التاجرات القطريات...................ممكن تجمع؟؟؟

أم نونية 22-01-2007 26 رد 121 مشاهدة
أ
السلام عليكم ورحمة الله وبركاته

حبيباتي بنات بلادي
هذي رسالة موجهة مني
(أم نونية)
من قطرية ل قطرية
احبكم في الله :salam:
وأحب ان إحنا يكون بينا تعاون ومعرفة عالمنتدى
ونتجمع للتشارك فيما بينا
هدفي : الافادة قبل الاستفادة
وكل وحدة ما راح تاخذ الا رزقها ....
ورزقها فقط
فمثلا:
انا في يوم من الايام جاتني زبونة
وما قدرت لظروف خاصة تلبية طلبها..
تدرون اشسويت؟؟؟
عطيتها رقم وحدة معانا في المنتدى
علشان يمكن اتكون رزقها؟؟؟:clap:
وما ادري اشصار معاها ....
بس الغرض شريف...:shy:
والانسان اللي يحب الخير يحبه للكل
اشرايكم؟؟؟
ونكون دعاية لبعضنا....؟؟
هذي قلبي فتحته لكم ....(f)
فهل من مجيب؟؟؟
ز
[grade="00008B FF6347 008000 4B0082"]صباح الخير حبيبتي

وموضوعج واااااااااااااااااايد حلو ومفيد لنا

واحب اكون اول وحده تشارك وبضاعتي هي



عندي بيجامات قطن 100/ من مصر



واللانجري روووووووووووووووووووووووووووووووعـــــــــــــــــــــــــــــــــــه



كريم التنحيف


وطبي واختاري [/grade]
ا
السلام عليكم

افا عليك الغالية صفوني معاكم و ترى الخير بينا موجود و مثل ما قلتي الرزق بيد الله مو احنا الي نتحكم فيه

و ابشرك ان بيني و بين اختي مشتاقة لقطر ميثاق على التعاون و كل وحدة فينا توزع نشراتها و دعاياتها عند زباين الثانية ما فيها شي

و لي الحين للامانه ما وزعت لها منشورات الدعاية مالتها لكنها ما قصرت وزعت منشوراتي

و ترى انا سدادة بالي اقدر عليه

منتجاتي عطور و مداخن كبيرة و اطقم منفاخ و منقاش " فيه توزيعات للجمله "
م
الله الموضوع وايد حلو ومؤثر في نفس الوقت من صج حسيت اني بين خوات عزيزات وغاليات , تسلمين (ام نونيه)على المبادره الحلوه منك ويسعدني ان انضم لكم اخت في الله احببتكم في الله وان شاء الله يجمعنا وياكم في ظله في يوم لاظل الا ظله واحب اعرفكم بنفسي اختكم محبه لله عندي سجادات طقم مع الشيله واجد حلوه ورؤاقيه وفي بالتايغر وعليها طلب وايد وتنفع هديه للوالده او حد عزيز عليكم 000بعد عندي خلطة زيووت طبيعيه تطول الشعر وتنعمه وتوقف التساقط ممتازه ومجربه فيني وفي بناتي وبنات الاهل والحمد لله مطلوب وايد من البنات في عدة منتديات وعندي بعد قهوة الشعير معروفه وغنيه بالفوائد (ممكن تسوين بحث بسيط للشعير وشوفي الفوائد الجم ) وصناعه بيتيه نظيفه ومظمونه وعندي يالغاليات بهارات ممتازه تذوقيها مره ماراح تنسيها بالمره من طعامتها وعندي مكياج كورلاين وبن ناي والاسعار ممتازه وتحطم الاسعر اللي بقنطار والاسوار وان شاء الله تجدون كل مفيد وجديد


وان شاء الله ماراح انسى اسوي لكم دعايات طيبه عند الاهل والجيران تستاهلوون والله وبضاعتكم حلووه وربي يوفقكمويبارك لنا في تجارتنا جميعآ
ل
لا تنسوني ضموني معاااكم


وعلى قوله المثل


" لو تجري جري الوحوش . . . غير رزقك ما تحوش "
أ
هلا وغلا بكل البنات
والله يوفق بنت بلادي
ا
فكره حلوه والله ..

وانا بشارك معاكم بعد ..

انا عندي منتج للتنحيف من السمنه :) للي تبي تضعف ..

وقريب ان شاء الله قاعده اكمل اوراق التوكيل لمنتجات طبيعيه ..

خل التفاح الطبيعي حسب الشريعه الاسلاميه ..

كريم لتفتيح المناطق السوداء ..

صابون الغار .. ووايد شغلات من منتجات الدكتور خليفه ..

وام نونيه ترى المسباااااااااح عجييييييييييييييب عجيييييييييييب ..

