شنو أسوي مع هالزوج ؟؟؟

الله يعينك على مصيبتك ويفرج همك وينوولك اللي في بالك ....


حبيبتي مهما كان الرجال لازم فيه شي يحرك مشاعره فانا بنصحك نصيحه انشاءالله تجيب نتيجه

قبل يجي كووني منوومه العيال ومرتبه البيت ومبخرته بريحه حلووه ولازم تكوون تعجبه والافضل تبخرينه بعوود .. وكووني لابسه ومتكشخه ومتعطره بعطر يفووح منك على بعد ثلاث امتار ريحته تكوون قوويه مره وجذابه ...

المهم اذا جاء كوني طبيعيه اساليه يبي عشا او اي شي اذا يبي شي سويه له عادي ..حاولي تسوولفين معه وحسسيه انك متضايقه مو بالكلام بتعابير الوجه بطريقة ردك عليه اذا ما اعطاك وجه ابكي وياليت تنزل دموعك قدامه اذا تاكدتي انه شافه سوي نفسك ماتبينه يشووفها واطلعي من الغرفه اذا جاك في الغرفه الثاانيه كوويس هنا تقدرين تتكلمين وعها لانه قلبه تحرك من ناحيتك تكلمي معه وفهمي انك انتي نصفه الثااني وان مالكم غنا عن بعض وان خوويه هذا مايبيله الخير لو يبله الخير كان ابتعد عن طريقه ...

واذا ما سار عندك فما اقووول الا الله يعينك ويصبرك ويهديه لك ويبعد عنكم كل شر

واذا سويتي هالطريقه خبريني شو نتايجها ... انتظر ردك ..

حبيبتي كانج جالسه توصفين زوجي يالله!!!!! اخاف انتي مرت رفيجه الا معاه؟؟
زوجي رغم انه اكاديمي وناجح بعمله وكل شي فيه مع الناس واهله والكون تمام التمام الا بالبيت فيه شي غلط ؟؟ طبعا انا معذرتج واقول للبنات اللي يلقو اللوم ويقولو النقص بالمره او انهفيه مشكله الخ الخ من هالكلام (( النار ماتحرق غير رجل واطيها )) ولاني مجربه واعيش تمام مثل ظروفج شوفي انا شسويت
1- سجلت بالجامعه واصعب تخصص بعد والحين انا اول كورس قانون
2- استخرجت لي سجلات تجاريه وبديت ازاول اصعب الانشطه وهي مقاولات وتخليص معاملات والحين اجهز مشروع استقدام ايدي عامله ((صرت كاني رجال))
اما زوجي العزيز فهو سلك طريج صار له هالشي 4 سنوات سهر وقهاوي ومجمعات وقز شبر شبر وطبعا صديقه انا اسميه الاب الروحي له هههههههه يشبع فيه والحمد لله عايشه مو اخر همي رضاه ولاحبه والحياه ماشيه والله ينعم على بطاعته ورضاه وتكبر عيالي وانسى
خليتي المستخبي يبااان ياعزيزتي
الله يسعدكم ويرجع له عقله

امممممممممممممممممممممممم

حااله غريبه عجيييييييييييييبه

اول شي شووي شنوو الاكلات الى تزيد الرغبه عند الرجال ودحي منها
<<موجه يقوو مايحدر ان شااء الله

وبعدين انا اوافق الاخوات
خليه يوولي هوو مايبي الى ربي حلله
إذاً البلااااء فيه
اسفطيه على جننننننننننننب
وخليه لربعه
ولا تهملين نفسج
البسي واكشخر واهتمي والى ماايبيه من صبغ وكشخه سوويه
وان قال شي قولي موو لك لي
واطلعي وروحي وخلي لج صدااقات
الرجال اغلبهم جذيه
اذا حس انج سهل تستغنين عنه
وانه مو هوو الكوكب الى تدورين طوول اليووم في فلكه
يتعددددددددددددددددددددددل
وانا اشوف بنات واايد جذيه مسووين
ورجالهم سيده

