جاوبي بالصراحه هل (تقدري تعيشي من غير شغاله)

انا كنت عايشة بدون شغالة بس لما ربيت يبت الشغالة

اقدررررر


: )

حبيبتي أم وصـــال
أنا ما أقدر ليش، لأني موظفة و أشتغل من 7:30 لحد 3 و عندي حمودي الصغير
بس أتوقع إذا كنت ما أشتغل بقدر و نص بعد :)

أتمنى أعيش من غيرها بس ماأقدر لأني ماأعرف أطبخ يعني الفطور والعشاء عادي سهل بس الغذاء ما جربت ولا أفكر أجرب بعد

هلا اختي

بالنسبة لنا .. الحمد لله ما عمرنا جبنا شغالة للبيت وإن شاء الله ما نحتاجها
مو بس كذا كل قرايبي من بيت عم أو خال أو عمة أو خالة ما عندهم ولله الحمد وأغلب معارفنا وجيراننا ما عندهم شغالات والسبب مو مادي طبعا..لكن تعودنا على شغل البيت وبصراحة بعد البلاوي اللي نسمعها عن الشغالات من سحر وشعوذة وقتل (والحين فيه جريمة قتل هزت المجتمع الكويتي وراح ضحيتها طفل عمره 6 سنوات ) أقول الله لا يقدر ولا نحتاج لشغالة أبداً...

سلاااااااااااااام

[glow=993366]انا بالنسبة لي اية اقدر
بس انا للحين ماتزوجت انا مخطوبة

بس انا الحين البيت كلة على راسي تنظيف وترتيب واسقبال ظيوووووووووف :sad:

والمطبخ ماااااابي اقولك ويش معاناتي مع غسيل الصحوووووووووون:sad:

وانشاااااااااء ما عندي نية اجيب في بيتي شغالة ابد الواحد تعقد من كثر مايسمع عنهم وعن بلويهم

الله يكفينا شرهم
والوحدة اذا جابتها في بداية حياتها هي راح تتعب ولا راح تقدر على البيت ومسوليتة اذا ساااااااااافرة
فالواحد لا يعود نفسة عليهم وهو بخير ونعمة
فلسوفة زماااااااني
:shy:

وبعد على حسب البنت على ما تعودة علية في بيت ابوهااااااا

الحمد لله انا وخواتي شاااااااااااااااااطرات :shy:
ماادح نفسة كذاب(f)

دمتي بخير[/glow]

انا متزوجة من 3 سنين وشهرين ... ماعندي اطفال للحين
وموظفة دوامي طويل
لكن ما عندي شغالة
ولا افكر اجيب حاليا ... رغم ان زوجي وابوي دايما يحنون على راسي لازم شغالة بس انا رافضة
حتى ان امي فكرت تجيب شغالة ثانية باسم ابوي وتعطيني اياها لان نظامنا في السعودية ما يعطون شغالة اذا كان البيت بدون اطفال حتى لو موظفة
بس انا تمسكت برأيي واقنعتهم
اولا اقدر امشي اموري بشوية مساعدة من زوجي .. وشغالة امي تجيني مرة كل اسبوع او وقت اللي احتاجها وفي المناسبات والعزومات وطول فترة الصيف الشغالة تظل عندي احسها مسؤولية كبيرة وارتاح اذا رجعت امي من السفر واخذتها

فليش اعذب نفسي بوحدة تراقبني و اقعد احاسب على لبسي وطلعتي ودخلتي عشانها ؟ او امشي في السوق وجارتها وراي !! ليش عاد
كذا عايشة شهر عسل دائم ماشاء الله مع زوجي
وحتى بعد ما اجيب لي بيبي ما افكر اجيب حتى لو صار عند امي .. امي صغيرة في العمر وعندها شغالتها .. وعندي سواق ما ابي اغث نفسي بمسؤولية سواق وشغالة في نفس الوقت
بس زوجي مصر .. يقول مايحب يشوفني اشتغل خاصة اني اتعب نفسي لو بديت بالشغل ما اخلص الا بعد ساعات
لكن عاجبني ... من عمري 6 سنين وبيتنا لازم شغالة رغم ان عددنا مو كثير وامي ما شاء الله عليها شاطرة وست بيت من اروع مايكون بس عشان ظروفها الصحية تحتاج شغالة .. لكن ما تعودت اني اعتمد على الشغالة غير في كنس وتنظيف فقط لا غير

