مشكلة صديقتي ومش عارفه اساعدها يا ريت تساعدوها

السلام عليكم
اخواتي الغاليات ازيكم كلكم
انا صديقيتي المقربه عندها مشكله وهي مسببالها ضيق فظيع يا ريت تقدروا تساعدوني
صديقتي مخطوبه من سنتين والمفروض فرحها كان شهر 2 الي جاي وبعدين خطيبها قالها خلينا شهر 6 وحددلها اليوم الي ان شاء الله هيكون الزواج فيه وقالتله انها المفروض تحجز في قاعة الفرح من دلوقتي عشان تضمن ان اليوم ميكونش مشغول
قالها اوك فالبنت نزلت تدور ولقيت اليوم فاحد القاعات اتصلت بيه قالته هاجز قالها اعملي الي انتي عايزة بس زعلان منها جدا وقالها لسه بدري استني اما اجي (هو مسافر وهيجي كمان 12 يوم ) قالته انت الي قلتلي احجزي قالها خلاص اعنلي الي انتي عايزة وراحت بس هيا تراجعت عن الحجز واتصلت بيه تاني تاكد عليه قالها انتي حرة وبراحتك بس بزعل فظيع وهيا مش عارفه هو زعلان من ايه ولا متضايق من ايه المهم قالت خلاص مش هحجز وبلغته قالها تاني اعملي الي انتي عايزة
والموضوع ده بقاله كام يوم وكل اما تتصل بيه بيكلمها وهو زعلان ومتضايق مش عارفه الي عملته يزعله ولا عارفه تراضيه ازاي هيا والدتها بتقولها انها مش غلطانه وانه هو رجع في كلامه بس هيا مش عارفه تعمل ايه وان كمان مش عارفه افيدها حاسه ان هيا مش غلطانه
يا ريت لو تقدروا تساعدوها