بعرس شهر 7... لكن!!

مبررررررروك الف مبررروك

يالمتواضعة


الصراحة لو تبتدين من الحين وكل ساعة اشوية



بتكونين خلاصتي كل شي وعلى راحتج

ألف مبروووووووووك أختي المتواضعة على الزواج
و أنصحج تبتدين من الحين
و تستغلين عطلة نهاية الأسبوع
وإنشاء الله يمديج الوقت

والله لو كان عندي خبرة ما قصرت وياج لكن أكيد الإخوات في المنتدى ما راح يقصرون

(g) (^)

وانا بعد انصحج انج تبدين من الحين عشان يمديج الوقت :) والف مبروووووووووووووووووووك والله يوفقج ان شاء الله

اختي المتواضعه
انا شايفه انك لازم تبدأي بسرعه لأن الوقت سيمر منك بسرعه بدون ما تدري خصوصا انك تدرسين
ولكن الأهم من هذا انك تشوفي الاشياء اللي ناقصتك و كل ما تفتكري شئ تكتبيه و تجمعي كل الاشياء في قائمه علشان ما تنسي شئ
و يا ريت تستفيدي من خبره اي صديقه سبقت بالزواج في معرفه كل الاشياء الاللي تحتاجينها في البيت والاشياء الخاصه بيكي
و الف مبروك وان شاء الله ربنا يتمم بخير

مرحبا اختي ومبروووووووووووووووووووووووك والله يفوقج:D
بس اقولج اختي ها لا تصيرين مثل البنات الي يجهززون عمرهن بعشرين جلابيةوعشرين قميص نوم وخمسين مادري شو
عشان جذيه ما بتحتاجين وقت لهدا فكي عمرج بس 8 قطعة ثياب من كل نوع بس فستان العرس لازم من الحين تراكضين عليه عشان تخلصين وانا انصحك تروحين شارع الرقة ترا عندهم اقمشة حق الفستان الابيض وايدحلو :D
وقبل العرس بشهر كله ماسكات وشرب الماي والعصاير والرمان ضروري اوكي والجزر عشان تكون بشرتك حلوه حق المكياج
ولاترهقين نفسك بالتفكير وانشالله كل شي بيكون تمام

الف مبروك اختى المتواضعة
مثل ما قالوا خواتى لازم تبدين من الحين عشان ما تلعوزين قبل العرس او تنسين اى شئ................
ولازم ما تهملين نفسج نباج قمر يوم العرس والف مبروك ;)

اختج لؤلؤة دبى

أشكركم جميعاً لانكم رديتو عليي .. وقدمتو لي النصايح...

سؤال للي عرسو .. واللي راح يعرسون...

تعتقدون شو هو الاهم في البدايه .. أشتريه .؟

وسؤال ثاني انا افكر طول الوقت في الفرقه .. مابا اييب موسيقى بييب طيران وابا اللي اتغني تربش وتتحرك بين الناس لكني مب محصله :( والله هالشي مظايجني وااااااااااااااايد

الف مبروك اختي المتواضعة و انشاء الله الله يهنيكم و يسعدكم،
لازم تبدين من ألحين تتجهزين و تهتمين بنفسج، و على سؤالج عن الفرقة انا اعرف فرقة وااااايد حلوه و ربشة و صدق انها عجيبه واايد و رهيبه لانه كان عندنا عرس من شهر و يبنا هذي الفرقة اذا تبين اسمهم و الأرقام راسليني و هم من الشارقة و روحون اي مكان و اسعارهم زينة

لسلالالالالالالالالالالالالالام .... اهلين اختي المتواضعة , والف مبروك مقدما ..............

اختي الحين حنا بداية 3 وعرستس في بداية 7 يعني باقي 4شهور وقت حلو مره مو طويل ولا قصير ......
ومن تجربتي خذي هالنصائح وان شاء الله تستفيدين منها ............


