تجمع عرايس صيف2007 كلللوولييييش

عهوود وبس! 28-01-2007 465 رد 14,839 مشاهدة
أ
:clap: كشخه كشخه الموضوع

انا عرسي بشهر 8 يعني بالصيف

بخصوص التثقيف عن الحياه الزوجيه
(انا مانصح حد يقري كتب عن الحاله النفسيه للزوج او الزوجه او عن الحياه الزوجيه ...هالكتب توتر اكثر من انها تريح وبعدين اذا قريتيها معناتها بطبقين اللي مكتوب فيها فليش تتحلين بشخصيه مب شخصيتج.....؟؟؟

انا امي مب كبيره وايد ودايما تقول لي لاتقرين كتب ومواضيع بالنت عن الحياه الزوجيه خلج عاديه عشان ماتحسين ان حياتج بتتغير وان هالتغير بيغير طريقه تفكيرج بالحياه تقول لي خلج عادي والحياه الزوجيه ماراح تغير اشياء وايد من حياتج اللي متعوده عليها

وانا مقتنعه بكلام امي وعشان جيه مانصح اللي بيعرسون ان يقرون ويتثقفون في التعامل مع الزوج

تصرفي بطبيعتج افضل شي )





بخصوص العنايه بالشعر...
الجو بارد مايساعد ان نستخدم خلطات وغيرها من هالسوالف
انا قلت بجرب بعض الخلطات على بدايه شهر 3
بس حاليا استعمل دهن (املا_دابر) والله ريحته الله لايرويك يوم احطه اخوانى كلهم يعيبون علي ويطنزون بس انا ماعلي من حد في سبيل ان شعري يطول استحمل كل شي
وفعلا انا كنت استعمل هالدهن من رمضان بس مب مواضبه عليه يعني متي ماطقت براسي احطه احطه بس صج صج صج والله انه طول شعري بسرعه والكل لاحظ هالشي والحين صرت استعمله كل اسبوع مره مع زبادي واحيانا احط مايونيز

بس ماجربت شي غير




بخصوص العنايه بالجسم..
:sad: لين الحين ماسويت شي بس ان شاء الله بعد مارجع من السفر ناويه ابتدى بكورسات البشره والجسم مع ان بشرتى اوكى بس زياده الخير خيرين



اذا سويت شي نيووو بخبركم عنه
وان شاء الله نفيد بعض
م
اموووولة انا مع راي امك المفروض ان الوحدة ماتقرا هالسوالف عشان ماتفكر كثير

بمعنى ثاني تكون على عماها ماتدري وش يصير لها

بالنسبة لزيت دابر املا صراحة كثير اسمع عنه ودي اجربه بس الي بالسوبر ماركت شكله مو اصلي

يقولون الي يبي الاصلي ياخذه من محلات الهنود وانا مااعرف وين الاقيهم



اذا احد من بنات الرياض يعرف محلات هنود يدلنا عليهم
م
انا عن نفسي العرس شهر سبعه

لا مجهزه شيء..

بس ان شاء الله خير ....

وانا وياج اختي أمل ... الواحد أحسن له يسمع بدال ما يقرأ....


الله يوفج جميع العرايس

آمين
ب
السلااااااااااااااااام بناااااااااااااااااااات ..

انا بنضم لكم ان شاالله .... زواجي ان شاالله اخر شهر 6 هجري ..

الله يعين ..

اول شي اشكر عهود وبس! على انها فتحت هالموضوع الرائع :shy: ..

فعلا خلاص ماعاد فيه وقت .. باقي من الوقت 5 شهوووور .. الله يسهل امورنا جميعا ..

ياااارب ياااكريم ترزق البنوتااات جميعا الازواج الصالحين والذرية الصالحه .. وبنات عمي وصديقاتي :shy: ..

على اساس اني ببتدي جدول حق العناية بالجسم .. بس الكسل عامل عمااااايل:sad: ..

والمشكله اني امشي وانزل من هالمواضيع والخلطات على رأي مها 999 ولا استعمل شي خخخخخ

بنات .. انا ماادري عن الكتب اللي تتكلم عن اول ليلة .. لكن انصحكم بكتاب الرجال من المريخ ..

هذا ما يتكلم عن اول ليلة .. لكن يتكلم عن تفكير الرجال وتفكير النساء مثل ما قالت اختي هنوه 2007 ..

