طريقة وضع مكياج العيون خطوة بخطوة -

a9eela 17-01-2007 125 رد 19,415 مشاهدة
a

السلام عليكم ورحمة الله وبركاته ..

هذا الموضوع إهداء لجميع بنات عروس ..

أتمنى يعجبكم ..

وهو طريقة وضع ميكاج العيون خطوة بخطوة ..

سويته بإيدي بالفوتوشوب من الألف لي الياء ..

فالرجاء حفظ الحقوق .. لأني تعبت عليه وايد ..

وهو إهداء لأختي 3yoOon_AD .. :)

وهو بناء على طلبها ..

وعلى فكرة أنا سويت الخطوات اللي أنا بالفعل أتبعها في وضع مكياجي ..

أتبعوها بالضبط وبتدعولي ..

وبيصير الموضوع سهل وايد مع الممارسة .. ودمج الألوان الغريبة ..

وأتمنى تحفظون الصور على أجهزتكم ..

لأن موقع التحميل ممكن يسكرهم بعد فترة قصيرة .. :)

وصدقوني .. الماركات المعروفة تزيد جمال المكياج ..

بس الأهم هو الطريقة .. حتى لو كان المكياج ماركة مش معروفة ..

يالله نبدي الدرس ..

هذي الصورة المستهدفة .. في وضع مكياج العيون ..




الخطوة الأولى ..

نضع كريم الأساس ونمدده ..

وعقب بفرشاة كبيرة مثل فرشاة البلاشر ..

أحط البودرة بلمسات خفيفة فوق كريم الأساس ..

وأغلب خبراء التجميل يغمجون أو يلونون الحواجب أخر شي ..

بالنسبة لي .. أغمج الحواجب بعد البودر على طول ..

لأن على أساس رسمة الحواجب تتحدد رسمة العين ومدة الشدو والكحل( تمديد ونثر ) ..

وأنا أغمجهم بقلم بني عادي .. :)

(( ولا تنسون يا بنات .. حديث الرسول عليه الصلاة والسلام .. لعن الله النامصة والمتنمصة ))

أتركوا النمص جزاكم الله خير ..

وأجيب بودر الغير مضغوط ( النثر )

وبنفس الفرشة بس أثقله بالفرشة شوي وأحطه تحت العين على عظمة الخدود ..

على أساس يبقى الوجه نظيف وما يتأثر بالشدو اللي يطيح عليه ..



الخطوة الثانية ..

أحط اللون الذهبي .. أو الأبيض اللي تحبونه ..

تحت الحاجب .. وأحط داخل العين كحل جاف ..

أفضل اللون الأزرق .. أو الأبيض .. أو الأسود ..




الخطوة الثالثة ..

أضع اللون الأخضر من داخل العين لي نصها تقريباً ..



الخطوة الرابعة ..

أضع اللون الأحمر .. أو اللحمي ..

تحت اللون الذهبي اللي تحت الحاجب ..

وأمدده فوق الأخضر من بره العين لي داخلها ..



بعدين الخطوة الخامسة ..

أبدي بالفرشة (( ذات الشعيرات )) اللي تنثر الشدو ..

وأول شي أسويه .. أدمج الأحمر بالذهبي ..

وبعدين أدمج الأحمر بالأخضر ..

وتلاحظون أن الألوان خفت شوي مع الدمج ..



الخطوة السادسة ..

أحط الشدو الأسود بطرف العين تحت الأحمر وأمدده من بره العين لي داخلها شوي ..

فوق الأخضر ..

وإذا كنتوا تبون لون أسود غامج وايد وحلو ..

ممكن تستخدمون القلم الجاف .. العريض ..



والخطوة السابعة ..

نبدي ندمج الأسود مع الأحمر ونمدده عند اللون الأخضر ..

وبطرف الفرشة .. أو أسفنجة الشدو الصغيرة وبهدوء .. وبنعومة ..

نسحب الأسود بره العين شوي .. مع الأحمر والذهبي ..