حاليا ما احتاج وان شاء الله ما احتاج لها .. تفاجأت هالاسبوع ان زوجي مكلم اخوه عشان يبني ملحق للشغالة فوق .. انا ما ناقشته وبخليه على راحته وبعدين لكل حادث حديث

يعطيك العافية اختي ام وصال

عن نفسي لا ما اقدر اعيش من غيرها
صعبة
عندي دوام من الساعة 7 صباحا الى الساعة 1 ظهرا
اخرج من المنزل الساعة 6 والنصف وارجع المنزل الساعة 2 متى اطبخ الغداء ومتى ارعى ابني ومتى انظف الملابس والمنزل
صعبه جدا جدا جدا علي
خصوصا ان ابني صغير ويحتاج الى رعاية واحد يكون وراه على طول الوقت اخاف عليه ما اخليها تسوي شي ابدا الى ان ارجع وهو يكون امام عيون خالتي ام زوجي او امي ما اتركه لحاله معاها
ابدا

دمتم سالمين
اختكم شريفة

انا عني نووووووو وووووي ودايم اقول الخدامه بتدخل معاي بيتي قبل مادخل شنطه ملابسي

وااله اقدر بس علي شرط الرجال يساعدني ههههههههههههههههههه
بصراحة الشغالة مش حنظف زيك لانو بيتك واكلها مش حيطلع زي اكللك
ربنا يبعدنا عنهم

انا عن نفسي متزوجه من سنتين و ادرس و عندي ولد الله يحفظه لي عمره 5 شهور و ما عندي شغاله اول شي كانت صعبه بس الحين تعودت اصلا صرت ما احب كلمة شغاله

أنا عندي 3 أطفال وكلهم صفار وأكبر واحد فيهم عمره أربع سنوات ونصف وما شيء حالي من دون شغاله بس أكيد برتاح أذا فيه شغاله

انا من تزوجت من اربع سنوات وانا عندي شغاله وعندي بنتين واقدر اعيش من غير شغاله

أم وصال:
مشكورة على المرور بس أنا أعرف أن النساء الخلجيا ت مايقدروا يستغنوا على الشغالة

منو قالج انا مواطنه واغلبية اهلي ماعندهم خدامه والسبب المشاكل اللي نسمعها عن الخدم
ومو كل اصابعج وحده
وانا غير وهذيل العيزانات مايرومون بدون خدامه
وانا تركت شغلي من ملجت عشان افضي نفسي لزوجي وحملي
ولين الحين تيني فرص للعمل بس م اقدر والسبب ولدي ما اطمن احطه عند حد حتى امي اخاف عليه واحاتيه الان وايد اهتم فيه وخصه انه مريض فهمتيني
رغم ان اختى يابت خدامه بعد حنة اهل زوجها بس للاسف كانت الخدامه تغوي زوجها شفتي النذاله

الملاب:
والله انا اصلا اعتقد اني ما اقدر اعيش بشغاله ليش ادخل وحده غريبه بيتي تخدمني ليش انا اش فيني قاصر ما اقدر اخدم بيتي وعيالي وريلي ؟؟؟؟؟؟؟
انا احيانا الوم بعض الناس والله يابنات اني اعرف كثير من قرايبي من ضمن تجهيز عرسها الشغاله والله شي يضحك يعني بصريح تعلم ريلها انها مهي راعية بيت وواجب واذا كان في البيت اكثر من اسره يعني حريم العيال كل وحده بشغالتها وش السالفه والله يان بعض الناس الموضوع عندهم موضه موحاجه
الحمد لله صايره متزوجه من 8 سنين وعمري ما دخلت خادمه لافي بيتي ولا بيت هلي ما تعودنا عليها ابد واخت زوجي اذا زعلت تقول لي حمارة كرف من حبي لشغلي في بيتي عاد ارد عليها والله الحم بياكله الدود ولامتي يابخت الدود فيكي (عشانها دبه) ههههههههههههه