جدا رائع .. لكن عني انا فيه اشياء ماعرفتها .. لأن هو يتكلم عن طبيعة تفكير الرجل .. ماعرفتها لأن للحين ما تزوجت ولا عرفت طبايع الرجال بشكل عام .. لكن هو حلوو ومفيد ممكن تقرينه الحين وتخلينه الى بعد الزواج بتستفيدين منه ..

امل منسي نصيحة امك رووووعه ماشاالله تبارك الله .. الله يخليها لك ..

احلى شي العفوية بالزواج .. لكن مايمنع اننا نقرى عن طريقة تفكيرهم .. عشان مانسوي اغلاط ..

مثلا .. في كتاب الرجال من المريخ .. مارح اكتب الكلام بالضبط لكن رح اكتبه بالمفهوم ..

يقول ان الرجال يختلفون عن النساء .. مثلا .. المرأة لما تكون متضايقة تميل اكثر انها تتكلم .. مع احد .. وماترتاح الا اذا فضفضت ..

لكن الرجال لا .. لما يكون متضايق .. يسكت .. ويحاول يعالج اموره بنفسه داخل عقله .. لأن كذا سبحان الله طريقتهم ومانقدر نغيرها الا ماشاء الله ..

ويقول بعد ان المرأه ممكن تطلب نصيحه من صديقتها .. وكمان لأن المرأه بطبيعتها تحتوي الناس كلهم .. فهي بعد تميل انها تعطي نصايح .. هذي من طبيعتها الحنونه ..

لكن الرجل مختلف .. الرجل ما يطلب نصيحه من اي احد ... اذا صار فيه موضوع شاغل باله يجلس يحله بينه وبين نفسه .. ممكن اذا تعقدت المساااااااااااااااااائل مره .. يطلب نصيحة احد يوثق فيه ..

لكن الغالب ان مشاكله يحلها بعقله ..

واي احد يعطيه نصيحه بدون ما يطلبها هو .. فهذا الشي ممكن يضايق الرجل كثير .. لأن كان نقوله انت ما تقدر تحل مشكلتك عشان كذا بعطيك نصايح:angry: ..

عشان كذا انتبهوا ... لما يشكي لكم عن شي او يحكي لكم سالفه صارت بالدوام .. انتبهوااااااااا تعطون نصايح بدون ما يطلب ....

او مثلا اذا كان جالس يصلح لمبه .. او يصلح ماسورة مويه .. وعمل شيء غلط .. احنا المفروض ((بدوون تعليق)) لأن اذا علقنا .. او ضحكنا او قلنا (لا غلط .. افعل كذا وكذا) ممكن يتضايق كثير ..

بعد لما تكونون رايحين لمكان وغلط بالطريق وضيع المكان احنا (( بدووون تعليق)) لما نتكلم او حتى نقول ( هذا هو الطريق الصحيح ) -بغرض المساعده- هذا ممكن يجرحه ..

هذا كله موجود بالكتاب ..

وبس هذا اللي ببالي الحين ... هههههههههههههههه ازعجتكم :shy:

ان شاالله نستفيد من بعض :)
ه
أمـــــــــل منســـــــــــــي

صدقج ريحت ( املا دابر ) قويه بس مفعوله اقوى عليج بالصبر و طنشي خواتج مع احترامي لهن يوم بيي دورهن شوفيهن شو بيستخدمون ...


اللــــــــــــــــــه يطــــــــــــــول شعـــــــــورنا و يكثفــــــــــــه


آميــــــــــــــــــــــــــــــــــــــــــــــــــــــــــــــــــــــــن
ب
مها999:
بنت دار نبع الرسالة
حبيبتي انا من الرياض وبعد انا مثلك ادور مشغل حلو ابي اصبغ شعري وماابي اي كلام
حنا عرايس ولازم تكون الصبغة شييييييييي
اذا عرفتي مشغل حلو قولي لي ياقلبي عنه واكون شاكرة لك

عندي فكرة ودي اخذ رايكم يابنات فيها

وهي انه فيه عرايس كسوووووولات يبون يسنعون نفسهم بس النفس ماتبي

وش رايكم نسوي جدول عناية ونبدا فيه وكل يوم نكتب وش سوينا من الجدول

يعني نحممممممممس بعض ونشجع بعض

وانا ترا اووووووول الكسولات وصراحة ابي اتشجع :sad:


