دلوني كيف اجهز للولادة

اختي اغراض الياهل لاول 3 شهور لاتكثرين منها

اخذي فنايل قطنيه اللي بكم ونص كم نوعي منها واحسن نوع اللي يتمطط واخذي 6 فقط لان الياهل يكبر بسرعه اخذي زيرو الى 3 شهور

اخذي بدلات ونوعي منها اخذي بس 6

اخذي جوارب و اللي حق اليد وكبابيس على الاقل 3 من كل نوع

اخذي مهادات 6فقط ويكون قطن هندي

اخذي شال من نوع صوف او قطن يكون ابيض كبير تلحفين فيه البيبي

اخذي لوازم الحمام صابون شامبو واسفنجه اللي تحطينها تحت لما تسبحينه واسفنجه اللي بتفركينها فيه وفوط

اخذي شنطه ومهاد اللي كانه شنطه انحط داخله ياهل حق طلعات

اخذي سرير صغير لاول 3 شهور بعدها اشتري كبير

برنوص

اخذي 3 مراضيع بيجون الصغيرة وتكون زجاج ولهايه تكون 2سم فقط واخذي مصاصات

واخذي شنطه اللي فيها مقراض مشط مقص مقياس حرارة

اخذي كريم للالتهابات حفاظات


اختي هاي اللي تذكرته اللحين وشوفي مواضيع الاخوات بعضهم مجهزين وحاطين صور في ركن الحمل وفي موضوع بركن التربيه والطفل

وكل اغراض تحصلينها ببيبي شوب

عن اغراضج

فوطه وقمصان رضاعه وفوط صحيه وفوط رضاعه وملابس داخليه ومفرش للمستشفى

مرحبا الغالية... الله يسهل عليج ولادتج ان شاء الله .... بالنسبة للياهل انصحج اول شي تاخذين بوكس ينباع عند مذر كير تحطين فيه مستلزمات البيبي ... وفي البوكس: شامبو اطفال،، شاور جل،، بروش للشعر،، مقص اظافير وفي منه خاص للأطفال،، كريم مرطب للأطفال،، كريم للحفاظ،، قطن،، مطهر ينباع في الصيدلية على شكل كلينكسات صغيرة لتطهير السر في الفترة الاولى (مثل اللي يمسحوبه الايد لما تنظرب ابره)...

بالنسبة للثياب لاتاخذين ملابس باحجام صغيرة انصحج تاخذين اللي من 3-6 احسن لان البيبي بسرعه يكبر ... خذي اللبسات الكاملات مثل الافرول ينباعن في بيبي شوب وغيره من محلات الاطفال،،، سبوحات (جلابيه مع قماطها)، شال، برانيص، قطعة بلاستيكية تنحط تحت البيبي لما تغيريله البامبرز،، دلاغات، فوط انصحج تاخذين اكثر من فوطه لان البيبي كل يوم يتسبح وبعد كل سبحه لازم تنغسل الفوطه،،، البيبي كاريير (اللي يحطون فيه البيبي في الطلعات)،، شنطة للبيبي للطلعات،،

سرير ضغير ويفضل اللي على شكل سله اللي على استاند،، صابون لغسيل ملابس الاطفال،، اسفنجة تنحط تحت البيبي في السبوح،، حوض سباحة،، اسفنجة لغسل جسم البيبي ( تنباع خاصه عند مذركير)،،،

وبالنسبالج:: تجهزيلج شنطة للمستشفى وتحطين فيها كم من قميص نوم راقي اللي بالدانتيلات وشيل بيض على نفس لون الجلاليب ،، ملابس داخلية وكثري من كلسونات،، فوطة،، صابون،، شامبو،، فرشة ومعجون اسنان،، مشط،، نعال للغرفة،، عطر ريحتة بارده....

واتمنى اني فدتج بهالمعلومات واذا بغيتي تستفسرين عن اي شي انا حاظرة ....

البنات ما قصروا ..
:)

هذا موضوع تجهيزي لولادتي
http://www.3roos.com/forums/showthread.php?t=226978


وشوفي هالمواضيع من قسم المواضيع المميزة بتفيدج

http://www.3roos.com/forums/showthread.php?t=79547

http://www.3roos.com/forums/showthread.php?t=177754

يزاكن الله كل الخير خواتي

مشكورين يا بنات

البنات ما قصرو كفو ووفو