الله يخليكم اسمعوني وادعوا لي تعبت من حياتي

آآآآآخ ياشموخ قلبتي علينا المواجع ذكرتيني بنفسي وانا احاول انسى وألهي....بكيت حيييييييل وأنا أقرأ كلامج....
أنا مثلج في غربه وأعيش فالامارات لان زوجي اماراتي....مت واتقطع قلبي من الصياح والبكي..تعبت حيل من الوحده توي ماصارلي سنه وولاعندي عيال للحين فما عندي شي اشغل نفسي فيه...لا وبعد اذا صاروا اهل الزوج يداحرونج في كل شي ولا يعوضونج عن غياب أهلج فالله يعين يابنت الحلال...
انا من كثر ما اشتاق لامي كنت كل ماشوف حرمه بنفس طريقة لبس أمي في مكان اروحها واسلم عليها أبهدي قلبي من فراقي عن امي..ماحسيت انهم نفس ما انا متعوده عليه في بلادي عندنا جمعات وزيارات ووناسه هناك لا احس اني مقطوعه...
عالعموم انا لهيت عمري باشياء كثيره سجلت في نادي صحي واقضي فيه معظم وقتي ويلهى فكري عن كل شي بالنادي...ادخل سباحه بعد..دايما ادلع نفسي اسوي مساجات لتخفيف الضغوط..واسوي تنظيف بشره واهتم بنفسي كثير...واقرا كتب وكل مجله بالسوق اشتريها...وادعي كثير والله يصبرني وصبرج يابنت الحلال...
ورغم كل هذا احس بوحده لان ماعندي صديقه ابد تعبت...واحيانا اتوقع ان فيني مرض( الهوم سيك) وهي حاله نفسيه ولها عوارض من الغربه عن الوطن وعساها مو هي اللي فيج

الله يعينج

اللي فهمته انج بحرينيه عايشه فالدوحه

انزين يالغاليه ليش ماتشتركين في نوادي رياضيه
او دار لتحفيظ القرآن لان عندهم نشاطات واسواق خيريه وتجمعات يعني كل يوم تسوين لج شي

او تاخذين دورات

ومن خلال هالنشاطات تكونين لج علاقات وصداقات

إي والله ياشموخ مثل الأم أبد مافي..والحمدلله إنه أم زوجك تجنن الله يسخرهم لج ان شاء الله...مو انا حاطين دوبهم ممن دوبي ولين طحت مريضه محد يطل علي فيهم اعوذبالله ناس غير شكل...
وبالنسبه للوحده عاد هاذي حاله ثانيه...تدرين انا انسانه اجتماعيه بس الوحده علمتني الصمت صرت حتى مااتكلم والله..حتى يوم شفت اهلي كنت كله ساكته بغير طبيعتي اللي قبل....
والله يعينا ياشموخ على الهوم سيك ويصبرنا كان عندي أمل ان اذا الله رزقني بعيال بسهى وبنسى لكن عقب كلامج حبطتيني....الحمدلله على كل حال

شموخ حبيبتي انا ارسلت لج ايميلي عالخاص مادري وصلج ولا لا؟

دامك في منتدى عروس المفروض ماتحسين بضيقه ابد وانا نصيحتي لك مثل اخواتي اللي قبل الاكثار من قراءة القرأن وشغلي عندك شريط قران بتلاوة الشيخ اللي تحبين تسمعينه ومثل الشيخ سعود الشريم ذكر الله يطمن القلب ويريحه ويبعد عنك الشيطان ووسوسته

اكثري من الأستغفار تنفرج همومك كلها قال جل وعلا <<فقلت استغفروا ربكم انه كان غفارا.يرسل السماء عليكم مدرارا.ويمددكم بأموال وبنين ويجعل لكم جنات ويجعل لكم انهارا>>

والله الاستغفار مجرب يفرج الهموم ويوسع في الرزق

الله يفرج همك ويلم شملك بأهلك وربعك في يوم الجمعه ان شاء الله يوافق ساعة الأستجابه

وبعدين هوني على نفسك انتي تعتبرين قريب تخيلي وحدة من قرايبي عاشت غربه 7سنوات بأمريكا وتعبت نفسيتها والحين شوفيها بين اهلها وربعها

اللله يهون عليك ويفرج همك


تحياتي لك ,,,عبير الورد

حبيبتي شموخ
الله يفرج همج
امبين عليج ان ايمانج ضعيف وحساسة وايد
وين اهل ريلج؟؟حريم اخوان ريلج؟؟
حريم ربعه؟؟اي حد شدعوه كأنج في كوكب بروحج!!
زوريهم 0وسويلج صداقات واطلعي تمشي
وصارحي زوجج بانج متضايقة
دخلي معهد-ولا دورة تدريب ولا مكياج
أشتغلي؟؟
والله كسرتي خاطري

الله يعينك وربي جبيتيها على الجرح انا نفس الشي انا في مكان واهلي في مكان
لا اطلع ولا اروح مع اني ساكنة مع اهل زوجي بس مو زي اهلي كل شي لا عيب مو من عاداتنا لا تسوين لا تقولين صوتك ضحكك ومن ذا الكلام وربي احس اني راح انفجر ولي اربع سنوات عايش في ذا المنفى اشتقت لاهلي ولما اشتاق مالي غير اتصل فيهم او اطالع لصورهم وابكي زوجي مشغول بشغله سويت مشاكل رحت بيت اهلي طلبت الطلاق بس ربي ما كتب حياتهم تختلف عن حياتي بشكل كبير
انا من اللي يحبون الطلعات والروحات والجيات والضحك وما ازعل بس من جيت عندهم وانا دايم زعلانه دايم متضايقه ما اشتري شي الا لازم يمر على ام زوجي عاجلا او اجلا طفشششششششششششت تعببببببببببببببببببببت وربي من كثر ما ابكي كنت احس نفسي انتهى وقلبي راح يوقف
لين من الله علي بوظيفة وصرت اشغل وقتي فيها في الصبح واكره نهاية الدوام واني راجعة للبيت طبعا ممنوع اروح للمعلمات اللي معاي ليش ماادري بس لا
حتى لما تعب ابويا بالموت رحت عند اهلي يوم ورجعت تعبت من ذي الحياة كنت اتكلم بس الحين ساكته واللي يزيد التعب ان ماعندنا اطفال بس الحمد لله قلت لزوجي روح تزوج ورجعني بيت اهلي رافض بس انا تعبت وابغى حل مافي شي يصبر

كل ما اتذكر ضحكنا انا واهلي تتعب نفسيتي مالي غير ادخل النت وادور بين المواقع حتى ما يسالني ايش داخله او يسال عن المواقع
مع اني وربي حتى شات ما ادخل
صرت اشغل نفسي باي شي ادور في النت على حركات اسويها في البيت وتشوفيني اخبص كنت امسك كتب واختصرها فصل فصل في دفتر عشان استفيد منها وربي حلوووه جربيها احس اني انشغلت وما نسيت اهلي دايم اقول لنفسي الدنيا ماهي على كيف احد وخليني بعيدة عشان يشتاقون لي وما يزعلوني اذا جيتهم

حاولي تجددي في حياتك ياقلبي واقري كتب زي ما سويت

الله يعيني ويعينك ياقلبي

الله يصبرنا وسامحيني ياقلبي على الاطالة

فديتج كلنا أهلج وخواتج بالمنتدى وعندج ريلج وبنتج أهم شيء بحياتج شغلي عمرج وياهم

وانسي كل شيء ......

الله يصبرج ويفرج همج ....