قصة ولادة ............. kk

وكما وعدتكم سابقا

تفظلوا (w) (w) (w) (w) ............قصه ولادتي


كان المتوقع للولاده قي 9-1 لما طاف حدد لي الدكتور موعد للولاده بالطلق الصناعي

بتاريخ 13-1

بس ما رحت الموعد كنت خايفه لحدي وصرت أمشي وايد وأشرب مراميه بس مافيه فايده

يوم ثاني رحت الدكتور وعصب علي ليش ما جيت لدخول الولاده

وشاف ان الماي صار قليل

وحدد وقت للولاده بتاريخ15-1 ولازم أحضر الساعه 7 صباحا

لما رجعت البيت أستمريت على شرب المراميه والمشي واكل التمر

النوم مانمت كله أفكر في الولاده ووش بيصير معاي

وكان معاي ألم خفيف يروح ويجي

لما صار الصبح ولدي الكبير جهزته وراح المدرسه

البنت وديتها لأمي

ورحت المستشفى وأنا في السياره كنت أحس أنا الألم قاعد يزيد

لما وصلت المستشفى , وركبوني لغرفه الولادة

ولمالبست ملابس المستشفى وسوو لي التحاليل

وحطوا جهاز التخطيط لقوا فيه طلق

وجات الدكتوره وكشفت ولقت أته فاتح 4 سم

يعني ما أحتاج لطلق صناعي

والألم صار يروح ويجي
وأنا كنت مقرره أخذ أبرة الظهر

وفعلا طلبتها لأني ما أبي أحس بالألم

وجات أستشارية التخدير الله وكيلكم
المره الأولى
لما دخلت الابره دخلتها بالغلط وشالتها
الثانيه وهم نفس الشي

والله حتى الصياح صحت من الالم وقلت خلاص ما ابيها بس الممرضه
صارت تقنعني اتي أخذها

3 مرات تشيل وتحط الأبره تموت من الالم
كانت الساعه 11 صباحا

وأخيرا لما حطتها خففت الالم بس لمده بسيطه وبعدين رجع الألم
في الولاده السابقه كنت ماخذتها وكانت مثل الحلاوه
في ولاداتي السابقه الاولى والثانيه أولد قبل الموعد المحدد

وبطلق صناعي والحين متاخره ومحددين لي طلق صناعي وأولد طبيعي سبحان الله

الطلق يروح ويجي وتمللت وطولت وايد وحسيت شني مابولد
وصرت أقول للممرضه أبغى صناعي وهي تقول لا أصبري والألم
بيزيد
الساعه 2 فتح 6سم وفتحت كيس الماي

الساعه 3 فتح 8سم والألم أبتدأ يزيد

والطلقات فترتها تزيد والله اهون بوايد من الطلق الصناعي
الساعه 3و45 دقيقه يدوا يجهزون الأغراض أستعدادا للولادة

وصرت أخذ نفس وأدفع...الخ

الساعه 4 وربع حانت ساعه الصفر

وطلع أحلى ولد في الكون بالنسبه لأمه
وزنه ماشاء الله 3,725كج
طوله 55سم