بنات البحرين....عيادات علاج الشعر

كل البنات الحلوات الاموراااات اللي ردو..
اقول لهم
وما قصرتو والله... كفيتو ووفيتو...


واللي ما ردو انتظرهم.. انزين..

وينكم يا بنات البحرين..

Hypercool:
اشكرج عزيزتي على الرد.. المشكلة اني ملووووووولة ودم ضروسي الزيوت...
اما عن الدم فالحمدلله ... تمااام...
بس بعد احب اعرف طريقتج يالغالية....
وما تقصرين والله....(f) (f)

هلا حبيبتي

اول شي الحمدالله ان ماعندج مشاكل في الدم وهذي شي يطمن
وادري الزيوت تملل بس حاولي تتعودين عليها لانج لما تجوفين النتايج ما بتقدرين تهدينها وبعدين بصير من روتينج للعنايه بشعرج
وانا نصحت وحده قبلج في موضوع ثاني فبنقل الرد هني

حبيبتي عن تجررررررررررررربه احسن زيت في الحياه كلها دابر أملا وهذي الكلام اقوله لج عن تجربتي في الزيوت والخلطات من 6 سنوات... عاد سوي مساج بالزيت حق ربع ساعه وبعدين خليه 6-8 ساعات في شعرج وعجفيه وسويه ككورس علاج للشعر يعني ابتدي اول شهر او شهرين 3 مرات كل اسبوع وثاني شهر مرتين كل اسبوع وعقب جم شهر خليه مره في الاسبوع عشان ما ترهقين الشعر وفي نفس الوقت عشان الشعر ما يتضرر إذا شلتي عنه الزيت مره وحده
وأول اسبوع بكون في تساقط يمكن بس لا تحاتين بعدين بخف واايد وهذي شي طبيعي وتجديد للشعر
والحمدالله انا مرتاحه عليه واااايد يطول وينعم ويوقف التساقط ويشيل القشره ويكثف وينبت الشعر يديد ويملي الفراغات ويعطي لمعه ويعزز لون الشعر رووووووعه
وبالنسبه حق الفيتامينات للشعر والأظافر احسن شي استخدمته لحد أحين PANTOGAR عباره عن كورس علاج حق 3 شهور وكل علبه فيها 90 حبه تاخذين 3 حبات في اليوم بعد كل وجبه وبتجوفين النتيجه في الشعر من أول اسبووووووووووع انشاءالله والاظافر والبشره مع الوقت
وبعد شي مهم، كثري من أكل الفواكه والخضروات والماي وخصوصا خصووووصا الجرجيييييير لانه مفعوله رهييييييب للشعر
وهذي من تجربتي بعد ماكنت فار تجارب حق الخلطات والخبصات والفيتامينات ههههههههههههه
وبعد شغله ثانيه، غيري الشامبو واستخدمي الشامبوهات الطبيعيه وانصحج بشامبو السدر ماركة "صحت" وجربي بلسم او ماسك من جارنيير لانه في زيوت الفواكه واخذي بعد كريم حق الشعر من جارنيير لانه عن تجربه فضييييييييييع
حاولي اول شهر على الأقل ماتستخدمين السشوار عشان ماتخربين الي قاعده تسوينه من علاج للشعر
وبإذن الله بصير شعرج أحلى من شعر هيفاء وهبي الي كله ينفخونه لها ويقعدون عليه مليون ساعه عشان يطلع جذي


يمكن تجوفين ان العمليه مرهقه وبتتمللين والنتايج بتتأخر ولازم اداومين شهور وبعدين ما تتركين وتخلينه روتين لكن صدقيني هذي الطريقه احسن من المستشفيات ليش؟ لان هذي كلها اشيه طبيعيه ونتائجها اضمن مو لما تتركين العلاج كلشي يخترب.. واكبر دليل جوفي شعر الهنود ماشاءالله شلون صحي وغليظ لانهم يعتنون فيه بالزيوت
انا من رايي انج تتوكلين على الله وتعبين شوي على شعرج بالزيوت لانه يستاهل، والقرار راجع لج طبعا بس لاتنسين انج لازم اداومين لان النتيجه ما تجوفينها إلا عقب اول شهر ومو لما اتجوفين النتيجه تتركين الزيوت! لا خلج عليهم

وهذي طريقتي في العنايه بشعري والحمدالله شعري ماعليه كلام ماشاءالله
سامحيني طولت عليج وايد بس حبيت افيدج والله وافيد غيرج لاني ادري ان اذا الوحده ماتحب شعرها شلون يصيدها احباط

وادعيلي ان الله يوفقني ويحقق الي في بالي
واي شي ثاني انا حاضره