بنتي عنيدة

انتي السبب حبوبه


حرام عليج و الله تطلعين عصبيتج على بنتج
شو ذنبها


اللي بنت تسويه كل الأطفال يسوونه


لازم انتي تكونين حنونه و تهادينها و تعلمينها الصح


و عدوانيتها نتيجة ضربج لها

يا ريت لو تراجعين حساباتج

و تبين توقفين نفسج و تندمين صدق على اللي فات و تبدين صفحه يديده

عقب ما ترقد بنتج يلسي عدالها و طالعيها و الله بتشوفين كل البراءة و قلبج بيعورج على كل لحظه مديتي ايدج عليها

حرام و الله تضربينها

لعبيها اشغليها كلميها فهميها بيي يوم بتفهم و بتكبر و بتسمع الكلام

بس عصبيتج و ضربج بيخليها نسخه منج


الله يهديج يا رب و يسخر قلبج لبنتج :)


سوري يمكن اندمجت شويه بس ما يهونون عليه الصغاريه

انا كنت مصلج بس في يوم عقب ما رقدتها تميت اطالعها و الله دمعت و من يومها واايد امسك اعصابي عليها و الحمد لله هدت وايد عن قبل

شوفي عاشقة جيبيلها دمية بيبي صغير وخليها تعتني فيها انتي مثلا قوليلها نيميها لعبيها
مثلا اكليها خلليها تتعلم العطف والحب وتخرج كل شي فيها بهااللعبة

انا بنتي عمرها سنة و7 شهور وعملت معها هيك على الرغم هي بنتي كتيير حبوبة بس صارت على اكثر

وصارت كل ماتشوف بنت اختي اللي عمرها 7 شهور تلعبها وتقللها نفس الكلام اللي نقوله للعبة
حقها اسفة على الاطالة وربي يعينك

والله انا عندي نفس المشكلة وحجرب الي نصحتيها فيه ....عجبتني فكرت العروسة جزاك الله خيرا

جزاك اللو خير حلووووووووووووة فكرت العروسة

بنت أختي نفس الشي عنيدة ف يوم حد يطلب منها شي ما اتسوي لو شو اتسوين فقلت خل أعكس يعني أباها اتيب الشي الفلاني ما أقولها هاتيه أقولها لا اتيبين واتيبه ومن هاك اليوم وأنا أطلب العكس