منو مثلي ما ترغب زوجها :( وحالتها مثل حالتي انصحونا ووجهونا ترى حالتي حاله

حبيبتي وحده من الناس أنا مثلج ها الشي الي أكره زوجي ييني على آخر الليل وأنا حيلي منهد من شغل البيت حتى لو عندي شغاله في أشغال انا اسويها ومع تربيه الطفل الي عمره سنه مالي خاطر فيه حتى لو بعد شهر أكره أسبح في نص الليالي والياهل يقوم ويصيح والله سالفه

غيري في روتينكم شكل غرفتكم سوي ليلة رومنسية واجواء حلوة افكار البنات هنا بركن الافكار كثير وحلوة..

مو علشااااااااانة؟؟

علشاااااااااااانك انتي .. اكيد الروتين وخاصة انه كل يوم والمكان نفسه والظروف نفسها..اكيد كل وحده مكانك بتتضايق..انا اعرف كثير زيك ..

وتعوذي من بليس ..واذا كلش كلش ما قدرتي قاومي وخليك ريلاكس الين ياخذ اللي يبيه ويخلص..لكن لا تمثلين ولا تبينين له ان متضايقة خليك ريلاكس وبس ..وتذكري انك مأجورة..

وبعدين تركي عنك هالحركات ولا تحسسينه بضجرك..والله ما يسوى عليك بكرة يكسر راسك بزوجة..يلقى جنته عندها وينساك..لأن الرجال يدور متعته وراحته وين.. ويروح لها..خليك فراشه ولحافه..خليك له الحضن الدافي..والقلب الحنون..مو بس مسألة رغبة..لازم تحتوينه من جميع النواحي ..جربي وصدقيني بتحبين الشغلة..وبتحسين بقيمتك عند زوجك..وبتحاولين تعطينه اكثر واكثر..

انتبهي لنفسك بكرة تندمين.. تسوين المستحيل علشان يلتفت عليك او يعبرك..ولا تلقينه لأن فيه وحدة غيرك معطته اللي يبيه وزيادة ومدلعته وماخذه خاطره..

ترا كثير حريم مثلك وندموا بعدين..لكن ايش الفايدة لطاح الفاس بالراس..شيلي الغشاوة اللي على عينك..وتذكري انك انتي المحتاجة .. ونقذي نفسك قبل لتصيرين في يوم انتي الخسرانة..يوم ماينفع فيه الندم..اهتمي بنفسك وجددي في حياتك مع زوجك..دلعيه وتدلعي عليه..صدقيني بتملكينه بكل مافيه ..لأن اللي يحتاجه الزوج اكثر من رغبة زي ماقلت لك من قبل..

اخيرا بالمختصر المفيد:
اللي عقــــــــــــــــــــله براسه يعرف خلاصه

يا اخوات المسألة مش مسألة منشطات جنسية للمرأة..

المسألة مسألة نفسية..

صدقيني الوحدة فينا لو بالها رايق ومبسوطة ومرتاحة نفسيأ من الطرف الثاني راح تدخل معاه بالجو..
لكن لوكان تاعبها نفسيا اكيد راح تتأثر وتشعر بوجود حاجز بينها وبينه..

علشان كذا لابد من المصارحة اول بأول مع العتب اللطيف والوصول الى الرضا من الطرفين..علشان ماتتراكم الآلام وتكثر الحواجز وتصير ازالتها صعبة..
وبالذات ان المرأة ماتقدر تفصل بين المشاعر والجنس..أما الرجل وقت الرغبة ينسى كل شي واحيانا اذا زعل يلقى الجنس هو المتنفس اللي ينسيه..

وياليته يدرك ان المرأة محتاجه لزوج يداعب مشاعرها ويشعر فيها قبل لا يداعب جسدها..والله لو يعرفون الازواج الشي هذا ويطبقونه كان صاروا زوجاتهم رهن اشارتهم..

ايش تبي الزوجة اكثر من زوج يحبها ويحترم مشاعرها ويشعر فيها ويحتويها .. زوج تشعر انه محتاج لعواطفها بالضبط مثل ما هو محتاج لجسدها..في هالحالة ماراح يهون عليه يزعلها اويجرحها بكلمة .. لأن مشاعرها راح تهمه..