ضحكني كلامج ودخلتي خاطري
ههههههههههههه

والله ان الخدم ماوراهم الا المشاكل
انتوا ماتدرون
مره خدامت اخوي كانت اتسوي حركات لاخوي
واحنا لاحظنا هالشي
وعلى طول اختى مسكتها وهزبتها وعلى طول خطبنا لاخوي وبتظحكون كانت مقهوره ومضايقة ولا تبي اتشوف العروس احلى منها ول لا
شو هالعبط
لا وخدامت اخوي الثاني لزقه فالريايل وزوجت اخوي مضايقه منها وانا لاحظت هالشي وحتى ريلي اقول بلاها الخدامه من ادخل اتسلم وتطالع وكل ما اروح مكان تلحقني
ههههههههههههه
ضحكتني خزيتهابعين يلست ماتحركت انا مب ناقصه
والله لو تسمعون بلاوي
واول خدامه يابتها اختي اثيووبيه ومن بعدها حرمت
كانت من اتخلص الشغل تسبح وبعدها تستشور شعرها واتلفه برولات وتتمكيج وتتخنن وتعالي شوفي جن وحده تتزهب لريلها
ولا تقول انا مب يايه اشتغل خداه انا يايه اشتغل في مكتب
وانتوا قصيتوا علي
ههههههههه
الظاهر ان المكاتب اييبونهم واقولولهم انكم بتشتغلوان في مكاتب
واخرتها شردت
ويوم ردت تبي الجواز تعالوا بس شوفوها العبايه والشيله وظاربه ذاك العطر وفول ميك اب والذهب مرصص عليها واتقول حق ريل اختيعطني جوازي قالها اف فالج طيب وسكر البيبان كلها واتصل فالشرطه ويلست تتبجبج بابا حرام
لاويايبه هدايا لليهال هههههههههههههههه اتضحك
وخدامت جيرانا اندونيسيه مدخله مصري بغرفتها شو رايكم تبون تسمعون بعد
وخداماات اخوان اربيعتي متواعدين مع شباب في شقه وبعد وبعد وبعد
ماتدرون خافوا من الخدامه المسكيه الهاديه الساكته ترى الساكت تحته بالاوي
وانا حرمت اييب خدامه وابصراحه ريلي فديته مايقصر لما اكون تعبانه هو اللي يطبخ مافيها شي احنا واحد وانساعد بعد
ومو عيب ان الريال يساعد زوجته
واسمحولي عالاطاله

صراحة انا وانا في بيت اهلي ما اقدر اذ غرفتي اشيل همها


لكن لمن اتزوج ان شاء الله ما ودي ادخل خادمه في بيتي الا لمن يجي العيال ان شاء الله


مشكوره قلبو على الموضوع النايس

سؤالك حلو عزيزتي
انـا عن نفسي اقدر استغني عن الخادمه
بس في حاله انا!!
أما لوكانت المسئوليه كلها علي وعندي عيال
ساعتها مااعتقد اني راح اقدر استغني عنها

وعوافي على السؤال*_-

لحد الان عايشه بدون شغاله وقدرت


بس أتمنى حد يشيل عنى شغل البيت عشان ارتاح أكثر خصوصا اني حامل

مشكورين على مشاركتكم اليوم ألي دخلت فيه بنات يوم 5/2/2007 توفيت جدتي لذا ما مريت على الموضوع والله يجزيكم أدعو لها بالرحمة