كحل وماسكرا ديور

وعليكم السلام ورحمة الله وبركاته ،

مبروك الخطبة والله يتمم لج على خير ياااا رب :) ،

بالنسبة لكحل ديور ما جربته ،

لكن ماسكرا ديور الجديدة ، أنا جربتها شريتها اليوم ،

بس مو ثابتة ، لأني لما جربتها بالمحل ورديت البيت وتوضيت للصلاة ساحت يعني م ضد الماي إذا قصدج

جذيه ،

بس ترى تبرز الرموش بشكل مو طبيعي ،،

شوفي هالصورة ، ترى البنت مو حاطة رموش تركيب ،،



بالنسبة للكحل ،

عندج أنواع كثيرة حلوة وسوادها حلووووو مثل جيفنشي وريفلون وبريستيج بس مو ثابتين ولا مقاومين للماي

ولذلك أرشح لج كحل ماك الثابت ومقاوم للماي أو كحل ماك الكريمي جداً رائع هالكحل ،،

أتمنى أكون أفدتج ، وللمرة الثانية أقول : الله يتمم لج على خير يا رب :) ،