بس جد إذا ماتعدل عيشي انتي حيااتج
لنفسج لعياالج
الهم يكبر يااوخيتي
ويمكن هذا ابتلاء من الله لج
لازم تصونين نفسج وتكسفين روحج مع هالحيااة
وتحمدين ربج

وطبعا قبل كل هذا الدعااااااء
وربج يبدل من حال إلي حاااااال

دشي نادي ريااضي
اذا مو مكمله دراستج كملي
دشي تحفيظ قرآن وروحي دروس وحلقات دينيه
تعرفين على ناس جدد وناااس فيهم الخير ان شاء الله تجذينهم في مجالس الذكر
وبنفس الوقت تشغلين وقتج وتثقفين وتوسعين مدااركج
وحسبي الله على الربع إلي من نووع رفيج ريلج
الى بس يخربون على النااس ويموتون يشوفوون احد متهني

موفقه ياااقلبي


على فكره جربي تدقين على د.فوزيه الدريع ولا تدزين لها ميل
بنات واايد يمدحونها وتفهمها وحلووها وهمن ببرنامجها واايد قلبها على النااس

:)

حبيبتي الله يعينج ياربي
بس انصحج ابدا لا تتطلبين الطلاق؟ لان مثل ماكلتي اذا صديقه يمشيه مثل مايريد هذا يفرح باذيتج وانتي كوني اذكى منه وكسبي زوجج تعبتي صح, بس الاهم انج تكسبين روحج يعني اهتمي بنفسج رتبي نفسج لنفسج يعني ان ماكان هامة انتي رتبي شعرج صبغيه كصيه وسي ريجيم او اخذي حبوب ( اكزنكال ) هذي كبسولة ماتاثر على الصحة بس تساعد بتخفيض الوزن يعني دلعي نفسج واي مساعدة تبيها اني حاضرة اختي ,سواني عصبية زوجج
طولت عليكم

هو يطلع ويستانس ويمرح وانا ما يرضى اطلع اروح ازور صديقاتى حدى اطلع مع عيالي الى البرادة او الى مطاعم الفاست فود اكل معاهم وعلى س. 8 اكون بالبيت دراسة ما يرضى اكمل وانا امس قلت باروح اصبغ شعري اغير اللوك ما رضى قال ليش لون شعرك حلو كذا وانا لأن شعري يطيح من كثر الصبغات عشانه ويبين بعينه قلت خليه يولي ولا اخرب شعري ولا شي رحت بس قصيته قصة حلوة . ما يرضى اسوى شي اكون معزومة بيت صديقاتى ما يرضى اروح هو جاف وعنيد ومشكلتى انى عودته على كذا وانا طبعي من جبت العيال ما احب اتركهم اروح مكان من غيرهم يعنى رياضة او تجويد قرآن ، وبعدين انا ما اشوفه حق من اسوى عشاء حق واحد يرجع س.1 او 2 بالليل وانا وراي دوام ويعطينى ظهره وينام حتى بنته كبرت الحين الله يحفظها تبكى تقول ابي بابا ليش ما يرجع البيت ولا امس بنتى انا من داومت مدرسة اخليها تنام بغرفتها من خوفها يصيدها الم بطن واتصلت امس بأبوها تبكى عليه الا قال بنتك خليها تنام معانا انزين قلت له كلنا بحجرة واحدة انت نام مع عيالك انا باروح انام بغرفتها رجع الليل نام بالغرفة مع عياله وانا رحت بغرفة العيال نمت ما في فائدة لا شموع ولا لصقة ولا شي جربت كل هالأشياء فيه هو صاد امى جات عندى وتشوفنى ابكى وهي الله يهداها تزيد على المواجع اكيد يخونك اكيد شبعان وووو قلت لها بالنهاية رجاءً بس روحى بيتك ما ابي اسمع شي زيادة...... لأن كذا انا اتعذب واتسبب الحين انا ناطره وساكته بس باشوف الوضع الى متى كذا انتظر شيئين مواعدنى يسويلي انا اعرف ان كله كلام بس باشوف وبعدين صديقه اللي يوزه وزوجى لللأسف يمشى عميانى وراه اعتقد من كثر حبه لهذا الصديق حتى اذا يطلبنى زوجى ما بيقول شي استغفرالله من كثر ما تشبعت من كثر ما اسمع كلام يجرحنى صار عادى عندى صرت ما اهتم بس اترس بقلبي اترس بقلبي صار ما يهمنى شي غير عيالي ومستقبلهم اللي الله اعلم كيف بيكون مع هالأبوه الضايع ..... ولا تقولون اجرب شي جربت كل هالأشياء لدرجة ان جسمى تعب من الحرمان العاطفي ........