وخلي يكون عندج فرشتين وحده للون الفاتح .. للأحمر والذهبي ..

ووحده للأحمر والأسود ..

علشان يكون المكياج نظيف والألوان ما تختلط ببعض ..



الخطوة الثامنة ..

تكون معانا بهالطريقة .. مدموج مع اللوان بتناسق .. والشدو الأسود مسحوب

بطريقة حلوة ..



الخطوة التاسعة ..

نجيب الحكل السائل الأسود ..

ونحط خط رفيع فوق العين .. من داخل ..

ونثقله شوي شوي مع الشدو الأسود ..

أقصد خط الكحل يكون خفيف من داخل ويثقل لي بره ..

وتكون ريشة الكحل السائل خف فيها الكحل بعد ما رسمنا العين من فوق ..

نسحب الريشة باللون الخفيف .. نعزز فيه سحبة الشدو الأسود من فوق ..

ونفس الطريقة من تحت ..

نحط الكحل السائل من داخل العين وعلى أخر العين يكون الكحل خف بالريشة ..

نسحب فيه الكحل لي بره ونزله شوي ..

على أساس تضبط الطريقة بفتح العين من بره ..



وإذا تبون نصيحتي .. للي يستصعبون استخدام الكحل السائل ..

لما تحطون الكحل .. خلوا الأيد ثابتة ..

وحركي الوجه من اليسار لليمين والعكس ..

ينرسم الحكل بروحه .. :shy:

الخطوة العاشرة والأخيرة ..

شيلوا البودرة اللي على الخدود بنفس الفرشة اللي حطيناه فيها ..

ونجيب الإضاءة .. سواء لون لؤلؤي .. أو ذهبي ..

ونحطها بفتحة العين من داخل .. ومن بره بعد ..

على أساس نبرز طريقة الكحل ..

ونحط شوية تحت العين .. وشوية على الخشم ..

ونحدد الخشم بلون البلاش اللحمي ..

على أساس تصغيره ..

ونحط شوية لمعة تحت الحاجب .. إذا تبون .. :)



وبجذي بيطلع مكياجنا ..

بنات نسيت أقولكم ..

أن أخر شي حطوا الماسكار .. لا تنسونها ..

لأني دايم أنساها .. تصدقون ؟؟

وأتذكرها بأخر لحظة ..

وفي خطوة بعد أخيرة ..

حطوا شوية أحمر تحت العين وأدمجوه مع الأسود ..

يعطي جمل أكثر ووسع للعين ..

مثل هالصورة ..





طبعاً أعتذر وااااايد ..

على الشرح بالكلام .. لأني شاطرة بشرح الصور أكثر من الكتابة ..

جني قاعدة أسوي طبخة مو ميك آب ..

أتمنى يعجبكم ..

ولكم جزيل الشكر ..

وأي سؤال تحبون تطرحون أتمنى ما تترددون بطرحه ..

وبس .. تعبت .. :sad:




بنات .. لو سمحتوا .. لا تحطون هالمكياج إلا بالعروس ..

وإذا حطيتوا .. ألبسوا بوشية .. (( غطوة ))

لأن التبرج حرام .. وأخاف يكون ذنب علي ..

واللي تحطه وما تتغطى .. إن شاء الله يخرب مكياجها ..

ويسيح كحلها وتعتفس .. :)
ق
[grade="00008B FF6347 008000 4B0082"]تسلمين ياعمري الله يعطيك العافيه[/grade]
,
رووووووعه يعطيك العافيه
a
قطوف الدوحه:
[grade="00008B FF6347 008000 4B0082"]تسلمين ياعمري الله يعطيك العافيه[/grade]



السلام عليكم ورحمة الله وبركاته ..

هلا أختي قطوف الدوحه ..

الله يسلمج ..

ويعافيج .. أشكر مرورج الكريم .. :)
a
,’ نسيم الشوق’,:
رووووووعه يعطيك العافيه



السلام عليكم ورحمة الله وبركاته ..

