كيف اجيب عروسة ل

مو شرط تعرفينها
طيب لما تروحي اعراس اكيد بتجلسين جنب بنات وبتسولفين معاهم
وفي بنات ينخطبون من هالمكان اكثر شئ
او اللي عزموك للزواج عندها اخت او قريبة على وجه زواج
او اذا عندك بنت خالة بنت عمه ....!!
واللي تشوفين انها مناسبه لااخوك والله يوفقه وتلقين له بنت الحلال اللي تسعد قلبه
اتمنى اكون افدتك حبيبتي

شكرا اختي سديم الفجر
في المناسبات اجلس مع امي و خالاتي
بس مرة شفت بنات عجبوني وطوال الليل افكر كيف اكلمهم وبعد ما تردد رحت لامهم وكلمتها وكان كلي يفشل من الاحراج واللخبطة قالت امهم " بناتي بعهم صغار و اعتذرت"
قلت توبه اعيدها
قريباتنا اتوفقو وتزوجو من اولاد عمهم

الوضع صعب يمكن ما يحس فيه الا اللي مجربه خاصة في مجتمعنا

الاخت العزيزه رجاوى المزن
انا من مصر والله كنت كتبت من مده عن ازاى الواحد يجوز ابنه اوبنته ولقيت ما فيش استجابه وبعضهم رد بحظر وخوف علشان كنت باتكلم على بنات اعرفهم وهم بنات عائلات محترمه لكن علشان مؤدبين ومحترمين ملهمش حظ وابتديت الاقى تعليقات ديقتنى فتوقفت عن المشروع ده وبما انك من السعوديه وعلى فكره انا جلست فيها شويه وقدرت اعرف بعض الطباع انصحك انك تسالى بين زميلاتك بالشغل وممكن تزورى احدى صاحباتك فى اى مدرسه وهناك هتلاقى بنات كتير اوزورى بنات اخوات فى اى مدرسه اهليه هتلاقى مدرسات لسه صغيرين ومن الشكل وطريقه التعامل هتقدرى تحكمى
اتمنى لاخوكى كل الخير وصدقينى لو كنت لسه فى السعوديه كنت ساعدتك لكن انا باروح كل كام شهر علشان ازور زوجى
تمنياتى لك بالتوفيق

اممممممممم
والله ماادري كيف؟
بس اخوج ماعنده اصحاب عندهم اخوات على زواج؟

اذا عنده اصحاب من خوش عايله وملتزمين خليه يسأل عنهم اذا عندهم بنات للزواج اولا
واذا فيه خليه يوديكم لهم بحجة انه حاب يعرف عايلته على عايلة صديقه..

انا اخوي خطبنا له كذا قال انا ابي من هالبيت بيت صاحبه يعني ورحنا زرناهم وتعرفنا عليهم
وعجبتنا البنت وسألنا عن البيت طبعا عدل مدل وبعدين خطبناها
وبيني وبينك هم حسوا انه احنا جايين نشوف البنت
بس عندنا في منطقتنا هاليومين صار الشي عادي وبعض اهالي البنات
يتقبلوا هذا الشي .. ماادري ان كان عندكم نفس الشي او لا

وبالتوفيق ان شاء الله

شوفي بنات اهلكم وقرايبكم او اذا ماتبون من الاهل بنات جيرانكم او صديقاتج اذا عندهم خوات في بنات وايد انتي بس عليج تشوفينهم

والله ولي التوفيق

الله يوفقه ببنت الحلال

هلااا اختي

طيب اسالي صديقاااتج بالشغل

ما عندهم خوااات

او قرااايب ؟؟


اكيد بتلقين

والله يرزقه ببنت الحلال


سلااامي

غلا سهيل

والله انا حاسة بحيرتك
لأني بنفس المركب

ادور لأخوي
وما ابي اخطب الا وحدة عارفتها وعارفة شخصيتها ومتأكدة انهم يناسبون بعض
عشان كذا ما اقتنع بالخطابة ولا اني اروح لزواجات ولا اني اقول لصديقاتي يرشحون لي

وصديقاتي تزوجوا كلهم وبنات قرايبنا وجيراننا متزوجين

وانا في البيت ما اطلع وادور على وظيفة
وحاطة املي بعد الله في الوظيفة اني باخطب لأخوي من زميلات العمل
هذا اذا ماحصلت كلهم متزوجين خخخخ

