تجهيزات عرسـك اختي العمانيـة |||الجزء السادس|||

عروسته وبس:
أقترح تسوي ميكب خفيف كأنه طبيعي يعني الورديات
وتلبسي مغربي او يشمك حتى لو ماشي رجال وتتركي شعرك يعني تسشوريه بس رولات من تحت

وترتبي البيت بطريقه واااااااايد مميزه (هذا اهم شي):shy:

والهدايا ما كثير استوعبت ليش بس اقترح تسوي مخمريه فعلب زجاج صغيره وتغلفيها بدانتيل


هذا رأيي:clap:

ادري تفلسفت شوي

رنة الخلخال22:
هلا أختي (عروسته وبس) ... في بناية مقهى (ابو آية) مقابل الفير أحسن شي أرسلك الرقم عالخاص .. لأني ما اعرف اوصفلك زين ..

أختي (الوان سحرية) حلوة فكرة العزيمة وخلي لبسك يكون بسيط وحتى المكياج بعد .. وأقترح توزعي بخور في علب ضغيرة ومزينة ( تحصلي اشكال حلوة ورخيصة عند مركز رامز) .. وبالتوفيق

رنة الخلخال22:
هلا أختي (عروسته وبس) ... في بناية مقهى (ابو آية) مقابل الفير أحسن شي أرسلك الرقم عالخاص .. لأني ما اعرف اوصفلك زين ..

أختي (الوان سحرية) حلوة فكرة العزيمة وخلي لبسك يكون بسيط وحتى المكياج بعد .. وأقترح توزعي بخور في علب ضغيرة ومزينة ( تحصلي اشكال حلوة ورخيصة عند مركز رامز) .. وبالتوفيق

*عربية*:

نونوو

برايي تسوي ميك اب خفيف
وتسريحه بسيطه حتى لو تفردي شعرك عادي لأنه قصير وما يباله شي
او اذا حبيتي تسويه في الصالون وصيها تسويلك شي ناااعم..

واللبس يكون بسيييط ومافيه اشياء او اكسسوارات دفشه..
يا رقيقة انتي <<<<<< هينهن ضوضو وغمضمض خخخخ :cool2:

وحطي حنه خفيييفه مره لأنك بعدك عروس
ولازم يشوفوكي بلووك حلو
ولاتنسي اظافرك سوي فرينش ماناكيير
او نفس لون لبسك ..

وعند المدخل حطي مجمر عود بخور عشان الريحه الزينه
وطبعا لا تنسي تعطري المدخل ومكان الجلوس بريحه هاديه ..

واذا كان فيه طاوله عند مدخل شقتك حطيلها فازة ورود فريش
وسلة حلويات على أساس كل اللي يدخل ياخذ حبة ..
واذا مافي خلي الحلويات لبعد الانتهاء من الأكل سواء غدا أو عشا ..

واذا حبيتي تغلفي الحلويات , غلفيهم بالشيفون أو التل اللماعي
وربطي الجزء العلوي بشريط نفس لون الشيفون
بيطلع شكلههم واجد حلو ...
وممكن تحطي على كل كيسه من الحلاوه او على السله نفسها
عبارة من عندك كــــ تشرفت بك

وممكن تشتري علب فاضيه وتحطي فيها الحلويات
أو اي شي ثاني مثل ما قالت رنونه تحطي بخور
وفالنهايية انتي شوفي ذوقك ..

والورود خليهم على سفرة الطعام ( هذا اذا كنتوا بتاكلوا فيها )
وزيني المناديل بطريقة حلوه
وحطي المفارش لكل شخص..

ولاتنسي تزيني الفواكهه بطريقة حلوه عشان تفتح الشهيه ,
وهذا بيدل على شخصيتك
واهتمامك بكل جزء <<<<< ست بيت مافي منك

حتى العصاير لما تقدميها زيني الكاسات
مثلا اذا عصير برتقال حطي شريحة برتقال على الكاسة
واذا فراولة حطي جزء منها في الكاسة وهكذا ..

حتى الحمامات عطيها حقها من الزينة والريحه الطيبة
فمثلا ممكن تحطي سلة فالحمام
تشمل العطورات والمناشف الصغيره والصابون والزيوت
ممكن تكون كديكور بس
على طاري الصابون فبودي شوب عندهم صوابين حلوه بريحه واشكال جميلة
تقدري تاخذي من هناك ...

وباقي الأشياء على الرف لاستخدامها
وممكن تحطي ورود مجففه كديكور وعشان الريحه ..