هلا فيج أختي نسيم الشوق ..

الرائع هو تواصلج ..

يعافيج .. وشكراً .. :)
أ
مشكوووووووووووووووووووووره

بس ما طلعت الا صوره وحده

حطي الصور مرره ثانيه ممكن
ا
فعلا رووووعهـ ..
وموضوع مبين متعوب عليه ..
مجهود حلوو .. تشكرين عليه الغلا ..
إن شاءالله بحاول اطبقه
واقولج .. بس شرحج حلوو
كفيتي ووفيتي .. ومع الشرح بالصور سهل الموضوه واايد ..
تسلمين والله يعطيج العافيه ..


.
.

^_^
ر
الله يعطيج العافية صج الموضوع يتعب وايد بس موضوعج شارحتة بطريقة واضحة تسلمين
a
أنا لولو أنا:
مشكوووووووووووووووووووووره

بس ما طلعت الا صوره وحده

حطي الصور مرره ثانيه ممكن



السلام عليكم ورحمة الله وبركاته ..

هلا لولو ..

أمبله كل الصور طالعين .. :sad:

سوي رفرش وبيطلعون وياج ..

أشكر تواصلج الحلو .. :shy:
ا


حلووووو وايد ... الله يسلم ايديج الغلا ....

a
الكـادي:
فعلا رووووعهـ ..
وموضوع مبين متعوب عليه ..
مجهود حلوو .. تشكرين عليه الغلا ..
إن شاءالله بحاول اطبقه
واقولج .. بس شرحج حلوو
كفيتي ووفيتي .. ومع الشرح بالصور سهل الموضوه واايد ..
تسلمين والله يعطيج العافيه ..


.
.

^_^


السلام عليكم ورحمة الله وبركاته ..

هلا والله أختي الكادي ..

الرائع هو تواصلج ..

وكلامج الجميل أسعدني ..

العفو .. والله يسلمج ويعافيج ..

أشوه أنه سهل .. وإن شاء الله تستفيدون منه .. :shy:
a
روان الحنونه:
الله يعطيج العافية صج الموضوع يتعب وايد بس موضوعج شارحتة بطريقة واضحة تسلمين


السلام عليكم ورحمة الله وبركاته ..

الله يعافيج روان الحنونه ..

وهلا فيج ..

أشكر تواصلج المميز .. :)
ت
ماشالله

بصراحه كفيتي ووفيتي اختي

عجبني حيييل

يعطيج العافيه
f
يعطيج العافيه رووووووووووعه
a
ام الدويس:


حلووووو وايد ... الله يسلم ايديج الغلا ....



السلام عليكم ورحمة الله وبركاته ..

هلا فيج أختي أم الدويس ..

حلت دنياج ..

ويسلمج بعد ..

أشكر تواصلج .. وردج الكريم ..

بنات مابي شكر أبي دعااااء .. :shy:
ج
رووووووعه يعطيك العافيه
a
تايم آوت:
ماشالله

بصراحه كفيتي ووفيتي اختي

عجبني حيييل

يعطيج العافيه



السلام عليكم ورحمة الله وبركاته ..

هلا فيج أختي تايم آوت ..

الله يعافيج ..

أشكرج وايد على التواصل .. :shy:
r
تسلمين حبيبتى على الموضوع :shy:
ر
راااااااااااااائع
والله رائع
انا مابعرف اي شئ بمكياج العيون
وشرحك والله كتير واضحخ ومبسط ومفيد جداااااااااا
ربنا يجازيك كل الخير
وانا حفظت كل الصور
D
يه يه يه ,, اصوووووله ؟؟؟؟؟؟؟

شنو هذاااااا؟؟ شهالزين شهالدقه شهالحلات (( هههههههه ))

ماشاء الله عليج حبيبتي عملج صج متعوب عليه ومرتب ونظيف :)

مشكوووررررره ويعطيج العافيه ربي لايحرمنا من مواضيعج الحلوه :)
X