"" وافقت ... ولكن نفسيتي تاعبتني ""

كل هالقراءات ومافي رد .. ابي اعرف هل هالشي طبيعي

الله يسهل عليج اختي

اولا: حاولي تاخذين الامور بكل بساطه .. ولا تعقدينها بالعكس انتي راح تفتحي بيت وراح تعيشي حياه يديده مع زوج صالح إن شاءالله.

ثانيا: اتركي خطيبك لين مايرجع بالسلامه وعقب حاولي تتفهمي شخصيته وهذي الامور بهدوء ونقاش هادف اما اذا انتي تكلمييه بالتلفون عادي تقدري تتصلي فيه عشان تتطمني على اخباره وبس باقي المسائل اتركيها لين مايرجع وانا مثلج مالجه حاليا وريلي مسافر واكلمه كل يوم بس عشان اطمن عليه وعلى اخباره وما احب اثقل عليه بالكلام.

ثالثا: إذا اهلج راضين عليه وانتي صليتي الاستخاره هذا معناته انه كل خير إن شاءالله واقولج توكلي على الله والحرمه بالنهايه مالها الا بيت زوجها واهم شي الدعاء والصبر

اتمنى اني اكون افدتك بشي وطمنينا عليج:shy:

حبيبتي ام خليفة .. مافي داعي للضيق والكابة .. كلنا مرينا بمثل هالظروف ...

انتي بس شاكة .. وخايفة .. هي خطوة اولى في حياة كل بنت ... ومن اصعب المراحل مرحلة الخطوبة .. لانها مرحلة الاساس والاختبار .. وياتصيب وياتخيب .... وكل شي وقمسة ونصيب ... اختي من رايي تهدين نفسج شوي ... لا تتضايقين ولا اتبعين قلبج ... توكلي على الله ... هالفترة انتي فيي بر الامان .. مافي شي مجبورة عليه ...
خليج عادية وطبيعية .. وشوي شوي مع مرور الايام ... بتكتشفين معدن الشخص ...انتي صلي الاستخارة كل يوم تقريبا .. او في كل اسبوع ... وخليج متواصلة معاه ... وشوفي شو يصير ( ماخاب من استخار) ...

وشعور كل بنت تنخطب العزلة والخوف من المستقبل والاسئلة تراود كل بنت ... ياترى هو مناسب لي ؟؟
ياترى شو بيصير بعدين ؟؟؟ واسئلة وايد .. ياما راودتنا ... بس توكلنا على ربنا وماتركنا للشيطان مجال ...
وتغلبنا عليها .. والحمدلله .. انا مرتاحة من خطيبي واحبه ... وصرنا مانستغني عن بعض ... كان بالنسبة لي شي مجهول
وشخص يخوف .... بس كسرت الحاجز ... والحمدلله الف مرة ..

ياحبيبتي هذه شكوك ... كل بنت ... ومرحلة انتقالية من عالم لعالم ... وفي النهاية انتي في بر الامان ... بعدج ماعرستي
وماصار شي بينكم غير خطوبة ... مرحلة سهلة ...

بسألج انتي شفتيه الشوفة الشرعية ...؟؟ شو حسيتي ؟؟

وبالنسبة لموضوع السفر ... شي عادي ... بتتواصلون انشاء الله ...

صح تحسي بالضيق ... بس فترة وتعدي انشاء الله ..

ونصيحة مني ... لاتخبري اي انسان في العالم اللي يصير بينج وبين خطيبج ... (خذو حوائجكم بالكتمان )
وفي النهاية انتي المستفيدة ... وربي يوفقج يارب ويسهل عليج ويسر امورج ...

