فديتكن بنات ممكن تساعدني ؟ بليييز( للمخطوبات )

والله فكره حلوه الغلا
بس سالفه الدبدوب الغيها احس مب شي مال يهال
وسيري محل الورورد وتنقيله وورد غريبه وراقيه وغلفي الهدايا وحطيها من بين الورود في الباقه
وخذيله عطر على حسب ميزانيتج

تعرفين ريلي كان مايعرف شي عن الماركات مب من النوع اللي وايد يكشخ
قمت اهديه ماركات وعطور وسوالف دلع ^^وقام روحه يدلع عمره ويتشرا هالسوالف تعود عليها
والحينه فديته والله محلاته غادي

من الحينه اي شي فخاطرج حق المستقبل عوديه عليه لان عقب العرس مابترومين تتحكمين فيه

كيفي بطرانه
والله فكرت واااااااايد حلوه :clap: :clap:

اتمنى انج تنفذينا وإن شاءالله هو بيستانس عالهديه وبيزيد حبه لج اكثر واكثر(f) :shy: (f)

الله يوفقج إن شاءالله عطيتيني فكره حلوه يمكن اسويها حق ريلي عقب مايرد من السفر:ok: :ok:

هههههههه از اي ثنك ...

هوو شاااك في الهديه وقالي شوو بيكون فيها عشان عيد ميلاده

عرف ان فالهديه دبدووب فقالي خلاص الدبدووب هذااا بتخيله انتي ..

يعرف اني احب الدبااديب وقالي بعد العرس مااشي دبااديب هههههههه

المهم انا ماا رضيت اخبره شوو بااجي الهديااا

بس ختيه رحت اليوم الحرمين .. وشترين ميداليه صغيره .. فيه ع طرف زجاجه دهن عود سيوفي...

اليوم بتكوووووون الاحداااث اول مره يكلمني الصبح .. ويرسل لي مسج وهو في الدوام

بس احسه مستغرب شوو بسووي اناا وشوو بيكون وسط الهداااايااا ...

هممممممم ... ادعوووووولي تتيسر العزيمه اليووووووووووم

وان شااء الله باجر .. بخبركم الاحداااااااااااث والمزيونه فالج طيب

ان اشاء الله تتيسر امورج^^

حالة ولاده مب عيد ميلاد^^

يلا بشريني اتريا النتايج

ونحن بعد فالانتظار وربي يوفقج

بس اختي as I think
خبريني كيف اشل سويجه بدون مايدري ؟؟ لاني حابه اسوي نفس الشي

انا مخطوبة و9 شهور ما اشوف خطيبي يعني اتحجب عنه لان لسه ما ملكنا كلام بالتلفون وما اشوفه الا نادرا وهو يقربلي ولد خالتي يعني بالاساس كنت لما اشوفه اتحجب عنه من يوم انا صغيرة وكنت اشوفه بالمناسبات لمحه:shy: ههههههههههه او لما يجي يصلح كمبيوترنا
بس كنا نكلم بعض بالثلاث ساعات واكثر ماتخلص سوالفنا طبعا مانتكلم كلام حب ابد :no: وماكنت احس بنفس احساسك انا
قولك ليه لانك تستحين مو معناته ان انا جريئه لا لان انا احب اسولف كثير وهو بعد>>>>>>>>>>>> وافق شن طبقة هههههههههههه

تخيلي كنا نتكلم عن الطفوله وكانت امي قايله لي سالفه عنه في لبس الحفاظ :pain: وذكرتها له وضحكنا :dd: واحيانا نتمسخر على بعض بس كانت جد ممتعة

لكن الحين صرت ما اعرف اتكلم بالتلفون لما ملكنا لازم وجها لوجه هههههههههههه قريب اكمل سنة من ملكنا :gum:



واي شي عن الخطوبة سالني وانا بجاوبك مخضرمه :smile: ههههههههههههههههههههههه

شوفي الغالي ريمان

يوم الريال بيي بيتكم خلي حد من اخوانج يقوله فلان ترا موترك ساد الدرب هات السويج بغير مكان الموتر

مرحباااااااا بنااااااااااااات

بخبركم شوو صااار امس

اتصلت له وقلت ويينك قال بسلم على عرب وبيي

وشوووي لانه متصل وقال انا في الدرب يلا العشى جاهز ولا هههههه كان يمزح

وخبرت اخواني وقلت له دخل السيااره فالبيت ... وهو يعرف اني بحط شي ههههههه

قال اووكي ... بس صااارت المصيبه يااا اخويه العود وسد الدرب عنه :( فووقف سيارته برع البيت

مت قهر ... يعني اكيد سكر سيارته ...ودخل يلس وياا ابويه واخويه

جان اقوول لاخويه الصغير اللي اصلا هو بيرتب الاغراض فالسيااره اييب السوويج

قال استحي جدام ابويه واخواني اقوله هات سوويج سيارتك قلت له رووح وقووله عرب يبوون المفتاااح

والله انه راح وقاله جان يضحك ويعطي اخويه المفتااح

حطيت له العشى ع طووول .. وسويت له العصير .. وقلت لاخويه يرووح يحط

سلسله قران في مرايه السيااره ..
وعند البريك الدهن عوود وكيس معطر ..

