخليها فأم زوجي تجي تزورني ,,, ولمه تزروني وتزور حفيدها هري نصايح جدام والدتي مع اني والدتي ممرضه يعني هي اخبر من اي احد ثاني ... وياليت يعني نصايحها يعني تقولها مره وحده او مره في السنه .... يعني اعطيكم مثال

تقول حق والدتي لمه تغسلون ملابس الياهل تحطون صابون خاص ولا عادي ؟؟؟؟؟؟؟؟؟؟
ترضعينها زين ....
بنتك سمره .... بتطلع على ابوها ... !! بنتي حنطيه ليش مصره سمره مادري ..
بنتك حجمها صغير ما كبرت .... ليش ما اتكلينها .؟
واشياء كثيره وسخيفه ... والمشكله في كل زياره نفس الاسطوانه ,,
وانا ارد عليها واتحمل عشان خاطر ولدها .....
انا بنتي من النوع الصياح شوي فلمه تشيلها كانت تصيح ,,,, تقول بنتك ما تبيني ما تعرفنا
أيه مب عايشه معانا وين تعرفنا !!!!!!! يعني وين ارجع الشقه بروحي مثلا ؟؟
لا ازيدكم من الشعر بيت اذا مثلا ما رديت على التليفون ارضع بنتي او شي تتصل في ولدها في الدوره تقوله زوجتك اسوي لها تليفون ما ترد علي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وهو بدوره يتصل فيني !!!!!!!!!!!!!!!!!!!

انا خليني اكون صريحه انا ما اطلع الا حق الدوام واقعد في البيت مع بنتي واي مشوار اذا مب ضروري ما اطلع ابدا ..... الجو بارد ومتغير ,, ما يصلح للأطفال صح ؟ ليش اطلعها ولمه اشوف النسوان يطلعون عيالهم واشوفهم في المجمعات والسوق ولا همك الله والله حرام ينكسر خاطري ..

المهم انا قلت معلش لمه بنتي تكون صاحه العصريه بمر شوي بيت زوجي مره في الاسبوع عشان يعني ما يحطون في خاطرهم ,, وابتديت امس مع اني واصله من الدوام هلكانه رحت لهم وقعدت تقريبا ساعه ,,, واول ما قعدت والله قلبي يتقطع بالطريقه الي تحمل فيها بنتي وانا ساكته بنتي رقبتها للحين ما صلبت وهي تشوح فيها يمين يسار وكنت اقول لها يعني خالتي حاسبي على رقبتها ... قالت لي انتي الي عندك بنت وحده ما تعرفين تربين انا عندي عيال اكثر منج وعبالج ما احاسب .... وبعدين انا احب بنتي نظيفه احط لها مريله وامسح لعابها ... وهي مخليه بنتي يطلع الحليب على حلجها ويلعوز ثيابها واقولها خالتي امسحي الله يهداج ... تقول عادي معلش خلها تلعوز !!!!!!!!!!!!!!!!
المهم مع ان بنتي كانت تصيح وخايفه بس بعدين سكتت وقعدت تضحك بس تعبت ونامت وانا كنت ادري ان بنت ما تقعد اكثر من ساعتين او ساعه وتنام ... قلت لهم انا استأذن بروح .. قعدت تقول انتي ما قعدت وبعدين انتي مرت ولدنا والبنت بنتنا ما يصير بقول حق ولدي والله حسبتها تمزح
اليوم صبح قالي زوجي ان والدته اتصلت فيه ......؟؟؟

يا ناس انا في الاخير ام وانا مقدره ان هي جدتها ... بس انا لوكنت بعد في شقتي بعد ما كنت بطلع لأن ما احب اعرض بنتي للجو ولا ابيها تمرض وبنتي بعدين تتضايق من الطلعات واغراض وشيل وحط ...

الحين بعد اسبوعين زوجي بيرجع والله شايله هم كبير على قلبي ... احس انها كل ساعه طابه عندي وماخذه الياهل .... والله حتى اقول حق زوجي بنتي كانت نايمه يقولي عادي شيليها وروحي بيتنا اقوله حرام اخرب رقادها يقول عادي تقعد وترد تنام ........عيل لو رجعت شقتي ما راح تكون مرتاحه مثل ما كنت مريحتها في بيت أهلي .... انا ادري يمكن تلوموني تقولون هي جدتها او شي ... بس انا اتضايق لمن تتصل في زوجي في سفره وتشكي له عني ... انا ما سويتها

انا طولت عليكم وسامحوني بس هل خوفي في محله او انا أبالغ

نسيت اظيف نقطه ان انا من داومت والدتي هي تمسك بنتي لأن ارتاح اكثر ان والدتي تمسكها ... وهي قالت بنفسها اذا تبون امسك البنت حطو لي خدامه والله امي تمسك بنتي من غير خدامه ولا شي ...وهي من النوع الي يحب المشاوير اقول حق زوجي ما عتقد امك راح تقعد هي تجيب بناتها من المدرسه وتحب الزيارات يقول عادي تاخذ بنتك معاها مكان الي تروح ...... ياناس يــــــــاهل عمرها شهور هي وين والطلعات وين ................ شورو علي انا احس نفسي في موقف حساس جداً

سلام