جفاف وقشور .. ساعدوني

أختي لا تحاتين وبنتج مالها شر ان شاالله...
ولدي عمره 5 شهور الحين وفيه قشور مثل ماقلتي...
لاحظتها في البداية في جبهته، والحين توها طالعة في راسه...
كل اللي عليج تسوينه انج تتجنبين الزيت لأنه يزيد الحالة سوء...لأنه القشور لو لاحظتي
هي دهنية واذا بتجربين الزيت استخدمي زيت نباتي وابتعدي عن المركبات الصناعية...
امسحي مكان القشور بالزيتـ بعدين غسليه بالشامبو على طول وعقبها استخدمي فرشاة
الشعر الناعمة عشان تمشطين فيه شعرها ومشيه على مكان القشور بس بخفة عشان
ماتجرحها...ولا تترددين في إنج تغسلين شعرها بالشامبو أكثر من المعتاد، لأن الشامبو
مع التمشيط بيساعد في إنه يخفف من القشور...
بالنسبة لي أنا جربتها مع ولدي و مشيت بالمشط على جبهته وراحت القشور كلها على طول...
وسلامتها وما قدامها إلا العافية...
وللأمانة هذي المعلومات أخذتها من كتاب Mayo Clinic Guide to a Healthy Pregnancy

قوة..

سبحان الله شيخة البيت... بنتج كبر بنتي... ولاحظت انهم يمشون مع بعض حتى نفس المشكلات !!! :qaq:

بالنسبة للقشور.. عندي خبرة عنها من ولدي الاول.. ذوبني من كثر القشور وهلكني..
اهم نقطة لازم تنتبهين لها ان هذي القشور خصوصاً اللي بالشعر .. مصدرها الماي الحااار..
احنا الحين بالشتا وهذا اللي يفسر وجودها..
لذلك .. حمميها بماي دافي لكن الشعر.. خلي الماي ابرد شوي.. او يكون فاااتر ... طبعا لا تخلين الماي ينزل من شعرها على جسمها .. عشان ما تبرد... ممكن تلفي اكتافها وصدرها بفوطة وبعدين تغسلي الشعر عشان ما يصيدخا ماي بارد بالغلط..

وبالليل.. ادهني شعرها بزيت زيتون عادي.. مع فركه بلطف باصابعج.. واتركيه للصباح..
قبل الحمام اخذي مشط ابو اسنان .. مب الفرشاة.. ومشطي شعرها باتجاه عكس نموها.. خلج لطييييفة حيييل.. واياني وايك تجرحين فروة راسها.. بتلاحظين القشور ارتفعت عن فروة راسها.. وهذا هو المطلوب..
بعدها اغسلي شعرها مثل ما قلت لج فوق .. وبتندهشين من كمية القشور اللي راح تطيح وبتكرار العملية راح ينظف شر بنتج... وبعد الحمام مشطيه بالفرشاة العادية وهني على بنتج..



بالنسبة للوجه..
عندي بنتي قشور في جبهتها بس.. الخدود للحين ما شوف..
اللي سويته وخليته يروح كان التالي..
بعد الحمام والبشرة للحين رطبة.. اخذت لوشن الاطفال الخاص فيها.. وبللت كرة قطن به.. وفركت جبهتها بلطف.. واشوف الحمدلله طاح معظم القشور.. طبعا مو من مرة وحدة..لكن بالتكرار.. ولااااااااازم تكون البشرة رطبة من بعد الحمام لأن القشور تكون وقتها لينة...



اهم شيء ان المستشفى قالولج ان اللي فيها مب حساسية.. والا فكلامي اللي فوق كله ممنوع عليها..

شحالج مبروك عالبيبي اول شي والحمدلله هااااااااااااااااااااا احيدج كنتي تبين عيال الحين شاخبارك ويه السهر والرضاعه والبامبرز!
لتحاتين القشره هاي (اكزيما) لتزيغيييييييييييييييييين روحها بتروح بمرور الوقت بس عليج بزيت الزيتون انا وديت ولدي المستشفى وقالولي احسن شي زيت الزيتون وسبحيها بشامبو سيباميد للاطفال واي سؤال عندج اسئلي بنعطيج من خبرتنا المتواضعه :shy:

ولاد اخوي صادهم مثل الشي كانوا يمشطون شعرهم بلعكس ولكن شوييي شوي وبتلاحظين اذا في اماكن لينه لاتشيلينها خليها لما تخشن علشان ماتتأذى فروة بنتج كل يوم شيلي شوي موتشيلين في يوم واحد كله

هلا خواتي انا ولدي كمل اليوم 20 يوم من ولاته وطلعله من يومين حبوب في وايه وعلي راسه فديتع حبوب حمراء كبيره معرف شوه السبب والله خايفه عليه مادري اوديه المستشفي ولا شي عادي قولي لي فديتكم

ام الغالي وديه احسن الدكتور

اشكركم جميعا على الردود وما قصرتو ... فعلا قالولي اكزيما

السلام عليكم
كيف حالج أختي .....أنا عندي بنت عمرها 8 شهور ويوم كانت في الشهر الثاني كانت فيها قشور علي ويها وجسمها وشعرها فكرت في البداية أوديها عند الدكتورة لا كن أختي الله يخليها نصحتني بزيت لقمان فسويت نفس ماقالت كنت قبل لا أسبحها أدهنها بزيت وخليها نص ساعة تلعب تحت ضو الشمس وبعدين أسبحها والله العظيم يوم احطها في الماي وغسلها بصابون الماي كله يغدي أبيض خليج من الكريمات ومن الاكزيما وسوي نفسي وما بتندمين وزيت لقمان ابدا مايضر حتي لو دخل في الفم .

حبيبتي هذه أكزيما ، وأنا عندي بنتي البكرية لين ألحين تعاني منها .
والله يسلم بنتج ويحفظها يمكن تروح بعد ما تكمل سنه أو سنتين ، وبعض الأطفال أتم معاهم لسن المراهقة.

اويه خوفتيني ثرى الإمارات

بنتي حبيبتي فديتها ... إنشاءالله خير

مع الأسف ماشى اهني زيت لقمان ,,, في البلاد وين بحصل

مشكوره

نفس الشى ولدى يعانى منه جربى الفا كورت

يمكن ينفع

ووصفولى لراس ولدى زيت دابر فيتكا ( بزيت الزيتون واللوز و___ )


الفردوس

هلا حبيبتــــــــــــــــي

انا ولدي كمل الستة شهور واسبوع تقريبا

يحك راسه رطيقة والله لدرجة انه يطلع لنفسه الدم من الحـــــــــــــك تتخيلين والله ولدي يضحك

امي تقولي حطي له كريم على شعره مع انه اقرع شوي مو كثيف شعره

انا احط له بيبي اويل لأطفال وانشاء الله يروح القشر

تسلمون ,,, بحط زيت زيتون وإنشاءالله خير