واذا كان في اطفال
لا تنسي نطيبهم من الحويات الخاصة فيهم
وشوفيلهم حلويات بأشكال كرتونيه أو بأشكال حلوه

هذا اللي عندي الحين
وأتمنى أكون أفدتك (f)

غدووورة:
هلا بنات شخباركم

ادري انكم بتنازعوني لاني دخلت على النت بدل ما اذاكر بس والله اشتقتلكم وما اقدر ما اقرا سوالفكم واليوم الحمدلله خلصت اول امتحان وكان واااايد سهل يارب كل الامتحتنات بهالسهولة ..

حبيبتي الوان

انا ما اشتغل لاني قدمت استقالتي من البنك من زمان تقريبا سنه
يعني انا اول ما حملت قدمت استقالتي فالحين ادكمل دراستي بالصباح في كلية مزون والحمدلله ماشيين بالدراسة

اما بخصوص عزومتك الصراحة عربية ما قصرت وعطتك كل الافكار





الحين انا عندي اقتراح وابي رايكم

ما تحسون في خاطركم لو كلنا نعرف بعض اكثر من مجرد نت وكلام على الموضوع
ولا احد منا حصل له الشرف انه يتعرف على الثاني

انا اقترح اننا كلللللللللللللنا نلتقي مكان حلو ونتعرف على بعض اكثر واكثر سبحان الله يمكن صداقتنا تتطور اكثر من مجرد نت

اذا تبون تيجوا عندي البيت حياااااااكم وبستقبلكم من عيوني او اذا تبوها في بيت احد منكم هم ما عندي مانع

يالله يا بنات ابي اسمع رايكم

ايش قلتوا؟؟؟؟؟؟؟؟؟؟؟؟؟؟؟؟؟؟؟؟؟؟

*عربية*:

صباح الورد نونوو

تذكرت البوم عرسك والصور !!!!

طلعيهم للمعازيم يشوفوها
بيستانسوا فيها صراحه ...


واذا ما عليش كلافة
طرشيلي رقم الهندية !

الوان سحرية:
صبـاح الخير عروستــه

مشكــورة حبوبــة على الاقتراح

انا مقررة البس مخــورة فعلا .. من ضمن ملابس العرس اللي ما لبستهم إلى الحيــن :angry:

والمكيـاج محتـارة فيــه اسوي بروحي او عند كوافير ؟؟ :sad:

والشعر الفكرة كثير حلــوة لان شعري قصير ...

الهدايـا ابي اقدمها كتوزيــع لدخول بيتي ....

وفكرة المخمريــة حلــوة .. انا مخصصة مبلـغ معيــن علشان الهدايـا .. وان شالله راح ندرس هذه الفكرة انا وزوجي

ولا يمهم مشكــورة حبوبــة

First For You:
اخواتي العماااااانيات...

فيه محل اسمه عروس الهنا محل جديد وموقعه في سوق الخوض... محل صغير بس رااااقي يعرض كل ما تبحث عنه العروس :
- فساتين عرايس وخطوبة لكبار المصممين
- تصميم للزي العماني بطريقة عصرية وجديدة عن طريق مصممة أزياء عمانية.. ممكن بس تعطيها ميزانيتك وهي تتحمل كل شئ من اختيار القماش والتصميم وغيره ... والاحلى انك ممكن تتركي الزي عندها للتأجير وتستفيدي منه...
- وفيه قسم لأزياء التاتو الرائعة
- وقسم اخر للجلابيات الكويتية الفخمة للمناسبات
- والفساتين للبيع او الايجار

المحل بصراحة رااائع ونصيحتي للعرايس وغير العرايس انها تزوره

واللي عندها اي استفسار تراسلني على الخاص

رنة الخلخال22:
صباح الخير للجميع ..

(عروس جنان) صحيح كلامك الخياط (ناصر) خياطته حلوه كثير وهو مقابل محل ( السهيلي) وانا ناويه اروح عند الاثنين واشوف الموديلات الجديدة و بعدين بروح اشتري الاقمشة .

(الوان سحرية) انا اقصد نوعية القماش اذا كان كامل اللبس حرير او في نوعية ثانية من الاقمشة .. انا بصراحة اريد افصل شي غير المعتاد واريد اضيف له حركات مثل الي في عرض الازياء الي سوته نوال الهوتي ..

First For You:
ألوان سحرية

المحل مش محلي بس انا زرته وعجبني شغلهم ... أسعارها كثير معقولة وحتى اذا ما حابة تفصلي بس تستأجري الزي .. وعندها ازياء عمانية من كل مناطق السلطنة...

وهي حتى مسويه عروض على فساتين الاعراس...

الوان سحرية:

اوكي اكسسوارات العماني من عندها او بس الملابس ؟؟؟