هلا يااااقلبي مها999 والله صااااااادقة التجهيز هم أنا سمعت عن مشغل المبدعات اللي قبال ملاهي الروضة

وعيادات ديرما

بس للأسف ماجربتهم وخااااايفة

بالنسبة للعنايه أنا والله مثلك يوم أسوي وعشره لا

وبالنسبه لسؤالك عن زيت دابر أملا بتلاقين الأصلي في عطار البحرين بالنسيم

بس حابه أفيدك أنا والله أستخدمت هيما تاج اللي قالت عنه أم سعيدة والله رووووعة تحسن شعري عليه

وأذا تبغين آي أستفساار أنا حاضرة

عاد يابنات لاتنسون الدعواات لنا بالتوفيق والتيسير والله يهون علينا
أ
مهااااوي 999<<<انتي ادلعيني اموووله انا بعد ادلعج مهاااووووي

انصج اختي اذا تبين شعرج يصير طويل استعملي دهن دابر املا وماعليج من باقي الخلطات
ولون العلبه اخضر لان يقولون في لون ذهبي وفي برائحه الياسمين ومادري شنو
بس عليج بالعلبه الاصليه اللي لونها اخضر وريحتها تبط الراس ماعليج من الريحه اهم شي النتيجه مضمونه
:shy:

وانا معاج في راي امى الافضل انج تتعاملين بطبيعتج بدون تقلص ادوار تقرينها بكتب



******************

اختي ماي الورد
انا معاج بعد نسمع من تجارب اللي حولينا افضل من ان نقري ونطبق
والافضل بعد ان نسمع يوم تواجهنا نفس المشكله مب نسمع الحل قبل المشكله

:shy:


***************************


بنوته فتفوته..
الله يخلي لج امج وكل من يعز عليج حبوبه وتسلمين على هالدعوه الحلوووه منج
انا سمعت ان هالكتاب حلووو بس لو تلاحظين ان معظم الافكار اللي قلتيها معروفه ونقدر نعرفها من خلال الحياه وتجاربها

حلو ان تكون بالحياه اشويه مشاكل وعلى رضي يعني (طرف يزعل وطرق يراضي الاخر)
مب شي ان الحياه تكون خاليه من المشاكل تحسين انها بتكون روتين مملل
يعني اللي ابي اوصل اختي
اني لو قريت كتب عن الحياه الزوجيه وكيفيه التعامل مع الزوج ...راح اجد حل لكل مشكله وراح اتعامل بحرص كبير وراح يكون تعامل متحكم في الاشياء اللي قريتها وحطيتها في بالي
بعكس لو كنت اتعامل على نياتي واكتشف اخطائي والاشياء اللي تضايق زوجي منها

الكتب اللي بقراها بتكون بتفكير المؤلف يعني المؤلف يكتب عن فئه ويمكن زوجي مايكون من ضمن هالفئه


:shy: مادري اذا قدرت اوصل لج الفكره او لا حبوبه

بس صج اني ستانست يوم دعيتي لامي

*********************************




هنووووه 2007
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآمين يارب<<<<ترفع يدها بتجاه القلبه وتقول آآآآآمين من كل قلبها

ماعليج حبوبه انا احط الدهن ولا اهتم لاحد خل يقولون اللي يقولونه انا عادي عندي اهم شي شعري يطول مثل قبل لوووووووووووووول


****************************************


بنت دار نبع الرساله

هيما تاج <<<اي دهن هاااي
ترانى مينونه دهن اي شي اجربه عادى عندى لوووول
ا
اقول دهن دابرا ريحته تظل على طول


والا اذا غسلته تروح

وكم ساعه اخليه بشعري

وعجبني طرح مها 999

حنا والكسل

لازم نسوي جدول

وموفقين يارب
*
مرررررررررررررررررحباااا

ويسعد لي صبااااح الكل

انا بنضم لكم

انا زواجي مثل بنوته فتفوته...بآخر شهر 6

باقي لي تقريبا 5 شهور من ألحين

بديت أجهز من زمان ..بس لفترات متقطعه بما إني أدرس

نفسيتي ... مر مره مررررره تعبانه

أحاتي كل شي بشكل مو طبيعي .. واحس مو قادره اوصل اللي بداخلي لأهلي

وصلت لدرجة الكوابيس..من جد بنات مابالغ

أحاتي كل شي..الزفه والفستان ..العرس بكبره

ذوقي صعب واتعب القى شي يعجبني..