لما يريد ربك ييسرها

اختي بقولك على تجربتي

كانوا الخطابات يجوا على الجامعة ويدوروا على البنات والبنت تبين من كلامها وجلستها ولبسها وتكون على طبيعتها

او ممكن اذا رحتي عزومه تسألي النسوان ايلي تثقي فيهم اذا في تلاها بنات سن زواج تقولك عليها وتكون متدينة ومؤدبه ...الخ

واذا كان بدور على وحده متدينة جدا وملتزمة دوري له في مجالس حفظ القرآن للنساء او في مراكز حفظ القرآن وغيرها من التجمعات الدينية

الله يوفق اخوج ويحصل بنات الحلال اللي تسعده ويسعدها

[grade="FF1493 FF1493 FF1493 FF1493"]..::..

‘‘ حبيبتي انا معاكي انه هالشي مره صعب .. لكن حاولي مثل ما قالوا الاخوات ‘‘

‘‘ الله يوفقه ‘‘

..::..

تحيــاتي[/grade]

اختي سئلي صديقاتج
اذا يعرفون وحده متدينه وملتزمه
اذا قالوا اي
طلبي انج تشوفينها
وخطبيها

وايد ناس تزوجوا بهالطريقه
يعني مو شرط تزوجينه صديقتج
شوفي صديقاتج ماعندهم خوات
بنات خاله
بنات عمه
معارف

وان شاء الله تلاقين اللي تناسب اخوج وتسعده

بالتوفيق

الله يوفقه ببنت الحلال

عادي اختي اسألي صديقاتج اذا ايعرفون اي وحده ملتزمه و متدينه و تناسب اخوج و خليهم ايدورولج ....

و اذا كنتي اتسيرين محاضارات اسئلي عن البنات الي يحظرن و تحسين انهن يناسبن اخوج

و الله ايوفقه و يسعده انشالله

رجاوي المزن:
السلام عليكم
الله يسعدكم ويهنيكم يابنات
انا متابعة للموقع من فترة بس توي اسجل
:salam: :salam:
والله اذا خشيت الموقع احس اني بين اهلي وخواتي
فارجوكم لا تبخلون علي بالمساعدة والنصيحة

(f)
الموضوع ببساطة : كيف اجيب عروسة لأخوي
انتو عارفين الدنيا هذى الأيام مو مثل الأول
يعني البنات ما سارو ينشافون
الشغل ومطالب الحياة اخذت جل وقتنا
الحين اخوي يبي يتزوج قال دورو لي عروسة متدينه و تخاف الله
طيب كيف
انا من الشغل للبيت ولما اروح اعراس ما اعرف احد
دلوني كيف اسوى وين اروح

ولا تقولون خطابه ما اثق فيهم ابد

والله اختي انا نفس مشكلتك اخي انسان متدين وخلوق وحابب يستقر وطلب مني انا واختي ندور له على عروس محترمة ومتدينة بس مو عارفين كيف؟؟؟؟؟؟؟؟؟

شكرا خواتي
والله تفاعلكم اثلج خاطري

عجبتني فكرت البحث في المحاضرات الدينية
بس صعب اروح مدارس او جامعات رغم ان العرايس الحلوين هناك
بس والله فشله كيف ادخل في الموضوع مع العالم
بعدين اخوي الله يحفظه قايم قينا لازم زوجته تكون بنت حلال وتعرف ربنا عشان ما تحرمنا منه حنا خواته البنات

[grade="FF1493 FF1493 FF1493 FF1493"]..::..

‘‘ حبيبتي ممكن تقولين لي ايش المواصفات الي يبيها .. وانا اساعدك في البحث ‘‘

‘‘ خصوصاً انه انا اروح الجامعه .. وموجوده بجده بنفس منطقتك .. لو تبين مساعده من جهتي مو مشكله ‘‘

..::..

تحيــاتي[/grade]

دلوعة القصيم الله يعطيك العافية
رح اراسلك على الخاص
الله يبارك فيك و يجزاك خير

الله يوفقه ببنت الحلال اللي تسعده وتهنيه يا رب..
اختج
حرم عدووول