ووين يقعد مخده بسيطه من لايف ستايل

وع الكرسي الثاني بااقه ورد ودبدووب
والكيكه .. وكيس فيه اوراااق ذكريات الطفوله وصوور لي وصور له يوم صغير ( ولد خالتي هو )
وصور لي يوم كبيره ... لانه يبااا يشووفني بس امي ماا رضت لانه مااشي باجي عن العرس فقلت له بتشووفني بس ما بطلع جدامك فخليت الصوره فكره هههههههههه وبطاايق

وخليت له بووك مكتتووب فيه اسمه وخليت له 5 دراهم ههههههههههههههه عشان البوك وكتبت في ورقه هات 2 جلكسي 2 بيبسي و2 لبان و2 بطاطس و2 عصير ورجع الباجي هههه


وخليت اخويه يرش فالسياره من عطري ...

وبس ..

هوو يوم ياا كان لابس غتره .. اناا طرشتهاا له هديه .. قبل الملجه في فتره الخطوبه واول مره يلبسهاا امس .. بس لاني انا عازمتنه ...مت ع حركته هااااي

طبعا اول ما راح انا اتصلت له .. ماا رد عليه بسرعه .. خفت قلت له بلاك

قال واااااااااااااااايد سويتي لي كيف ارد لج كل هاااا يوم عيد ميلادج وانا ماا اقدر اشوووفج

ماا عرف شوو يقول ... حسيته منصدم .. بس يقولي والله وايد وايد ...
فديته ...

انا قعدت اكلمه فالليل وهو كله يفكر شوو يسووي لي يوم عيد ميلادي هههههههههههههه

وصح شل المخده وياااه الغرفه وقالي كل المخده رحيتي عطري وماات ع ريحته سيارته وكلمته اليوم الصبح وقالي عطررررررج رهيييب

وطلب مني اصوووره وبيشتري منه

وبس شووو رايكم

حبيبتي والله وايد استانستلج ^^

تدرين انا مستانسه اقرا واحس باحساسج^^

عليج بهالزين حبيبتي ...حلوه سالفه السويج اونه في عرب يبونه^^

شوفي الغاليه الخطوه اليايه ..

سيري اخذيلج دفتر راقي من الدفاتر المشغوله يدويا ولا خذيلج دفتر عادي وانتي زينيه

المهم وهالدفتر خليه لج وله اكتبي في اي شي فخاطرج
ودج تقولينه له ويوم بييكم حطيه فموتره وخليه هو يكتبلج
اي شي فخاطره او يعبر عن مشاعره من صوبج

آه من قلبن غدا حبه جنوني
آه من خل ع بالـــــــي طرا
لي سطا في الروح وتملك شجوني
من صدوده ياملا دمعي جرا
في المحبة ياعرب لاتعذلوني
لان حبه في فوادي قد سرا ^^

ومن هالكلام الغاوي اللي يريح الفواد

البطرانه ..الغاليه ممكن ايميلج ع الخاص ^^؟

فديتج والله الغنااه

المشكله .. انه ماا يحب يكتب .. وقالي هالشي .. قال انا ما اعرف اكتب واعبر

فكرتج كانت في بالي بس من فتره سمعته يقووول جيه ...

هااا الغلا شي عندج افكااار غييير

اناا فخاطريه تنفعني يوم ارمسه

انا احب اسهر هو مااا يحب يسهر فالليل

لانه ورااه دووام وعسكري عااد هههههههههه

ثرج الا شراتي ^^

تاهيه^^سوالف كلهم عسكريه

اقولج ريلي يقولي فلانه ارقدي عسب اسهر وياج فليل

يوم ايي اللليل انا اتم واعيه والريال يناخر^^

طبقي الفكره اللي قتلج اياها لان وايد حلوه وريلي مايحب يكتب
بس يوم بديت انا وايد استانس ع الفكره وكمل ^^

ثاني فكره ..

سويله سيدي اشعار واغاني وشلات واخذيله ورده حمره وحده بس^^

ويوم بيي بيتكم حطيله السيدي فموتره وياالورده بس هذا متى تسوينه عقب اسبوع ^^

جاري التفكير في اشياء يديده

شوفي خلي مكالماتج وياه زايده بس مختصره يعني كلمتين وبندوا عسب ماتملون

وعسب تحسون بالتغييير عقب الزواج

شوفي ياحلوه في حركه وايد يحبها الريال ويحترمها فيييج وهي انج تشاورينه قبل لاتظهرين
ولو قالج لا لاتظهرين لاتظهرينن وايد بيحترم هالشي فيييج ومره ثانيه مابيقولج لا

