ليلة الحنا في الامارات .. ااستفسار

اولا مبروك..

ثانيا مب جنكم تاخرتوا وايد ..يعني ما بيواحيلها ..

وخصوصا في الثياب ..

اتمنى لها التوفيق

اذا تقصدين لبسة ليلة الحنا
انا حطيت لها كذا موديل وبيجهزن ليلة الحنا عسب تلبسهم
بس خاطري اعرف
في ليلة الحنا العروس يكون الحنا في يدها
او يكون مخلص وفي ايدها عادي
عسب اعرف الترتيبات الباقيه
وشو المراسيم اللي اسويها

الغالية شو رايج تسونها ليلة حرينية
حيث تلبس بحريني وخواتها بعد
والتوزيعات تكون حلوة بحرينية ومتاي

كيف الزي البحريني اختي الغاليه
عطيني فكره
وفي انتظارج

هيه فديت قلبج ليلة الحناء يحنون العروس ويشوفون الناس حناها ويتحنون البنات معاها



وتبين ملابس حلوه ومناسبه بتلقينهن عند خياط نور القلوب اظن جيه اسمه عنده ثياب كشخه بحرينيه


وتنفع لليلة الحناء في ليلة الحناء عادتن ما ين الا ربيعات العروس ويستانسن معاها طبعا اظبطين العشاء


والحلويات والي يحبه قلبج والله يتمم لكم بخير ويرزقج ويرزق البنات كلهن عيال الحلال


وسامحيني لو قصرت

وين هالخياط يالغلا
ومشكوره على الاهتمام
وهالفكره اللي نورتيني فيها
الله يسعدج

حبوبه بقول لج عن ليلة حنتي

اللي انا بسويها

طبعا عرسي بهشر 2

قبل العرس بليلتين

طبعا بتحنى الصبح عشان الحنه تجف وتصبغ فالليل

وبحط كوشه وحده بتسوي لي الكوشه ليلة الحنه

طبعا التصميم بكون نفس ايام اول كرسي وأخترت اللون الفوشي والاخضر

نفس لون فستاني

وطبعا التوزيعات بيجون ثنتين من الحريم بيسون باجيلا + قيمات + خبيص

وبلاليط

وطبعا انا حاطه بوفيه وبسوي زينه عالطاولات بحط فنر مع مهف مال اول

عشان يعطي منظر احلى واحلى

وبحط جنب الكوشه التوزيعات طبعا التوزيعات انا مسويتها في البيت

وبحط المكياج ناعم بروحي فاليبيت

وبحط الذهب المرتعشه والطاسه والحزام الذهب يعني نفس مال اول

وعندي قطعه اللي تنحط عالراس نفس الكوشه

يعني هذي بعض الافكااار

واذا عندي افكار اكثر بقول لج بعدين

وادخلي على موضوع ليلة حنه بنات قطر بيفيدونج اكثر

وشوفي ليلة الحنه في قطر صج صج ابدااااااااع

واسمحي لي عالقصوور

انا عن راي

مدام عازمين ربعكم والقرايبين احسن تتحنى الصبح

وتلبس وتتعدل للمعازيم عشان تظهر لهم باحلى صورة

ومثل ما قالت العروس" فديته والله" تطبخون كله مال اول يعني اكلات اول

والكوشة تكون بسيطة وتعبر عن التراث

اذا حابه افكار اكثر سوي بحث في المنتدة وبيظهرولج مواضيع وايده