انا خلاص كرهت كل شي حولي

غزال الدماني:
أختي اول شي هدي بالج وتعوذي من الشيطان .. حاولي تاخذين الامور بهداوه ... وعليج بالدعاء ثم الدعاء ..



أنا بس بقولج شي واحد ... ترا فهالزمن الطيب مسلوب حقه ... وكل شي بحدود ..


هذي بنتج وكلمتج انتي بروحج اللي تمشي عليها ...


اذا ما تبينها تروح تنام عندهم قولي لااااااااااااااا وخلاص انتهت السالفه .. لا اهل المرحوم ولا اهلج يقدرون يكسرون كلمتج ..


ع فكره شكلج انتي بعد مدلعه بنتج .. يعني عودتيها متى ما تبا تسير تبات عندهم تسير برايها ..

لا فديتج .. لا تخلينها بكيفها .. هذي بعدها صغيره لا تعودينها من الحين تسوي اللي هيه تباه ولا اللي اهل المرحوم يبونها تسويه ... عقب والله ما بتسوي اعتبار حق كلمتج ..


من الحين عوديها تسمع كلامج .. بتصيح اول مره ثاني مره عقب بتتعود .. وانتي طبعا بدورج وديها بين الفتره والثانيه عند اهل المرحوم تقعد وتلعب وياهم .. ترا مهما صار يبقون بعد هم اهلها .. واكييد يبولها الخيير مثل ما انتي تبينه لها ..


واتمنالج كل خير :)

:ok: عين العقل

حبيبتي البنات ما قصروا وما عندي زود فقط ان اعوا الله العزيز ان يخرجك مما انتي فيه


لكن عندي كلمة بسيطة


البنت بنتك وامنعيها باي طريقة عزيزتي ترا البنت والولد هاالايام خطر في التربية فخافي على بنتج وين الاحسن ان هم يزعلوا منج وانتي تربي عيالج على الدين والايمان والا انج ترضيهم وبعدين تندمي اشد الندم لا قدر الله وانتي فاهمة كلامي

واساسا حضانة الاطفال للام الا في حالة واحدة ان الام تزوجت فهنا ترجع الحضانة للجدة حافظي على تربية عيالج الغالية حافظي عليها

وادعي خلج قريبة من الله ومثل ما قالوا البنات لا تخلي البنت تروح لهم ابدا الا تروح معاج وترد معاج ولا تروحي لهم بروحج عشان ما يحاولوا يقنعوج تروحي معهم لو تروح معاج امج او احدى خواتج بس تكون كبيرة يعني بمعنى لها شخصية لو البنت صاحت تبا تقعد تاخذه للسيارة بدون نقاش والطفلة بتبكي وبتسكت خاصة لو كلمتيها وحسستيها بانها الاغلى وطمنينا الغالية عليج