بنات ممكن ؟ بخصوص ماك ..

[grade="00008B FF6347 008000 4B0082"]هلا اختي ومرحبا فيج مليون [/grade]

انا باجاوبج في حدود الاشياء الي استعملتها والي احس اني اعرف فيها

الشيء الثاني اني سألت الأخت مجد برسالة خاصة ونطرتها اسبوع تقريبا وماجاني رد ..
وبما أن رسولنا الكريم عليه الصلاة والسلام قال : التمس لأخاكَ سبعون عذرا "
فقلت يمكن تكون مشغولة أو ان فيه مشكلة بالرسايل وماوصلت .. :)

[grade="00008B FF6347 008000 4B0082"]مجد فديتها ماتقصر ابد بس الحمد لله انج التمستي لها العذر [/grade]

قلت اسأل بموضوع واللي عندها خبره تجاوبني الله يجزاها خير ..
<= شكلها مطولة :D

أول شيء .. الفكس أو مثبت الميك آب .. مالقيته للأسف ..قالت بعد شهر بيرجع لأنه مقطوع من الشركة نفسها في هالوقت ..

[grade="00008B FF6347 008000 4B0082"]يمكن قاطعينه لانه بيغيرون شكل العبوات واحسن لج تاخذين المثبت بشكله الجديد[/grade]

ثاني شيء .. الأخت مجد رشحت لي كونسلر التيوب من ماك ..
وفعلا أخذته .. بس سألت اللي هناك تشتغل عن طريقة استخدامه ..قالت انه للمنطقة حول العين فقط ! , فاستغربت هل هو فقط لهذي المنطقة ,أو لكامل الوجه ..
وكيف استخدامه اذا كان لـ كامل الوجه ..؟؟
هل بوضعه قبل كريم الأساس ؟؟ أو بخلطه مع الكريم ؟ أو ممكن استخدامه بروحه ؟؟


[grade="00008B FF6347 008000 4B0082"]الله يسلمج تقدرين تستخدمينه لكامل الوجه انج تخلطين نسبه منه مع كريم الاساس وبيعطيج تغطيه روعه خصوصا للمناسبات .
او انج تحطين طبقه بيسطه منه على المكان الي تبينه وعقب تحطين الاساس.[/grade]


الشيء الثالث - وآسفة إني طولت ::gum:

سألت عن كريم اضاءة "بورسلين" .. كذلك ذكرته لي مجد ..
ولكن لما رحت ماك ..قالوا ماعندنا هالنوع هذا ؟؟

[grade="00008B FF6347 008000 4B0082"]ماعندي فكره عن البورسلين [/grade]

وعطتني كريم أساس قالت هذا ينفع .. وبصراحه أخذته رغم إني ما أحب الفاونديشن كيك ..لكن لما جربته ع ايدي تشجعت آخذه ..وقلت تجربه ..
وهذا برضو سؤال بما أني أول مره استخدم الفاونديشن كيك .. أو المضغوط ..
كيف استخدامه ؟؟ أحسه ممكن يتكتل أو يبقع ..!

[grade="00008B FF6347 008000 4B0082"]استخدميه بالاسفنجه المبلوله .
وبالعكس ما يتكتل ولا يبقع وهو ثابت للمناسبات انا لاحظت ماكيرات وايد يستخدمونه لزباينهم للمناسبات لانه يثبت مده طويله ومايتكتل .[/grade]


آخر شيء : مرطب ستروب كريم ... شنو فايدته ؟؟
بيس للوجه ينوضع قبل الميك آب ؟؟ أو ايش بالضبط ..لأني ما اشتريته لكن ناوية فحبيت استفسر قبل ...
[grade="00008B FF6347 008000 4B0082"]
هذا مرطب ينوضع قبل المكياج.[/grade]

وكما أخذت منهم البيجمنت وايت .. هذا أعرفه لمعة لتحت الحاجب أو تحت العين <= شاطرة خخخخخ


وياربي ما أكون ثقلت عليكم <= :shy:

[grade="00008B FF6347 008000 4B0082"]بالعكس لاثقلتي ولا شي واحنا يسعدنا ان نساعدج [/grade]

وان شاء الله ما تنطشوني :)[/QUOTE]

[grade="00008B FF6347 008000 4B0082"]وانشالله اكون افدتج ولو بالقليل

عاشقه الدوحه [/grade]:shy:

عاشقة الدوحة ..

