الله يخليكم أبا فكرة سريعة

سوي لوحه وفيها مجموعه من شاشات الكمبوتر كل شاشه اكتبي فيها اسم البنت متفوقه

سوى فراشات بس بدون ملامح بس الشكل الخارجى علشان ماتكون صورة فيها روح وتؤثمى بارك الله فيك،قصى وحدة على ورق مقوى مرتبة مرة وبعدين كررى القص ولو تحطينها على فلينة تكون بارزة تطلع أحلىأو تكررى الورقة يعنى طبقات حتى تكون بارزة،وتزينى أطرافها بالاكلين اللماع وحتى الوسط تطلع حلوة ولو تكون الفراشات ملونة أزين والخلفية لون هادى وبين الفراشات ورود صغيرة تلقين أشكال حلوة جاهزة
وأقترح عليك ان الأسماء تكون ب ستكر يمكن تبديله كل مرة يعنى الشكل ثلبت بس فى امكانية تغيير الاسماء حسب الطالبات
طولت عليك بس ان شاء الله وصلت الفكرة وأى استفسار أنا حاضرة
دعواتك لى بالشفاء

مشكورين جميعا حبيباتي:

تمر : يزاج الله خير فكرة حلوة بس ممكن اتوضحين لي زيادة :(

الينبوعة : شكرا عالمرور و ياريت تتحفينا بأفكارج الحلوة .. :)

أم عمر $$ : تسلمين يالغالية و ما قصرتي فكرة ممتازة و شكرا عالنصيحة الطيبة و تراها في البال :)


______________________

و ين العرايس الباقيات و ين أفكاركم الحلوة ؟؟؟؟؟؟؟؟

أنا كنت مدرسة كمبيوتر ؛ كنت ادرس اولاد

كنت اعمل لوحه فيها مثل العواميد وفي كل عامود صورة الطالب
واحط ملاحظتي على كل طالب في نهاية كل درس
ويوم الخميس اسوي مسابقه خفيفة قبل نهاية الدرس
واحسب حق الطالب كم حصل في الاسبوع من نجمه وياخذ هديه
ونفرح فيه ونشجعه للأحسن

وهكذا لما يكمل شهر نشوف اللي يحصل اكثر نجمه
اعمل له تكريم بالطابور

ويعتدل الحال

عقبالك

مرحبا

شحالج أبله ^_*



انا بنت وحالي حال البنات في المدرسه .. صح انا مش بعمر اللي في صف خامس ورابع لكن بما اني بنت عوده واحب دايما يكون جو الدراسه غير .. تبين كل البنات يحبنج ويستوعبن في حصصج .. عندي لج فكره حلوه حلوه ووايد احبها


اممممممممممممممم


شوفي سيري لايف ستايل وخذي فراشات اللي فيهن خيوط وتتعلق ع اليدار

خذي اللوان لا تاخذين وايد خذي كم وحده ووزعيهن .. و خذي كم شي حق طاولج وخليها دايما لونها لون فرخ يعني خذي Pink ولا اورنج ولا الاصفر خلي الالوان تفرح العين .. وبعد بتحصلين عندهم مطر غرف خذيه بريحت الورد ولا بريحت الفراوله .. وحطي عدال السبوره .. وحده من هاذيلا الفراشات تتطلوح وتحتها علقي خيوط وبطايق صغار فيها اسامي البنات او جمل محفزه وتقدرين كل فتره تغيرين الاسامي وبالعكس بيكون فصلج احسن فصل لان الكل بيحبه وشكله هادي وحلوووووو

انا مادري اذا عيبتج ولالا ..

نحن اللحين في الثانويه كارفينا كراف وقلت بنسوي حق كلاسنا جيه عشان نغير جووو ونحب الدراسه

والسموحه منج الغلا