1/ ابدي اول شي بفستان الزواج لانههو اللي يبي له تعب وتدوير واختيار .
2/قسمي احتياجاتك الى مجموعات مثل ملابس سهرة , تيورات عادية , جزم , مكياج...............
3/بعد الفستان اشتري الاقمشة لملابس السهرةاو اذا تفضلين الجاهز اشتريه. ولا تكثري 3 مناسب عاد انتوا ومناسباتكم.
4/ اشتري الذهب اذا كنت ناوية تشترين مع اني افضل انك تنتظرين لانه بتجيك الهدايا عقب .
5/الملابس الداخلية والقمصان والذي منه.........
6/ الملابس الجاهزه والتيورات البسيطةللاجتماعات العائلية .
7/الجزم والشنط وباقي الاكسسوارات وهذي بالاخير عشان تكونين عرفتي وش الالوان اللي عندك وحاولي تاخذين الالوان اللي تجي مع اكثر من فستان.
8/المكياج وخليه اخر شي علشان مايتم عندك فتره طويلة بدون استخدام.
9/ ترتيبات الصالة من كوشة وطاولات .......... الخ

والتقسيم بهاطريقة اختي يخليك ماتتشتتين وتجمعين اشياء مانتي بحاجة لها اوتنقص عليك اشياء محتاجة لها .

اما بالنسبة للفرقة عفوا اختي انا مو من الامارات , وعندنا في الشرقية فرقة ماشاء الله عليهم طقهم بس دفوف لكن ايش يشيل شيل يعني مرررررره يحرك العرس وبمايرضي الله.

اعذريني عالاطالة والعذر والسموحة منك اذا كنت نسيت شي
......وبارك الله لك وبارك عليك وجمع بينكما بخير........

اختك نبت الوسم

أشكركم على وقفتكم معاي ... ويزاكم الله الف خير

اختي عيناويه... اتريا ردج بفارغ الصبر على الخاص ...

:)

الف الف مبروك يالمتواضعةوالله يجمع بينكم على خير

في البداية لازم تكتبين كل اللي تحتاجينه في ورقة
ومع الايام تقدرين تضيفين عليها النواقص
اختي بحكم عملي في الاسواق اقول لك ترى مافي وقت كثير
يعني لازم تشدين حيلك من الحين ولو على الاقل في اجازة نهاية الاسبوع
باقي من الوقت اربع شهور واظن انك يادوب تقدرين تجهزين نفسك
اظن انه يجب ان تبدأي بفستان الزواج لأنه بياخذ منك وقت طويل
ولازم تحجزين الفرقة من الحين اذا كنتي تبين فرقة مميزة لنك راح تتزوجين
بالصيف والفرق المميزة عليها طلب كبير والصيف موسم اعراس


واتمنى لك التوفيق

هلا اختي

صدقيني لا اتكدرين عمرج ولا شي لان بياثر عليج واايد اقصد بشره ويهج ........ انشاءالله كل شي بيعدي على خير و لا اتكثرين من الاغراض لانج بتندمين مثلي ....... الحين ابدي بالفستان و لا تنسين الماسكات والحمام المغربي ( نصيحه : سويييييه روحج في البيت) والله يوفقج :)

مرحبا خواتي ,,,, مرحبا المتواضعه ,, ألف ألف ألف مبروووووووووك


على فكره الوقت مب طويل تراه بيمر مثل البرق وانتي مب حاسه ,, من اللحين ابتدي ,, طبعا مثل ما اتفضلن البنات بالفستان ,, والحجوزات ,, مثل الكوشه والتصوير( فيديو و فتوغرافي ) روحي احجزي من اللحين عشان تضمنين ,, واتحصلين التاريخ اللي انتي تبينه ,, لانه يوم تسألين من الحين في حجوزات لشهر سته وسبعه,,,

ومن اللحين فكير بفكره اتخصج ,, يعني مثلا اتنسقين بين الفستان والكوشه وبطاقات الدعوه ,, يعني يكون في عامل مشترك بينهم ,,

