اغرب زوجة وصديقة لي

الله عطاها على قد نيتها

لانه صبرت عليه وعلى خيانته

وان شاءالله اتكون هالمصيبه بداية خير له وصلاح حاله

ربي يوفقها ويسر امورها

مع احترامي لكاتبة الموضوع و

القصة ماتخش الدماغ او فيها حلقه مفرغه :qaq:

كيف اعصاب هالزوجه من حديد بصراحه الانسان طاقه كيف قدرت تتجمل له وتلبس وتضحك وهو خاينها الخيانه فوق كل احتمال والمشاعر تبان في العيون والنظرات في تعابير الوجه كيف تخفي هالنار ؟؟ وتضحك وتبين ماهمها

مع بالغ احتررررامي احسها قصه خرافيه :no:

سبحان الله...

الله يحفظها ياربي ويحفظ بناتها...

في هاي المواقف تقدر الحرمة تثب عكس مقولة العقل زينه..

شكرا لكم بنات والله انا نفسكم محتارة معاها اصلا هي اي مشكلة تصادفها مش مع زوجها وبس مع اي حد تصبر والله اني تعلمت حسن الظن منها دايما تنصحني امسكي اعصابج لا تزعلين حلي مواضيعج بعقل مش بقلبج ادكر في مرة كانت عندي مشكلة بنسبة لي هي كبيرة وزوجي بعد يعني لا انا اقدر اعتدر ولا هو مع اني انا الغلطانة ما شاء الله والله ان المشكلة انحلت نفس اليوم ما شاء الله عليها هي مرة شوقالتلي الحياة الزوجية يبالها توازن يعني يد واحدة ما تصفق لازم الوحدة اضحي علشان بيتها وعيالها بس مب ضحي تنسى حقوقها لا واجباتها ... فديتها الله يوفقها بنات ادعولي اكون هادية في المواقف والمشاكل مع زوجي نفسها انا عصبية يعني عادي ارميه من الطابق العاشر .

ماشاء الله عليها على قد صبرها ربي بيرزقها ان شاء الله عرفت الغلط وخافت على بناتها لانه الله سبحانه وتعالى يمهل ولا يهمل وان شاء الله ربي بيطرح لها البركة

قصة غريبة ومليئة بالتناقضات ( مع خالص احترامي لكاتبة القصة )

تصرفها المبدأي انها راحت وخطبت له .. يعني انها عادي عندها اليوم يخونها بكرة تزوجه من بنت الحلال اللي خانها وياها !! وهالشي مو في صالحها
معليش بنقول انها انسانة طيبة ودينة وغيره وغيره .. بس وين الغيرة اللي كل يوم ووحدة منزلة موضوع تغار على زوجها من الهوا الطاير ؟
وين الكرامة ؟
وين الخوف من الله ؟
هذي مكافأة للزاني .. واكيد بتفتح له باب انه يعلب ويلعب اكثر واكثر ... لانه لو مثلا تمت الموافقة وتزوجها
اكيد بيكون لكل حادث حديث
وفي النهاية بتطلع هي من المولد بلا حمص مثل ما يقولون !!
ليش هذا كله
الخيانة الزوجية تستعدي المواجهة مو اللف والدوران .......... يافلان ترى انا عرفت عنك هالشي ...
وبناء على ردة فعله هي تتصرف .. بتسامحه .. بتتركه ... بتخانقه .... بتزعل
اللي انكسر عمره ما يتصلح واتحدى احد يقدر ينسى ... لانه بمجرد يفكر يخون معناه ان زوجته وام عياله وشريكة حياته هانت عليه .. واللي يهون عليه ربه ودينه ويزني يهون عليه كل شي

استغرب من هالبنات اللي عندهم عادي الخيانة واهم شي يرجع لهم .. كيف ترضاها على نفسها بكرة بعيد الشر يجيب لها مرض ينقله لها من بنات الشوارع وتروح هي من وسط عيالها
ليش عاد ؟
كل وحدة تنتبه على زوجها وبيتها وتعرف ايش اللي ناقصها مو يظل زوجها على علاقة 3 سنين وهي ماتدري .. اسمحي لي هذي نايمة في العسل مرة

اكيد البنت لها دور بس بعد الزوج فيه عقل يفكر فيه .. شلون يعني ما يدري اذا هو اللي نام مع البنت او لأ ؟؟ لهالدرجة ساذج ؟
مااتوقع

الله يوفق الجميع ولا يبلانا

ملاحظة : انا ما انتقد صاحبة القصة ( اللي صارت لها ) انا اتكلم بشكل عام عن الخيانة وعن طريقة التصرف

شكرا على كل اللي ردوا علي صديقتي اول شي تحب زوجها وبيتها بس المشكلة من البداية هي كانت شايفة الخطا وسكتت وهدا كله خطا هي شو المشكلة الاساسية ان صديقتي اصلا مطلقة يعني خدت ولد عمها بعد ما طلقت وهي اكبر منه فهمتي علشان كدي تحاول ما يترر معاها نفس المشكلة ومشكورة على الردود انا اعترف ان هي اللي تسويه ابو الخطا بس هي لها حياتها وهي حرة انا مجرد صديقة بس انا مستغربة من برودة اعصابها بس هدا اللي خلاني اكتب القصة

راااااااااائعة
جد رائعة
انا اكيدة لو البنت هديك كانت مغشوشة بزوجها و بنت ناس و غلطت بسبب انه اتغرر فيها كانت قبلت تزوجها
لكن بنت وقحة متل هاي
بتستاهل اكتر
الله يوفقها صاحبتك فعلا انها بنت رااااااااااائعة

صج الله يحفظها ذكية لو انا منها كااان ذبحتة وعلقته على باب البيت

والله من جد هالحرمه كبرة في عيني معقووووول يخووونها

وتروح تخطب له البنت خانتها مع زوجها

لكن اجرها على رب العالمين

بس اتوقع انها تبي توصل شي لزوجها

ماشالله عليها الله يوفقها ان شالله ويهديلهاا زوجهاا..