فديتج والله وماقصرتي ..


الفكس ..قالت انه بينزل بعد شهر ..لأنه مقطوع .. يمكن فعلا يجددون فيه ..
لذلك أكيد بأنتظره :)


بالنسبة للفاونديشن ..ذكرت لي انه يستخدم من دون ماي !!
حتى عطتني اسفنجه خاصه وياه .. ولما سألتها بماي ؟
قالت لا ما يحتاج ..! . خاصة اني مرة حاولت استخدم فاونديشن كيك باسفنجة مبلولة تكتل وايد وما طلع شكله حلو ..ومنها حرّمت استخدمت هالنوع من الكريمات ..
بس هذا تشجعت آخذه بعد ماجربته ع يدي من دون ماي !



مشكوووووووورة وماقصرتي
الله يجزاج خير ع هالرد الحلو .. واكيد استفدت منج وايد .. (f)

..


مجد

ماله داعي للإعتذار ..الله يعينج ياقلبي ..
ووالله آنا عذرتج كثير وادري انج مشغولة وايد ..عشان جذي التمست لج العذر ..وقلت احط موضوع واسأل للي عندها خبرها وتفيدني ...

شوفي ..آنا تعودت أني احاول اجرب كل شيء بنفسي ..اولا حتى آخذ خبرة وثانيا حتى ما أزعج احد باستفساراتي , بس لأن هالشغلات هذي أول مره اجربها وأخذتها عشان جهاز عرسي فما حبيت ابطّل شيء منها حاليا .. وماحبيت باجر عند زوجي ألطّخ بويهي حتى أجرب خخخخخخخخخخخخ طبعا فاهمة شأقصد ..:D

..

شوفي بالنسبة للكونسلير التيوب .. عطتني اياه ولما سألت عن استخدامه قالت بس لمنطقة العين ,استغربت وقلتها أول شيء خلاص ما أبيه ,لأن شفتها استغربت شلون اقول حق الويه كله ! ,بس تالي رديت وقلتها عطيني اياه ..لأني فكرت اسألكم هنا ..بتفيدوني أكثر ..


..

بالنسبة لإضاءة البورسلين ..قالت لي ماعندنا بـ ماك شيء اسمه بورسلين !!
يعني حتى ماعطتني شيء بداله ..استغربت من الكلمة نفسها , شكلي طحت بوحده يديه ماتعرف شيء ..!


..
الفاونديشن كيك ..نفسه اللي بالصورة بالموضوع ..بس انتِ ذكرتي بردج هناك :
(وبعدين رش الوجه ببخاخ فكس , وبعدين توزيع الفل كوفر)
يعني ما انطر ينشف الفكس وتتشربه البشرة ؟؟؟
او انتظر لين ينشف وبعدها اوزع الفاونديشن باسفنجه ؟؟
وعادي من دون ماي ؟؟ .. لأنها برضو قالت لي مايحتاج استخدمه بماي ابد ..

وفعلا آنا لما حطته بيدي كـ تيست .. عجبني وايد وكان رهيييب ..اغراني صراحه اشتريه رغم انه ماكان ببالي آخذ من عندهم كريم اساس ...





يعني الـ ستروب كريم .. يغني عن استخدام البيس قبل الأساس ؟؟؟
لأني أحب دايم أرش بخاخ مثبت واحط ع طول معاه بيس وأوزعه مع البخاخ ع الوجه.. وانطر عليهم شوي ينشفون وبعدها أرش من المثبت ..وانطر البشرة تمتصه ..وبعدها ابدا بالميك آب ..

يعني اقدر استخدمه بهالطريقة ؟؟ ..أو انه ترطيب واضاءه للبشرة فقط !! وما يغني عن البيس !
.
.

