عندي لكم أفكار وجدول حول تنظيف البيت للمتزوجات إلي شراتي!!!!!!!

بنات تعالو شوفو معاي جدولي الجديد إلي سويته في هالشهر وأتمنى تستفيدون من افكارات يا عرايس يا حلوات لأن هذي اول مشاركة لي وانشاء الله ماتكون آخر مشاركة ...... بش بشرط اشوف الردود والأقبال .......إذا ما شفت أي تجاوب ماراح اشارك مرة ثانية ............ أتفلسفت وايد الظاهر وطولت عليكم الظاهر.....

المهم.... في الفترة الأخيرة حسيت يا حلوات إني أهملت بيتي بشكل مو طبيعي بس في النهاية عاهدت نفسي إني أتغير للأحسن وانتو اتمنا تصيرون مثلي بعد.... المهم ارتحت في النهاية من هالجدول اليومي إلي سويته لعمري عشان أسرتي الصغيرة المكونة من أربع أشخاص زوجي وبناتي الثنتين : الكبيرة عنيدة وعمرها 4سنوات ونص والصغيرة عصبية شراتي وعمرها 2 ونص وانا وحدة اداوم من الساعة7 .30صباحا حتا الساعة 4 عصرا ونص ساعة طريج احسبوها يا بنات اوصل البيت الساعة خمس إلا ربع لين اريح وآخذ شور الساعة تصير خمس ونص .... والله :sad: معاناة مع جذي دوام طويل بس شو اسوي وبناتي اخليهم مع امي الله يطول بعمرها .... انا اقولكم القصة عشان تحسون بمعاناتي مع الحياة والدوام اللأرف :confused: .... هذي قصة حياتي وطلبت من زوجي يجيب خدامة رفض لأن ما يحبهم ويقول مشاكلهم كثيرة وما تنتهي..... :angry: أحس كلامه صح بس الوحدة مثلي مضطرة يكون عندها خدامة......... المهم قمت وسويت جدول عشان ارتاح من لوية فوضى البيت .....


تعالو شوفو معي جدولي إلي سويته عشان تستفيدون من أفكاري الغبية أقصد الذكية.......... هههههههههه امزح معاكم :ok: :ok: :ok:


اول شيي أرجع من الدوام اريح شوي واشوف بناتي وألعب معاهم بعد ما آخذ شور وبعدين اسبح العيال قبل أذان المغرب بعدين اصلي عقب اشل بناتي من بيت ابوي واروح بيتي وعقب أبدا من الساعة 7 الين الساعة 8.30 أقعد أنظف غرفة النوم والصالة وغرفة الأطفال وأخم الحوش وآخر شيء أنظف الحمام وأغسله وأخلي ريحتة مثل الفل(f) (f) (f) !!!!!!!!!!!

وبعدين أروح للمطبخ :sad: لأني ما احب اطبخ وايد بس غصب عني ؟؟؟؟؟؟ واسوي هذاك الأكل إلي يحبه زوجي لين الساعة 9 تقريبا وبعدين اتعشا مع عائلتي الصغيرة ونحن نتعشا نشوف التلفزيون او اي برنامج أو مسلسل نحبه وبعد ما نخلص العشا اسوي شاي سادة ومرات بالحيلب واحيان اقدم معاه اي نوع من السويت حلى الشاي واخلية قدام زوجي عشان يتسلا وما يحس بالملل بدوني لأن الرياييل بسرعة يملون ... وبعدين اروح للمطبخ واحاول أنظفة وأمسح الأرضية وانظف الطاولة من ساعة 10 لين الساعة 10.30 وبعدين ادش الحمام وآخذ شور (دش) وبعد ما اخلص اروح اصلي العشا وأقرا قرآآآآآآآآآن وعقب اتكشخ حق ابو العيال :shy: :shy: :shy: وبعدين اروح أنام.........

شوفو جدولي الأسبوعي:
1) نهاية كل أسبوع اغسل الثياب غالبا يكون يوم الجمعة إذا ما طلعت مكان وإذا طلعت اغسل يوم السبت صباحا لأني في إجازة....
2)يوم الخميس يكون التنظيف والجدول غير شوي بعد ما ارجع الدوام لين صلاة المغرب اريح لأن دوامنا ما يتغير في يوم الخميس أصلي وبعدين اسوي شاي وأجيب شوية فواكة او مكسرات أو كيك أنوع كل مرة شيء وعقب أنظف الغرف إلي ما نستخدمها دايما مثل غرف جلوس الضيوف وحمامات الضيوف لأن لازم تتنظف في الأسبوع مرة حتا ما تتفاجئين بزائر فجاة ويكون المكان وسخ بعدين الوجه يصير :angry: :angry: :sad: (n) مب حلوة.....وبعد ما اخلص أسوي عشا ومرات اجيب من برع اكوون تعبانة...وما لي خلج .....ابدا التنظيف من الساعة 7.00 لين الساعة 9.30.....
3)) أنظف المطبخ كل يوم سبت بعد ما انيم عائلتي الصغيرة وبعدما اعشيهم وبعد ما اصلي أروح أنظف المطبخ من وإلى كل شيء أنظفه من ثلاجة والفرن والكبت والمغسلة والطاولة وأرتب الفوضى إلي سويته في الأسبوع كله...
4) يوم الجمعة شوفو الجدول كيف بعد ما اصلي الفجر اواصل نومي لين الساعة تسع صباحا وبعدين اسوي فطور لنا وبعد ما نخلص اروح للمطبخ اسوي غدا وبعد ما نخلص من الغدا اروح عشان انظف المطبخ :confused: وما ادراكي ما المطبخ ريحة ولوية وصحون على زيوت وااااااااااااااااااااااي من تنظيف المطبخ شو :angry: :angry: :angry: .. لين صلاة العصر اكون خلصت وبعدين اصلي وعقب اريح شوي هذا إذا خلوني البنات :sad: :sad: :sad: .... اريح وقبل صلاة المغرب اقوم اسوي شاي لأبو العيال مع شوي مكسرات وبعدين أروح أسبح البنات وبعدين اكمل شغلي من تنظيف وترتيب للبيت وآخر شيء أنظف الحمامات بعد الغرف ... عشان ما اتعب بسرعة واترك الشغل... وبعدين اسوي عشا و وعقب ما اخلص اروح آخذ دش وبعدين اصلي وبعدين اتكشخ واجلس مع زوجي شوي نسولف ونشوف التلفزيون ....
5) يوم اكون فاضية اقعد في الحوش على كرسي وأقرا لي أي مجلة واخلي البنات يلعبون حواليني بالسيكل والأرجوحة وألعبهم شوي او اعطيهم مجلة ماجد ويقرونها مثل ما انا اسوي .... بس أنا احب مجلة المرأة وايد حلوة ومهضومة على قولة اللبنانيين ......... وهذي كل القصة .......... أ كيد طولت عليكم وايد وايد وايد ..... واعذروني إذا طولت .... لا تملون مني وإلي تبيني اسويلها جدول انا حاضرة بس بشرط تقولي إذا كانت تداوم او لا مع تحديد وقت دوامها عشان اعرف انظم وقتها ... مع فراشة الورد بيكون وقتج منظم.... المداح بنفسة يباله رفسة.......... صحححححححححححح ولا لآ :salam: :salam: