رجاء ياخواتي انصحوني ودلوني تعباااانة

مرحبا اختي
والله انا زعلت لما سمعت انك بتفكري بالاجهاض حرام عليكي ما تنسي انو هالشغلة اكبر حرام
كيف بهون عليكي
توكلي على الله وانشاءالله رح تولدي و تقومي بالسلامة والي ببطنك رح يكون سليم انشاءلله
ما في اكرم من ربك
على فكرة انا كمان من الخليل
بسعدني نتعرف على بعض و نكون اصدقاء
الله يهون علينا غربتنا

السلام عليكم خواتي شكرا الكم بصراحة مع كل التعب اللي جواي بس فعلا مابقدر اجهض الاجهاض بده جراءة ما عندي اياها بعدين صحيح لسه ماشفت ابني بس بحبه بشكل مش معقول الحمد لله على كل حال مستعدة اخسر كل شي الا ابني حبيب قلبي حتى طول امبارح وانا اعتذرله اني قلت هيك مابعرف سامحني اولا بس هو بيعرف اني بحبه وانا متأدة انه رح الاقي حل والله رح يساعدني بس بدي بنات من راس الخيمة ينصحوني وين ممكن اتوجه لحتى ما اسافر لانه فيزتي باقيلها شهر وبتخلص وانا حاليا اصلا مابستلم الراتب بس بدي اعرف محل يقدرو يساعدوني مااسافر على الاقل لشهر 7 انا بلد بشهر 6 بعد ماولد مش مشكلة اسافر بس مابدي اخسر ابني

مرحبا يا ام محمد انا فكرتلك بحل بس ما بعرف اذا بفيدك بس انتي شوفي اذا سكرت معكي من كل النواحي جربي سافري لللاردن بالطياره واطلبي من اهلك ييجو لللاردن هيك ما راح تتعبي حالك وبتشوفي اهلك وفيكي بدل ما توخذي اوتيل توخذو كلكن شقه لفتره مثلا اسبوع وكثير رخيص بالاردن جربي هيك انشالله بمشي الحال معكي وما تحتاجي تسافري بس انتي بهاي الطريقه بتوفري على جسمك تعب السفر بالسياره والدخول لفلسطين بدو اجراءات وكثير صعب هيك اريحلك

اختي انا نزلت قبل فترة على الاردن وقعدت فيها شهر لحالي لانه اهلي ماقدروا يجو المشكلة لو انا طلعت هلا من الامارات كيف رح اعاود ارجع على الامارات انا ماعندي مشكله انزل بشهر 7 او 8 على فلسطين بس مش هلا لو بدي انزل على الاردن زوجي مابيقدر يكون معي لانه من غزة فهو بينزل على مصر حتى لما تزوجنا الاردن سمحتله ب 3 أيام فقط لانه من غزة شكرا الك اخت ليمار على الحل بس لاني جربته قبل وما مشي الحال تخيلي انك تقعدي بعمان شهر لحالك وانا كنت مجهضة جديد واتنقل من عمان لإربد كان وضع مابنساه ابدا وانتو اكيد تعرفو انه أحلى شي ألد وانا جنب زوجي بدي يحضر معي الولادة وهو يحمل البيبي أول شي خصوصا لانه البكر شكرا لكل اخواتي اللي ردوا عليا وساعدوني وياريت نكون أصدقاء