أشياء شريتها من السوق على مدح البنات عنها بالمنتدي وتحسفتي ؟؟؟

شكرا خواتي على تفاعلكم الحلو بموضوعي وفعلاً كل وحدة واللي يناسبها واكيد الناس اذواق

بس انا من النوع اللي مالي خلق على الدوارة واني اجرب احب لي عجبني شي على احد اسالهم من

وين واروح اخذ مثلة يعني في عطور من يحطونها خواتي احس ان ريحت العطر تفوح ومن استخدمة

احس انة عادي وماتطلع ريحتة .

وبالنسبة لاقتناعي بمدح البنات يعني لما ادش موضوع القي عشر صفحات وكل المشاركات يمدحون

هالمنتج بالذات اذا كان ليمتد اديشن اروح اركض اخذة ومو كل شي يعجبني .

بس مو معناتة مافي اشياء حلوة الا استفدت وانتوا اكيد استفتدوا من هالمنتدي في اشياء كثيرة.

بصراااااااحه

انا خلاص توبه اشتري من مدح غيري

كنت اسمع عن زهور الريف اللي بالسعوديه وكل البنات يمدحونه قلت اكيييد حلوو

وسألت البنات عن احسسسن نوع قالوا مجموعة سويت كاميليا الورديه وشريتهااا

الله لا يورييييييكم تميت يوم كامل راسي يعورني وبدلت ملابسي لان الريحه علقت فيها وهم ما راحت دخت ولاعت جبدي منهااا

ريحه قوويه وبعدين مو حلووه مادري شلوون صااايره

ماعجبتني كلشششششششششششش يمكن بس الكريم لانه مخفف مع انه بعد مو ذاك الزووود

دفعت عليها 20 دينار :(

وانا مثلكم كلش ماعجبني كحل ريفلون هو اسود بس يسيح على العين ودي بكحل مايسيح ابد ياليت اللي تعرف تخبرني

بــنــت ٍ أجــوديــة / هههههههههههههههه سملة على راسج انا بعد ماعجبني بس عجبني عندهم سبري التوت للجسم امممممممممممممممم خاطرج تاكلين نفسج لي حطيتية بس انا عندي الغرشة القديمة بس مادري اشلون بعد التجديد .

احلى كحل مبروك وديانا اوف لندن وكحل جيسيكا

تسلمين حبيبتي على الموضوع
والحمدلله عمري ماندمت على الاشباء اللي اشتريها الا نادر
ومن الاشياء اللي ندمت عليها قلم الكحل من بينيفت

الحمدلله
لحد الحين ماشريت شي وتحسفت عليه!!!
لأني ماآخذ الحاجه إلا عن اقتناااااع!!
وشرط أساسي إنها تدخل مزاجي!!
مب بس على مدح اللي حوالي!! :gum:

بس الصراحه موضووع منه استفاده كبيره :clap:

عساج عالقوة أختي maha mohd (f)

]الحمدلله مافي شي شريته وحسيته انه مو شيء


و صدق الناس اذواق انا وايد عيبني عطر ديور اليديد لمتند اديشن

في اشياء طاحت في جبدي صح بس انا المسؤؤله محد قالي اشتري

عساج عالقوة غاليتي

M!$$_BLinG:
السلام عليكم
الحمدلله
كل شي خذته عيبني
لاني اجرب الشي و عقب اخذه
حتى لو البنات مدحوه
مثال مسكارا ديور انليمتد
ما حبيتها بالمره بالغم انها نالت على جائزه افضل ماسكارا 2006!!!
الصراحه ماسكارا ysl
اروع
هههههههههه دشيت في الفة ثانيه

نفس الحالة بالضبط ..
دايما ً آخذ اللي يعجبني ويدخل مزاجي ...



وآخر مره جيت بآخذ
ماسكرا ديور "آن لمتد" وكانوا يقولون انها لمتد!


وشفت فرشاتها وما عجبتني
وخذيت بدالها ديور شو ..


وبعد خذيت ماسكرا
لانكوم هيبينوس اللي طايحين عليها .. وكانت جيدة
بس مو قد المدح اللي عليها ..


وبصراحه للحين مافي احسن
من ماسكرا YSL روعه روعه روعه

بصراحه وبدون ما حد يزعل ..

وايد خذت دخون من الي تجارب البنات فيه ما تخلص ...بس ندمت والكل قام يلومني على الروائح الغير مستحبه .

موس مايبيلين طلع كاني فاركة ويهي بطحين:qaq:
لكن في أشياء حلوة شريتها بنصيحة البنات:ok:

عُـــــدنا

أنا ما جربت مابلين بس أفكر أشتريه ..يقولون هو مقارب لماكس فاكتور وماكس فاكتور ما ناسبتني بعد..:) بس ودي أجربه شفته على وحدة وعجبني..حطمتوني :(

وأحب أنبه لشي..أنا حصل لي مرتين :

العينات اللي بالمحل (التستر) تكون الوان وتقتنعين فيها وإذا رحتي البيت تطلع لون آخر طبعاً الماركات اللي وسط :
مثل شدو من D.M.G.M المعروض موف واللي خذته البيت وردي!! وهو نفس الدرجة..ونفس الإضاءة بالمحل والبيت..رحت اليوم الثاني برجع شي و قلت بروح أشيك أكيد أتوهم.. طلع فعلاً التستر لون واللي شريت لون آخر مع انه نفس الدرجة..
وكذلك كحل نكتار جربته على اليد سواده شي فضيع (التستر) ويمشي معك بسهوله..رحت البيت والنتيجة :(
الظاهر مخفي :) ما يخط شي على الوجه .. يكتب على اليد فقط

واللي يقولون ما ياخذون شي غير بإقتناع ويجربونه .. وين نجرب أصلاً مع الغطاء ماااااااافييه مجال اصلاً.. و شخصياً ما أحب أجرب العينات على وجهي..:)
وماشاء الله محصلين أحد يوديكم السوق كل يوم :(

وبعد من الأشياء اللي شريتها على شور البنات..