ادعي وايد الدعاء يغير القدر ويرد القضاء ... سبحان الله

ان شاء الله ... انا اشووفه عاادي لانه من اهلي

بس اني اقعد جداامه بالنية ان يشووفني حق الزواج ما صارت لانه الاهل ما كانو يفكروون فيها لاننا دوووم تشاوف في العزايم وعادي يعني ... انا شايفتنه بس من زود ما استحي منه انسى ملامح
ويهه ... وان شاء الله ياختي ماشي غير اني مثل ما تقولين اختبر هالفترة وان شاء الله خير احااول ما اضغط ع عمري ان شاء الله واهدي نفسي والله كريم...وهو بالعكس متفهم ويقولي انا برع البلاد
واحاول اراعي هالشي وان شاء الله ما بيضق عليه بس مجرد سؤال عنه بالمسج احسن لي ما الله يسر الامور

يا اختي شوفي هالموضع كنت قايلة فيه كل السالفة

http://www.3roos.com/forums/showthread.php?t=228996

يا بعد عمري يا ام خلافي..

دام ان الريال زين و ما عليه كلام .. اتوكلي على الله ..

صدقيني في هالزمن الريال الزين مثل العمله النادره .. كل الحريم تركض وراه ..

و عن الغربه و السفر .. انا ريلي دوم يسافر .. بس هاي المره يوم سافر قعدت اصيح كل يوم ..

لأني كنت حامل و كنت وايد تعبانه ..

و انتي اتوكلي على الله يا حبي ... و ان شاء الله كل خير ...

كلها كمن يوم و يرجع الغالي و ترجع الامور طيبه ..

اوكي ياختي تسلمين وان شاء الله خير ... وانا مواظبة على الدعاء لي وله
واصلي استخارة بعدني لاني اعرف انها ما بين لي شي ارفضه عسبه عسبة
جي وافقت وبتشجيع من اهلي بس بعدني في هالخوف هاجس الخوف فيه كبير

افكر ساعات بيمل مني وما اعرف شو يعني مب عارفة شو اسوي بعمري ههههههه

احس بتخبل والله بس بعد اقوول هي خطوبة وقبل الملجة واحد منا ما بغى وما ارتاح
مب لازم يستمر بسس ان شاء الله خير لانه الريال شارني وانا ماانكر هالشي فيه

والله يوفقه في دراسته ان شاء الله ويرجع لاهله سالم ان شاء الله

دعواتكم بنات لي محتاجة لها الدعاء

اولا الله يوفقك عزيزتي..

ثانيا خطأ شائع انو الاستخاره عشان محتاره بين اثنين...

طريقتها انك اول تحددين انتي احد الامرين ثم تقررين فعله بعدها استخيري .وبعدها الله سوف يختار لك اما ان يتحقق او يتعثر الموضوع وهي الخيره في كل حال...

هذا والله اعلم...

حاولي تفكري فالموضوع مره ثانيه وتقارني مزاياه وعيوبه وتشوفي شعور قلبك لو انتي مرتاحه معاه او لا ولو حسيت انتي تبعين تتزوجينه خلاص توكلي على الله وفالتوفيق .

تخيلي ... لو لامسح الله فسختوا الخطبه

ما بتتحسفين عليه؟ او تخسرينه؟ شو اللي بتخسرينه؟

عزيزتي

استمري عالاستخاره كل ليله مره ومرتين ما تكفي

والله شوفي سوي استخاره مره ثانيه والله ينولج الا في بالج
وفكري في مسأله الخطوبه شنو بتسفدين ؟؟ وشنو بتخسرين ؟؟؟
خساره هذا الشخص ولا تفكرين بالنسب تركي على صوب !!!
اهم شي تكون العلاقه جاده من ناحيتك تحسين براحه معاه
لكن اذ راحه مافي احساس بالخوف يسيطر وانج ما تكلمين تحسين براحه
تركيه احسن والله يوفقك

والله شوفي سوي استخاره مره ثانيه والله ينولج الا في بالج
وفكري في مسأله الخطوبه شنو بتسفدين ؟؟ وشنو بتخسرين ؟؟؟
خساره هذا الشخص ولا تفكرين بالنسب تركي على صوب !!!
اهم شي تكون العلاقه جاده من ناحيتك تحسين براحه معاه
لكن اذ راحه مافي احساس بالخوف يسيطر وانج ما تكلمين تحسين براحه
تركيه احسن والله يوفقك

ما شا الله البنات كفوا ووفوا

الله يوفقج حبيبتي وتعوذي من ابليس وما عليج الا العافيه هالشي مؤقت وان شا الله يزول