وبالنسبه للتجهيز ,, بصراحه مثل ما قالن البنات لا تكثرين من الاغرض ,, لانج بعد العرس بشهر اوشهرين بترجعين تشترين وتفصلين ,,

ابتدي بالملابس اللي تتفصل ,, لانها تحتاج وقت ,, لأختيار القطعه والموديل والوقت للخياطه ,, اما الملابس الجاهزه اتركيها للأخر ,, تدرين الموديلات تنزل كل شهر غير لا تستعيليين ,, لانها بتصير قديمه وموديلها راح
وقمصان النوم كثري منها ,, تدرين في البدايه تبين كل يوم تلبسين شي ,, وراح تستحين اتعيدين شي :o,, على الاقل لمدة شهرين .. احسبي كم قطعه تحتاجينها في هذي المده

اما بالنسبه لجسمج وبشرتج وشعرج يا دوووب اللحين تبتدين ,, يعني

سويلج جدول باليوم والوقت اللي بتسوين فيه ,, والشي الللي بتسوينه ,, وحطي صح على كل نقطه انتهيتي منها ,, مثلا كل 15 يوم حمام مغربي ,, في البدايه ,, وبعدين كل اسبوع مره ,, لمدة (5 -6) اسابيع في الاخر قبل العرس ,, بتشوفين كيف جسمج شو بيصير ,, وحاولي في الشهر الاخير ,, اتسوين الدلكه وايد اتنعم الجسم بشكل واضح ,, يغدي جسمج مخمل ,, وبالنسبه لبشرتج سوي تنظيف عميق كل شهر مره من الحين ,, وكل 15 يوم مره ماسكات بالفتامين ( c ) والتبييض ,, بيعطيج نضاره واضحه ,, وكثري من سطلة الفواكهه والعصاير الفرش ,,

وبالنسبه للفرق ,, يمدحون وايد نوف ,, اسألي عنها في الامارات,, ربشه بصراحه ,أساألي من الحين لانها محجوزه على طول وسعرها مناسب ,, وفي خيريه ,, هي سعوديه بس تطلبينها من متعهد حفلات من قطر ,,واذا تبين الرقم طرشلي على الخاص بعطيج ياه وفي نديبه ,, جربي واسألي وانشاءالله تتوفقين ,,

واسمحيلي على الاطاله :)

مرحبا اختي المتواضعة

حيا الله عروستنا ..

:D حبيبتي .. لا تحاتين

لا احنا بنقصر معاج .. و اهلج و صديقاتج ما رح يقصرون بعد

مثل ما نصحوج البنات .. كتبي اللي تبينه بورقة مثل:

[ALIGN=RIGHT]@ الفساتين = فستان العرس + فستان للحنة + فستان احتياط

@ الحجوزات= القاعة + الفرقة + الكوشة + التصوير

@ الصالون= حاولي تحجزين .. و اعملي بروفات و اللي يعجبج اختاريه

@ ملابس النوم = 8 بدل اعتقد حلوة و كافية . طبعا بألوان مختلفة

@ ملابس داخلية = على الأقل 9 أطقم جديدة

@ ملابس ثانية = قمصان + تنانير+بناطلين + جلابيات مخورة ( أحلى شي للعروس )

@ المكياج = استعيني بموضوع الأخت الأم الحنون وايد روعة

@ العطور = عربية + فرنسية + صينية للعطور تلاقين اشكال منوعة في سوق الجملة و اشكال تهبل
@@@@@@@@@@@@@@@@@@@@@@@@@

و شي ثاني .. حاولي بكل نهاية اسبوع تخصصين لج 4 ساعات اقل شي

تروحين فيها السوق

تدرين بعد .. اذا خليتي كل شي لحزة الحزة .. راسج بيدور .. ويهج بيشحب

و التفكير وايد يأثر عليج

و ربي يوفقج و يهنيج حبوبة