أساس نيفيا مرررررررة خفيف يصلح للي وجهها مافيه عيوب أبداً وعندي هالات وبقع.. أو أساس صباحي.. أما البودرة من نفس الماركة سيئة جداً جداً غباااااااااار مع أنها مو فاتحة....

وكمان شدو كلوب من ماك مااااااااااااعجبني أبداً.. ولا فيها لمعة..وهذي أول مرة أتعامل مع ماك.. حطمني

ولازال البحث جاري عن شدو لامع ( بس مو مثل المخملية ما حبيتها ) اللي تعرف ياليت تخبرني بلييييييييييييييييييييييز.. أو الجلتر اللي فوق الشدو من وين أجيبه و من أي ماركة..؟؟
كأني غيرت الموضع :)

الصراحة استغرب من اللي قالت مب حلو الدريم كول مع اني ما استغنى عنه وحتى ريلي يوم شافه علي كل اليوم مكياججواايد حلو جنج رايحه الصالون
مثل ما قلتو الناس اذواق ...او يمكن الالوان اللي ماخذينها ماتناسبكم؟؟؟؟؟؟؟؟؟!!!!!!!!!

اسويرا:
الصراحة استغرب من اللي قالت مب حلو الدريم كول مع اني ما استغنى عنه وحتى ريلي يوم شافه علي كل اليوم مكياججواايد حلو جنج رايحه الصالون
مثل ما قلتو الناس اذواق ...او يمكن الالوان اللي ماخذينها ماتناسبكم؟؟؟؟؟؟؟؟؟!!!!!!!!!

حبيبتي يمكن عشان اختلاف البشرات
وكل وحده بشرتها غير عن الثانيه

وصج ترى واايد اشيا التستر يكون غير، حتى العطورات تشمينه شي ويطلع شي ثاني
وهذا الشي عشان التسويق وحق يمشون البضاعه
حتى العينات اللي يعطونج اياها بعد ماتكون مثل المنتج الاصلي

أنا تذكرت بعد من الاشيا اللي ماعجبتني وايد المرطب اللي من البدي شوب على فيتامين E ماحسيته يسوي شي اذا احطه قبل المكياج
وبعدين يصير كأنه طبقه على ويهي مع ان بشرتي جافه بس مادري شالسالفه :qaq:

أكيد كل اللي قلتوه صح ....

ولاحظت الختلافات ..
أنا أشتري اللي أحبه ومو بكميات كبيرة أبدا .. واذا حبيته أرجع وأشتري ..

الديرماكول واااجد حلو .. واستغربت من الردود .. بس ترا أنواع البشرات وغير كذا طريقة الاستخدام ...


يا بنات ترا مو شرط الماركة الكبيرة تعطي نتيج ة كبييييييرة مثلها ... لأ ... اخذوا اللي يناسبكم ..

ولا تنسوا تريحوا بشراتكم من الميك أب .. ترا حتى الطبيعة حلوة .. وحافظوا عليها وهو الاحسن ..


الموضوع رووووعة ...

من الاشياء اللي ما أدري اذا سو ضجه عليها ..
بس الماسكرا اللي ضد الماء من نيفيا ماكس فاليوم .. رووووووووعة والحلو فيها انها ثابته وما تخلي الرموش وااايد ثقيله ..

حلو بعد الروج من عندهم ... بس الدرجة اللي خذيتها مو وايد عجبتني .. واللون ثابت .. بس المشكلة غامق وأنا بعدني مو متزوجة والالوان الطبيعية أحلى ..

الاساس الديرماكول حلو .. بس لا نتسوا المرطب .. وتحطوا بكميات قليلة .. لأني شفت وحدة تشتكي وتقول غليييييييظ اذا هو غليظ فهذا الاصلي .. بس وزعيه عدل .. و بكميات قليلة ...

الحمد لله لليوم اذا مدحو البنات اي شي في العطور او المكياج

اجربه في المحل واذا ماعجبني مااخذه

(f)

حبيبة بوالعيال:
انا شريت 4 حبات من درامكول من الكويت والسبب مديح البنات له بس بصراحه طاح ابجبدي ايلوع الجبد في الأستعمال ويقطع طبعا انا جربته بكل الطرق المذكورة بالنت بس فشلت

نفس الشى

بنت بوظبي*;3246652:
الموضوع حلو

بصراحه انا كل ماشوف البنت يمدحون شي في المنتدى وخاصه المكياج اسير اخذه والحمدلله معظم مشترياتي ناسبتني

لكن اللي ماستفدت منه ابدا هو باليتة كونسيلر ميك اب فور افر احسه وايد ثقيل
وبعد شمع الحواجب من سماش بوكس يمكن لاني ماعرف استخدمه بس ابدا مانفعني

بس الحمدلله باقي الاغراض نفعتني وحلوه

حتى انا ما استفدت من الكونسيلر مال ميك اب فور ايفر