اذا قرر زوجك الزواج باخرى

الله يسامحج مالقيتي اللي هالموضوع اللي يضيق الخلق

مرة فتج الموضوع معاي من باب المزاح
خليت اليوم اسود و منيل بنيله
عشان يحرم

و ان عرس ما اظن اطلق
بس بخليه يدفع دم قلبه و اخليه اخر الشهر مفلس و اطلب و اطلب
و ما اخلي شي قاصرني ولا عيالي ..
و لا يعرفني ما عندي واحد اثنين على طول المحكمه اطالب بحقوق المساكين الى الله عيالي الحلوين الطيبين .. خخخخخ


و انا عاهدت نفسي على شي اول الايام ما راح اقولكم سر المهمنه و خليته يستوي .. فالحمدالله ما اخاف منه .

خواتي الحبيبات

انا وحده مثل كل البنات الي كانوا يقولون ماارضى غير اكون كل شي بحياة زوجي ولا اعيش عالهامش

عشت حياة تخيلت فيها مثل هالموقف وطبعا لو سوالف كانت ردةفعلي بالضبظ نفس البنات يعني تطلقي اول

لكن بداخلي العقل يقولي .................... هذا زوجي وحالي حال امهات المؤمنين

وهم الاحسن بعد فكيف انا اتكبر واضيع مستقبلي .................... يعني لما اتطلق بيكون هذا الحل

بالعكس.................. راح يصفاله الجو............ لكن الصحيح اني اصبر واكون بنظره الاحسن لو انها
نزوه بتنتهي مصيرها ولو بيعيش معاها على طول الله يصبرني ولي الاجر فهو جنتي وناري

لكن...............


تجري الرياح بما لا تشتهي السفن


عشت بجحيم مع زوجي واضطررت بعد ضيق ومشاكل وتعب نفسي................اني اطلب الطلاق
(مب علشان زوجه ثانيه بس ماصار نصيب)

الحين انا مطلقه

شو مصيري؟
وبعدني بنت بدون ذريه وصغيره الي بسني ماتزوجوا

مب من حقي اعيش واتزوج؟؟ لكن هل الشاب الي ماجرب الزواج يقبل بمطلقه؟؟

انا عن نفسي تعبت من زواجي لكني احتاج اكون تحت رعاية رجل ... ومع هالشي احتاج رجل يفمني

تقدم لي شاب ارادني قبل زواجي وماصار نصيب

لكن هو متزوج......................................................................والطبيعي بما اني مطلقه ...خياراتي قليله

اما مطلق مع عيال او بدون عيال وهذيل مانختارهم نحن لان البنت تنتظر دائما الرجل يتقدم
اما متزوج
اما اعزب وهذا شبه مستحيل


فإذا كانت خياراتي نادره وتقدم شاب زين متزوج او مطلق وعنده عيال ... مابقدر ارفض

اي وحده ماجربت الموقف يمكن تعارضني ومع احترامي للبنات لكن هذا الي الله يكتبه

واذا شي الله حلله شو بيدنا نغيره


واسمحولي


virgin