وآنا اللي اعتذر عن كثرة اسئلتي :$
بس منكم نستفيد ..
وماقصرتي حبوبه أبد (f)

مشكوووورة ياقلبي ..
وماقصرتي ....

واجاباتج كانت كافية ووافية

واعتذر دوختج وياي ..

(f)

تحياتي لج وموفقه يارب ..:)

مقصرت مجوده كفت ووفت

شوفي حبوبه اهوا للاضائه ويغطي العيوب وتقدرين تحطينه على الهالات وحول العين وتحت الفم

منطقه الحنج وجوانب الانف هذا طبعا بعد او قبل ما تحطين كريم الاساس وتقدرين تحطينه مثل

ماتبين على الويه كامل لكن بشكل خفيف وتوزعينه بشكل وطبقه خفيف وتحطين البودره ويعطيج

نتيجه حلوه ان شاء الله

البورسلين ما اعرفه والله انا اعرف بودره مضغوطه من ماكس فاكتور اسمها بورسلين

وشوفي حبيبتي الاساس اللي خذيتيه انا ما جربته من قبل بس اي اساس كان يطلع حلو اذا حطينهاه

بشكل صحيح وخفيف حطي المرطب ونطري 10 دقايق بعدين حطي الاساس وحطي الكونسيلر

ونطري جم دقيقه وبعدين حطي البودره

الستروب كريم حمايه وترطيب واضاءه للوجه والبشره وينحط قبل الاساس بشوي ووتقدرين تخلطين

منه مع اساس بس كميه بسيطه


وانشالله افدتج

فرح

حياج ياقلبي .. ومجد ماقصرت أكيد يعطيها العافية يارب ..
.
.


نجمة الليل ..


آنا عادة استخدم الكونسلر لكل منطقة أبي أخفيها , بس اللي في ماك لعوزتني لما قالت هذا بس حق منطقة العين ,فاستغربت وقلت أسأل !!


,,
أخذت من ماكس كريم اضاءة ..وايد حلو كان ,أحسه يغني عن اي اضاءه ثانية ,خاصة اني اخذت من ماك بعد البيجمنت وايت .. , يعني لغيت من حسبتي البورسلين ...!
.
.

اليوم كنت في ماك اسأل عن الفكس وستروب كريم .. بس ماحصلتهم ,أخذت رقمي وقالت بس يوصلون اتصل فيج أبلغج حتى ما تضطرين تجين تسألين ويمكن ما يكون نازل للآن !



شوفي آنا خطوات الميك آب اللي أقوم فيها دايم وكل مره :

1- قطنة واسكنول وأنظف ويهي , بعدها أرش ماي ورد .. وأنشفه ...
2- بخاخ مثبت أرشه ع الويه
3- +بيس أحطه ع المثبت مع بعض واخلطهم ع الويه و بأطراف اصابعي أحاول أحرك الدورة الدموية بويهي مثل التدليك البسيط وع ما تتشرب البشرة المثبت والبيس .. أحسها تعطي نتيجه حلوه رغم انها بسيطه ..
انتظر لين ينشف وبعدها :
4- أرش بخّة وحده من المثبت .. وانطره ينشف ..
5- اوزع الكونسلر
6- احط كريم الاساس ..وعادة أخلطه ,يعني ما اكتفي بنوع واحد .. مثلا : دريماكول+هابي لايت من برجواز / - شارمل+كفر ديرم // أو ماكس فاكتور المخملي مع شوية كريم اضاءة ... وهكذا ..

انتظر ثواني ..
7- البودرة ..وعادة استخدم سمايلنق مع أي نوع ,تمشي كثير وتثبت الكريم ..
وبعدها أكمّل الباجي عادي.. من شادو واضاءه وغيره ..

..
بس سألت لأن فيه اشياء يديده عليّ مثل كريم ماك ,لأني مو متعودة استخدم هالنوعية من الكريمات .. استخدم كريم سائل دايما ..وأفضله لأنه كويس ع التوزيع..



مشكوووورة نجمة الليل .. ع الرد الحلو والمفيد ..
والله يعطيج العافية ..