غير كذا انا ادرس وماعندي وقت...وهالسنه اخر سنه

والسمستر هذا مره ضغط علي أخذت ساعات كثيييييره

اما عن ليلة الدخله ماحاولت حتى أفكر فيها لأن اللي فيني كافيني

من ناحية بشرتي..انا ألحين اروح عند دكتوره تعالج وجهي والحمدلله مره متحسن

وببدا أسوي ليزر لمنطقة الشنب من بعد الاختبارات ان شاءالله

وبسوي تقشير للركب والكيعان ..علشان يصير لونها واحد مع جسمي...جربت خلطات واجد ومافادت

بالنسبه لجسمي لازم انزل 4 كيلو علشان اوصل للوزن المثالي...بس أنا أبي أنزل 9 كيلو بإذن الله

علشان انا من النوع القابل للسمنه..ويقولون ان الوحده طبيعي وزنها يزيد بعد العرس ..

شريت اليوم جهاز سير يبين لي كم سعره حراريه حرقت وكم كيلو مشيت واحط له الوقت اللي ابي امشي فيه ويوقف عند هالحد

عندي خوف من الدخول لعايله جديده غريبه عني..ماعرف تصرفاتهم او اساليبهم ولا طريقة تفكيرهم..لكن بطبيعتي اسولف وامزح لكن ما امحي الرسميه بينا

اما عن زوجي...لاتعليق >>تستحي بطاريه

راح اشتري كتاب الرجل من المريخ لأن كثيييييييييير مدحوه وانتو حمستوني عليه مررره

_______

من زمااااااااااااااان ماكتبت بالمنتدى من زحمة الاختبارات لكن موضوعكم حمسني للرد

والله يوفق وييسر للجميع
@
بنات انا مثلكم

بمووووووت من الخوف من ليلة الدخله

احس اني بصيح كل ماتخيلتها :cry:

وبعد خايفه وشلووون اتعامل معه وشلووون اتعامل مع اهله

صحيح ان اهله ناس طيبين لكن انا ما

اعرفهم زين

والله خايف

لا وبقى على زواجي شهرين واحس اني حـــــــــــــــــــــــــايـــــــــــــــــسه


نفسي اخلص اللى باقيلي علشان اذا بقى شهر

اكون اتفضى لنفسي وارتاح


لكن ماضنيت تجي الراحه الا اذا عدت ذيك اليله


لا وبعد نسيت اقولكم وش مخوفني

زياده يوم الزواج

الزفه اذا نزلت والناس كلهم عيونهم على والله لا اموت من الخوف

وانا زياده استحى من خيالي:shy:


وعلشان صبغ الشعر فيه مشغل فاشن الى بالعليا العام

صديقتي صابغه عندهم مرره حلو



وش رايكم متى اصبغ يعني قبل الزواج بكم


لان انا الكبيره في البت ولال اعرف هذي السوالف

ورتحت كثير يوم فتحت المنتدى ولقيت بنات زي

ونفس معاناتي



وبنات لا تنسوني من دعائكم


والله يوفق الجميع
[
امل نصيحة امج حلوووه وحتى انا بمشى عليها
الله يخليها لج سلميلى عليها كثير لان كلامها واقعى ..

ومالج الا دابر لانه يطوول حيل انا شعري كان بووووى
ومن استعملت دابر طال شعري والله بسرعه الحين شعري لنهاية ظهري

والخلطات للجسم احنا بس خلينا نرتاح من هالبروده
وبعدها يصير خير وبنبدى

بنااااااااااااات ادعولى بكره حفلة ملجتى بيجي يلبسنى الشبكه
واي خايفه حدى ههههههه ومستحيه بعد وايد مو بس من زوجى
لا انا مستحيه حتى من المعازيم ههههههههههه
م
بنت دار نبع الرسالة:flower:
هلا ياقلبي ..ان شاء الله بروح للعطار الي قلتي عنه
بس اخلص الخلطة الي عندي وفررررررريرة اروح اشتريه نفسي شعري يطووووول
ابيه الى ركبتي <<<<طماااعة (r) خخخخخخخخخخ