ما شالله عليها الله يهدي زوجها يارب

بصراحه انا ضد الاراء انا مع الاخت خايفه انه القصه مش منطقيه ومع الاخت اللي قالت فالبدايه انه تفكيرها خبيت يعني راحت تخطب له وفهالنهايه تستجوب البنت في هالطريقه وتسجل صوتها الرجل هو الغلطان هو اللي خان وتم 3 سنوات يقنع البنت انه هو مش متزوج حتى وفالنهايه البنت هي الملومه الوحيده اوكي حتى لو هي كانت فتاه سيئه ليش زوج صديقتك لحقها وعمل معها علاقه لمده 3 سنوات وكذب عليها هو اللي عنده استعداد وشكله كذاب ولعاب وفي فهالدنيا بدل الوحده الف ومليون المشكله من الزوج الصراحه هي اللي انا اشوفه وممكن هو يرجع لهالبنت نفسها من وراها الحين لو رجعت له او يعرف غيرها وهي شكلها لاتحب زوجها ولا شي بس متزوجته عشان تجربه الزواج السابقه وطلاقها الصراحه مع احترامي قصه في منتهى السخافه والغباء ومليانه فالتناقضات .

[grade="A0522D B22222 A0522D B22222"]صح ان ربيعتج رفعت ظغطتي وعصبتني وايد بس الي تسويه ولا في الاحلام انا اقدر اسويه..بس بقدر انصح الناس فيه هههههههههههههه كلام وطبعا فعل ماشي
المهم هي طلعت ذكيه ،ولو انها ممكن تحل مشكلة البنت عن طريق الطبيبه النسائيه بس هي تبغي تعلم ريلها درس يتعلم منه طول حياته..والي بيلعب ويابنات الناس يتحمل نتيجة لعبه واستهتاره..وتعرفه قيمتها وقيمت البنت الي لعب عليها وانه مسؤل عن الي صار لها..
يعني ياليت عندي وحده مثل صديقتك .الله يأجرها كل خير يارب..هي جيه كسبته اكثر وبتعطيه درس ماينساه طول حياته...وربج مايظرب بعصاة..[/grade]

عن رايي الشخصي...

اشوف ان الزوجه ماغلطت... هي فكرت بعقلها...

والتفكير بالعقل يعطي الشخص حلول سليمه ونافعه...

وهي اكيد مش ياهل ... اكيد وحده كبيره فاهمه وعاقله...

وبغيت تعطيه درس عشان مره ثانيه مايفكر يسوي جذيه...

وبعدين بسالكم اذا الوحده سوت جذيه يعني ماتحبه!!!!!

ليش اكيييد اتحبه بس بعقل مش بقلب... دايم الدكاتره

النفسيين يقولون فكروا بعقووولكم قبل قلوووبكم

لانه هذا الصح.. وانا وايد اعرف حريم صارت معاهم

مواقف اكثر عن جذيه بس فكروا بعقلهم...

يعني شو كنتوا تبونها اتسوي... اتصيح

تزعل وتحط ايدها على خدها... وتخلي عيالها

يشووفونها بهالحاله... تضارب وياه وتقوله طلقني...

هي مابتخسر بيتها للمره الثانيه عشان وحده ماتستاهل..

علاقة عابره وراحت في حال سبيلها... الريال زنا وغلط..

والحرمه عرفت كيف تقدر تصلبه وتخليه ماينسى...

وفي الاخير اتمنى ان كل وحده تفكر بعقلها بدل قلبها...

دار المحبة اسمحيلي مبين علحرمة انها انساته صالحة لانها فكرت في بناتها وهم بعدهم صغار

اغتقد مافيها خبث ان شاءالله ان كون مثلها والله يخليج نونو قوليلها ترفع راسها تطلقت ولا تمت عند ريلها مبين انها انسانه واعية وووووووووووواااااااايد ذكية

بصراخة قوووووووووووووووووووووووووووووووووووووووووووووية

ما شاء الله عليها والله انها خطيره

انا من قريت الموضوع وقلبي معورني على الحرمه الله يعينها وحسبي الله على زوجها

والاخوات اللي يقولون عنها خبيثه احس كانهن بصف البنت الفاسده قليلت الحيأ 0


تقولون انه قص عليها طيب قص عليها وحبته ليش ماقالت اخطبني ليش تسوي معه الفاحشه

انا لو زوجي يسوي فيني جذي اذبحه مكانه

انا اشوفه waiting ازعل منه مو خايني

لا وبعد انا اروح اكلم الي خاني معاها



الحمد لله مو زوجي هذا لان بيكون ميت الحين

بس صديقتج اثبتت انها بنت ناس