لاتتعلمين تعاندينه مول ولا اتمينن تطلبين امنه مول حتى عقب الزواج

صح اناا قبل لا حتى اروح بيت خالتيه اطرش له مسج اني بروووح ...
وما احب اطلب منه .. وصح هو قالي انه يكره فالحرمه عناادهااا

ههههههههههه حتى ريلج ينااخر انا ريلي كله يتثااوب يوم يكلمني فلليل

امس عصبت وقلت له يقوولون في سكووت الريال هيبه بس انته غير

<<< كان يتثاوب ووقف وقالي كيف غير

قلت له انته في سكووتك مثاااوب

قالي ماالت عليج ههههههه تبيني ارمس شرات المطلقه الريال يسكت والحرمه اللي ترمس


صدقيني بيخبلبي مراات

(( المسن هب رااضي يفج :())

وما اقدر سالفه الدفتر ... لانه هو نااادر ايي برووحه كله مع اخوه ولا ابووه

الا يوم ميلاده وقلت له طلبه تعال برووحك

وع سوالف العسكرين ييلس يكلمني عن دوامه وياختي ما افهم شي .. واقعد اغير السالفه

ما اعرف شوو اقووووووووول

صح فيه طبع مب حلووو صرت ازعل منه بسرعه بس زعل قوم 5 ثواني

وودي يوم يتصل مااا يسكر لو اتم سااكته وياااه ....

لا الغاليه اكبر غلط انج تغيرين السالفه يوم يتم يرمس عن مواضيع العسكريه

اسمعيه وسوي عمرج مندمجه وياه وابدي رايج واضحكي وسولفي ^^

اخس شي عند الريال يوم ماتسمعينه

كيفي بطراانه:
صح فيه طبع مب حلووو صرت ازعل منه بسرعه بس زعل قوم 5 ثواني

وودي يوم يتصل مااا يسكر لو اتم سااكته وياااه ....

البدايه دوووم جي ^^

واحنا العكس اول الايام هو متخبل يبا يرمسني

ماكان عندي تلفون كان يدقلي من تلفون باباتي
هو يبا يكلمني وانا اقوله لحظه وافر التلفون ع باباتي من الحيا^^

بس نصيحتي لج يوم ماعندكم شي تقولونه سكري عنه واشغلي عمرج باي شي ثاني

لاتخلينه يتملل منج نصيحه^^

مدرررررري ... زين نبهتنيي ع هالنقطه ...
وهو اول ماا تكلمناا قالي احسج ماا تفهمين على سوالفي

بس قعد قبل يومين يكلمني عن ذكريات الكليه وسمعته وعلقت على سوالفه عاادي

بس بالذمه يسوالف لي عن اسمااء اسلحه وجيه ماا افهم .. بس اقوله انزين واهاا وايووا

بعدين قالي غلط اكلمج عن هالسوالف وسكت الحين ماا يكلمني عن هالسوالف اسميني استانست هههههههههههه امبوني ما افهم فيهن

بس يااختي .. امس سكر عني يباا يرقد بدري عشان دووامه اول مره ماا يكلمني وهو يبااا يرقد ع طووول

عاادي تفهمت انه يبااا يرقد بدري هالمره .. بس يوم سكرت عنه حز فخاطريه

واليوم قلت اخبااارك قال شبعت رقااااااد ومستانس ... فرحت له ان مرتااح هب شرات كل مره يروح الدوام تعباان

بس حز فخاااااااااااااطريه :( :(

أسميــج دلوعة والله اني كنت شراتج ^^

بس يااختيه تحملي انتي حرمته لازم ادارينه وتخلينه يرتاح

لانه لو كان مسطل وفيه رقاد بتكون اخلاقه زفته وبيتم يضارب
خذيها نصيحه من اختج^^

هممم صح حتى انا هو اللي طلب يكلمني ..

ع طااري دلوعه ادري :( وهالطبع مب شي فيه ... بس اذا كان تعباان ما اقوله لا تسكر .. بس مره

قلت له لو ودي ما تسكر قالي لو مب دوام ماا سكرت .. وعيبتني فكره اسكر عنه اذا سكتنااا

بس انا استحي اقوله بسكر عنك .. ولا مره سويتهااا اتريااه هوو يقووول ... واستحي اتصل له وهو

يقولي ما تتصلين .. ويوم اتصل اتفشل يكون وياا ربعه ولا يرد عليه .. بعدين هوو يرد يتصل ...

بس فالحه انا اطرش له مسجات

هووو يحب التغير وانا احب التغييير ...

وودي باافكار ... فكره السي دي عيبتني وااايد ...

بس .. ماا ودي اسويها عقب اسبووع بسوويها عقب فتره جيييه ..

واصلا هوو ماا ايينا دووم لانه مشغوول

<<<< قاااااعده تفكر بفكره

والله انج ماا تقصرين اختيه ويزاج الله خييير .. تعيبني نصاايحج واااااااااااااااااااااااااااااايد

واحسج قريبه من افكاااري