بالنسبة لليلة الدخلة والله يابنات مااقرا شي ولا حتى اخلي احد يتكلم عنها عندي
ماني ناقصة وساوس :ss: خليني على طبيعتي احسن واكتشف الدنيا بنفسي

اموولة :flower:
مصلحة خلطة تلوووع الكبد ريحتها واصلة لجيرانا بس اخلصها اشتري زيت دابر املا

@@غلا@@:flower:
ياعمري لاتفكرين بهالليلة وفكري ان هذي الايام احلى شي في حياتك تدلعي:shy:
وفكري كيف تكونين هذيك الليلة احلى عروووووووس وبعدين يحلها الف حلااااااااال

انا سمعت بعد عن فاشن بس صراحة خايفة اجازف .. طيب مين الي صبغت لصديقتك
انا راح اصبغ شعري قبل زواجي باسبوع
وفي الزفة لاتخافين لانك اذا خفتي خربتي كل شي ..تدلعي ورزززي نفسك بقوة
وخليك شاااااااااامخة بهذيك الليلة كل المعازيم جايين لزواجك افرحي بس الخووووف لا لا لا لا لا
انا زيك اكبر العيلة وانووواع الدجة
الله يوفقك ويوفق الجميع ان شاءالله

*الدانه*:flower:
انا مثلك ذوقي مررررررة صعب وتصدقين لحد الحين ماجهزت ولا سويت ولا شي :confused: :cry:
اللهم اني كتبت كل شي انا ابيه بسسسسس اتحدى اذا مشيت على الي انا كاتبته
شكلي برمي الورقة في زبالة السوووق قبل ادخل اعرف نفسي
اقولك اذا نزلت التسعة كيلو ارسليها لي ابي وزني يزيد شوي:cool2:
جسمي حلو بس ابيه يزيد شوي اقولك انا طماااااااعة في كل شي خخخخخخخخ
صراحة انا مااعرف عن اهل خطيبي اي شي هم غرب عننا بس الله يعين
انا مثلك امووووووت من الحيا اذا جابوا طاريه عندي اتمنى تنشق الارض وتبلعني :eek2:
يالله بكرة نقووووووول مالت علينا كنا نستحي منهم:o

[توفي]:flower:
الله يسهل امووورك يارب
بس قولي لنا وش صار معك ننتظرك ياعسل
والخلطات موقفينا كلنا عشان البرد بس يخلص نشمر يدينا ونغوووص بالخلطات
بس الله يعين اهالينا على الروايح بس مايهم اهم شي النتيجة

بالنسبة للجدول حق العناية اذا تبون ننزل كل يوم وش نبي نسوي
اذا علي انا كل صباح احط قناع مررررة حلو يابنات لايفوتك بشرتي تحسنت عليه
وهو ملعقة خميرة + نص ملعقة حليب بودرة + شوية زبادي حطي منه الين تنخلط المقادير
وحطيه على وجهك نص ساعة وبعدين اغسليه وشوفي وجهك كيف بيصير بس ادعوا لي
والخلطة حقت شعري نفس الخلطة الي قالت عنها اختنا اسيرة قلبه في عنوان (جبت لكم الخبر من بدوية سر شعر بناتها ) بس اخلصها وبعدين راح اشتري دابر املا

كلامي كثير صح :dd: خخخخخخخخخ
الله يوفق الجمييييييييييييع يارب
ب
السلااااااااام عليكم ..

بناااات .. للي يبون يصبغون شعرهم قبل الزواج ..:shy:

عندي لكم اقتراح ..

يعجبكم ولا لا :shy: ..

انا بعد ودي اصبغ بس مأجله سالفة الصبغ لبعد الزواج بكذا يمكن شهر او شهرين ..

لأن اولا ما ابي اغامر بيوم زواجي على صبغه .. احسن اكون على طبيعتي .. ثاني شي اذا ان شاالله مشيت على نظام خلطات لشعري احس يوم اصبغ بيروح كل اهتماامي وتعبي :sad:

غير اني بعد الزواج بفتره ابي اغير شكلي عند زوجي :shy: ..

بعدين لو صبغت قبل بيصير عقب الزواج تبدى تنزل الصبغه ويصير شعري مو حلو وانا توني عروس عند زوجي فشله:angry:

مادري عاد شوفوا اللي يريحكم :shy: ..