الوالده قالت خلاص راح تتعامل معاج بس :)
أ
هلا وغلا حبيبتي الجنون
ويسعدني وجودج
وانا وايد مستانسة انه عجب الوالدة
وان شاء الله نكون عند حسن الظن...
ا
السلام عليكم بنات

شرايكم تشاركون في طبق خير في المعمورة ؟؟؟؟؟؟؟؟؟؟

تبيعون و تكونون مسؤولين عن بضايعكم و عن توصيلها لبيت " طبق الخير " و عن بيعها و الاشراف عليها ؟؟؟


و لطبق الخير نسبة طبعا انتوا تحددونها مع المسؤوله عن ها النشاط

الي تبي توضيح اكثر تطلب برسالة خاصة

و الخير موجود فيكم طبعا و اكيد النسبة الي بتقدمونها لطبق الخير في ميزان حسناتكم و هي فرصة ممتازة يعرفونكم الناس

شقلتوا بنات بلادي ؟؟؟؟؟
أ
حلوة الفكرة؟؟؟
اشرايهم البنات؟؟؟؟
لازم اتطرشين لهم عالخاص
المكان والوقت...والتفاصيل...
بس هالمرة ما اقدر اكون معاكم....
ابوي مريض...ادعوا له بالشفااااااااء
ا
الله يشافيه و يعافيه يا رب

و البنات الي يطلبون التفاصيل راح ارسلها لهم

و يعلم الله يا ام نونية لو ما بكون مشرفة على ركنين في المعرض كان خذت اغراضك و بعتهم لك

لكن السموحة منك
أ
فديتج ما تقصرين يالغالية
وهاي العشم في بنات بلادي....
م
لا تنسوني ضموني معاااكم


وعلى قوله المثل


" لو تجري جري الوحوش . . . غير رزقك ما تحوش "

شسالفة المعرض بنات ؟؟؟؟؟
ا
شوفي اختي سالفة المعرض سلمك الله

" طبق خير في بيت احدى القطريات " المعمورة "

تشاركين بعرض منتجاتك و لطبق الخير نسبة من ارباحك " 10 % " اكثر او اقل تتفقين مع المشرفة على الطبق

شرط المشرفة العامة على الطبق انك تمسكين ركنك انتي و الي تبيع على ظمانتك يعني المعرض بريء من الضياع او السرقة للمنتجات و ما لهم الا النسبة بعد ما تشطبين تحسبينها و تسلمين المشرفة المبلغ

و سلامتك

المعرض يمكن يكون يومم الجمعة " 16 - 2 - 2007 "

للاتصال بالمشرفة العامة على المعرض اطلبي و انا ارسل لك رقمها و راح تفرح بمشاركتك ان شاء الله

و سلامكتم
ا
السلام عليكم

بنات من التاجرة القطرية الي تبيع منتجات " ثلجي " للتعطير مع اغراض اخرى للمتزوجات

ضروري ردوا على بارك الله فيكم

ابي رقمها
ا
بنات جد جديد في موضوع المعرض

راح يكون يوم الثلاثاء و الربعاء

محد طلب رقم المشرفة !!!!!!!!!!!!!!!!
أ
بصراحة يا انا حلوة....
ما شاء الله لاقوة الا بالله.....
انج وايد نشيطة ومحبة للخير...
وانا ان شاء الله ربي يشفي ابوي
وما راح اتأخر عن اي معرض خيري
تراني وايد احب هالشغلات
ومسوية في بيت ابوي كذا مرّة....اطباق خيرية بالتعاون مع الاهل...
وان شاء الله اتعاون معاكم مستقبلاً........

.....
ا
السلام عليكم

تحت امرك يا ام نونية و يسرنا ان نشرك معك في المعارض الخيرية

و ادعوا للولد انه يخفف عنه و يشفيه عاجل و ليس اجل

و على فكرة بنات

التاجرة الي كانت منتجاتها في المعرض " الغائبة الحاضرة " هي غاليتي " مشتاقة لقطر "

تحياتي لك يا ام الخير و انتي في قلبي الله و كثر الله من امثالك و شكرا على المبادرة الطيبة
" من لا يشكر الناس لا يشكر الله "
م
يؤ يؤ يؤ


ياا يالحلوة انتي ,,

ترى ما سويت شي ,, والله من طيب اصلج وذوقج ,,

وانا اللي اسميج ام الخير

والله يشهد يابنات ,,

لا كلفت عمري ولا عبلت عمري بشي ..

غير هي فديت روحها راعية خير واصيلة من نفسها تعبلت بالموضوع ,,


ومما تقصرين يالغالية ,, وياعلج ذخر ,,


فديت روحج

ويوفقج حبيبة قلبي
أ
الله يحفظكم جميعا.....
والله الانسان باخلاقه
والحمد لله انكم ناس ذوق و اخلاق.....
X