****************

اليوم قاعده اقطع سلطه مع الوالده الله يخليها ..

قالت لي .. عسى اهل زوجك ما يزورونك بشقتك سنه كامله ..:qaq:

قلت ليش ؟؟؟؟

قالت للحين ماتعرفين تطبخين صار لك سنه تقولين بتعلم وللحين ما شفت شي :o

تقول لي معليش الرجال يصبر بس لو زاروكم اهله وش بتسوين .. بتطلبين من بره ؟؟

تهئ تهؤ سالفة الطبخ معقدتني .. خلونا نحط جدول للطبخ مع العنايه :cool:

***************

على فكره بنات الشرقية ...

اليوم كلمت محل ميموزا اللي قريب الجمعه سنتر وسألتهم عن فساتين العروس قالوا جت دفعه جديدة بس يقول جالسين يسعرونها يقول تخلص على يوم السبت ان شاالله :shy: اللي حابه تروح تشوف ..

:)
ه
[B]بنوته فتفوووته[/B


لا ذكريني بهم الطبخ

لاني انا بعد بكون في بيت بروحي ...

كل يوم اقول بوقف عند خدامتنا عشان اتعلم منها الاكلات الثقيله بس اتعايز


الله يفكلي من هالكسل الي مخرب عليه
[
هلا مهاااااااااااااااااااااوى 999

ان شاء الله اول بول ^_^ بقول لكم

الله يستر بس هههههههههههه
ب
أمل منسي:


بنوته فتفوته..
الله يخلي لج امج وكل من يعز عليج حبوبه وتسلمين على هالدعوه الحلوووه منج
انا سمعت ان هالكتاب حلووو بس لو تلاحظين ان معظم الافكار اللي قلتيها معروفه ونقدر نعرفها من خلال الحياه وتجاربها

حلو ان تكون بالحياه اشويه مشاكل وعلى رضي يعني (طرف يزعل وطرق يراضي الاخر)
مب شي ان الحياه تكون خاليه من المشاكل تحسين انها بتكون روتين مملل
يعني اللي ابي اوصل اختي
اني لو قريت كتب عن الحياه الزوجيه وكيفيه التعامل مع الزوج ...راح اجد حل لكل مشكله وراح اتعامل بحرص كبير وراح يكون تعامل متحكم في الاشياء اللي قريتها وحطيتها في بالي
بعكس لو كنت اتعامل على نياتي واكتشف اخطائي والاشياء اللي تضايق زوجي منها

الكتب اللي بقراها بتكون بتفكير المؤلف يعني المؤلف يكتب عن فئه ويمكن زوجي مايكون من ضمن هالفئه


:shy: مادري اذا قدرت اوصل لج الفكره او لا حبوبه

بس صج اني ستانست يوم دعيتي لامي

*********************************



عزيزتي ما رديت عليك .. :shy: اكيد بتصير مشاكل بين الواحد وزوجته .. حتى لو قريتي كتب وش كثرها ..

لأن الكتب تتكلم بشكل عام .. ماتتكلم عن حياة كل واحد بشكل خاص ..

لكن انا عن تجربتي مع الكتاب فادني كثير ( الحمدلله) مع اني ما قريت الا نصه .. فادني مع ابوي واخواني .. مثلا سالفة ان الرجال اذا كان ساكت فهو ببساطه ما عنده شي يقوله .. هذي انا ممكن افهمها انه متضايق .. واقعد ازن على راسه الا وش فيك .. واكيد هو بيتضايق وانا مو فاهمه انه ماكان فيه شي من اول وعلى بالي متضايق وساكت ..

بعد سالفة انه ماتنصحينه الا اذا طلب نصيحه هذي بعد بديت اطبقها مع ابوي واخواني .. عشان اتعود :shy: ..

انا عن نفسي الحمدلله استفدت كثير ..

أمل منسي:
معظم الافكار اللي قلتيها معروفه ونقدر نعرفها من خلال الحياه وتجاربها


امممم .. يمكن انتي عندك خلفيه عن هذي الاشيا ماشاالله تبارك الله :shy: لكن عني فيه اشيا توني اعرفها :bigsmile:

لكن قولك ( نقدر نعرفها من خلال الحياة وتجاربها) ... يختلف من وحده لوحده .. الرجال فيه منهم يكتمون الا من رحم ربي .. يعني اذا ما عجبهم شي من تصرفاتك ممكن يكتمون ومايقولون وتجيك لحظه ينفجرون ويطلعون كلللللللللللل المستخبي :angry: .. وانا ان شاالله يااارب ما تمر علي ولا عليكم اللحظه هذي ..

وهذي النقطه اللي ابي اقولها .. انه الكتب ما تمنع المشاكل بس (بإذن الله) تخفف منها ..

انا معك 100% في سالفة ان الحياة حلوة واحنا بطبيعتنا .. لكن لازم شوية حرص .. لازم شوية معرفة عشان نوازن بين هذا وهذا ..

عسى حياتك وكل البنات دوووووووووووووم حلوة مع ازواجكم :shy: ..

الاختلاف في الراي لا يفسد للود قضيه :clap: ...

وعشان تستانسين زيادة .. عسى ربي يخلي لكم الوالده ذخر ويكفيها كل شر ويطولكم بعمرها في طاعته قولي امين وكل البنات :D
ب
هنوه 2007:
[B]بنوته فتفوووته[/B


لا ذكريني بهم الطبخ

لاني انا بعد بكون في بيت بروحي ...

كل يوم اقول بوقف عند خدامتنا عشان اتعلم منها الاكلات الثقيله بس اتعايز


الله يفكلي من هالكسل الي مخرب عليه



يااختي الله يستر بس :sad: .. ان شاالله على الترم الثاني يصير عندي يوم فاضي مافيه دوام وابدى اسوي الغدا .. خلينا نشجع بعض عسى يطلع منا شي حلو :shy: ..


تووووفي

كللووووللوووووللييييييييييش عالبركه الملكه عزييييييييييييزتي ... يالله بكره طمنينا عنك =>

ولااا تخافين ولا شي عيشيييي حيااااتك هذي احلى الايام ... ^-^
ه
و لا يهمج جمعتلي من ركن الاطباق الرئيسيه كم طبخه و ان شاء الله يوم بسويهن بخبرج عن النتيجه ...


بالتوفيق
t
والله يا بنا ت تسلموووون ع الموضوع الحلو

انا ملجتي في الصيف>>>ليش داشة عرض؟ هههه

بس حلو الاهتمام والخلطات من البداية
و الحمدالله انا اللي بياخذني ولد عمي و نحب بعض عسب جي ما ماكله هم.

احاتي التجهيزات اكثر .فشو رايكمادخل و يااااكم؟؟؟

انا شعري اسويله حمااام زيت في الاسبوع مرة ..استخدم حمام زيت مال زيت الحية الصرااااااااحة رههيب يعني صج حسيت شعري نااااعم ( مع ان شعري فيه تموجات و ينفش بعد السبوح) بس الحمدالله احس انه ناسبني حتى انا استغربت من النعومة كأنه مسشور.

و استخدم دابر املا لانه يطول الشعر.... حاولو بين فترة و فترة ترتبين الشعر من تحت ..يعني قصي من الاطرااااف شوي كل 3 شهور بمقدار 1سم .

مممممم
للجسم استخدم ملح البابايا اللي من البدي شوب رووووووووووووعة قمة النعومة ...

شو بعد؟؟؟؟؟؟؟؟؟؟؟؟
هيه صح... انا يدوتي تخليني اتسبح بحنة مطحونة..مرتين بالاسبوع
تقول للبياض >>> حركاات يدتي هههه

الحنة تكون ورق حنة مطحون يخلط ويا ماي ورد وماي ..تحطيه ع جسمج و هاااااااات يا فرك يا دوب 10 دقايق و خلاص.

متعودة احني شعري كل شهرين مره...مممممم نا وية اجرب الفازلين ويا الكركم للركبة و الاكوااع لان الصرااااااااااحة انا بيييييضة بس هالاماااكن لو نها بني ما ادري ليش؟؟؟ انا جربت احط ليمون عليه بس حسيت ياخذ وقت..



المووووووووووووووووهم ما ابا اطول علييكم و كلللللللللللوووووووووش مبروك يا عرايس:clap:
ح
الله يبارك فيج اختي

بنات انا عرسي بدايه 7 ساعدوني شسوي من اللحين خلطات الشعر والجسم
X