نودو تعبنا وأحنا ننصحك،وأنت مو راضية تاخذين بنصيحتنا،، كيف يكون حنون وبنفس الوقت عنيد مايصير هالشي...، كم سنة صار لك على هالحال وأنت ساكتة ومتحملة، من كم سنو يواعدك بيسفرك ومافي شي،، قبل كم يوم أشوف موضوع سفرك وكان في ديسمبر 2005 ونفس الشي تكرر بديسمبر 2006 وأنت بعدك ماسافرتي... إذا هو صادق بيسفرك ليش متعطل لحد الحين ، ماظن قاصرته فلوس الله ماعطه والحمدلله.. ليش انت تنحرمين وهو يسافر ويصرف مع ربعه...
لا تزعلين مني ماكتبت هالشي الا لأني متأثرة من قصتك ومن اللي آشوفه صاير بحياتك...

تذكرين يوم طلعنا نعشي الياهال قبل كم أسبوع كلمتيه وماقلتي له اني معك بالسيارة، وأنك طالعة معاي، قلت لهالدرجة مانعها تطلع مع أي أحد،، مو زعلانه منك بس عارفة كيف هو مأثر عليك...

لا تهملين نفسك أكثر توك صغيرة، تزيني لنفسك مو له،، وأمك تراها مو غلطانة ماقالت هالكلام الا قلبها عليك،، ترى صدقيني مافي أحن من قلب الأم، وأنت أم وعارفة هالشعور...

اولا.. عليك بالدعاء والطلب من رب العالمين ان يفرجها عليك لأن مافي غيره سبحانه القادر على تفريج همك.. وأدعي من ربك ان يبعد زوجك عن هالصديق (هو متزوج او لا؟؟ )

ثانيا.. طلعي مع عيالك مو شرط مجمعات ومصاريف أي مكان تحسين أن عيالك بيغيرون جو فيه وتنبسطون.

ثالثا... مثل ماقلت لك أهتمي بنفسك وتزيني لروحك، ومثل مايعاملك عامليه لا تعطينه أي إعتبار خليه يحس أن حد مقصر معاه،، أكيد راح يحس بعدها ان هو مسوي هالشي (كما تدين تدان)

رابعاً.. أصري عليه على سالفة السفر ولاتخبرون أحد الا يوم سفركم وأخذي عيالك معاك إذا ماحصلتي حد،، بس إذا في حد بيمسكهم دوسي على قلبك وخليهم وروحوا غيروا جو (صدقيني بتجددون حياتكم وراح تتغير أشياء كثيرة وكأنكم بشهر العسل)...

بعد قلبي والله نودو ما تستاهلين

الله يكون بعونج

انا بتكلم عن الرياييل بشكل عام
الحمدلله ان الله انعمنا بنعمة الاسلام والدين الاسلامي صان المرأة وعطاها حقوقها وزيادة بعد
المشكلة انه بهالزمن الناس تجردت من الاخلاق وابتعدت عن دينها وصارت عاداتنا وتقاليدنا فووق كل شي وصدقوني يا بنات مجتمعنا الخليجي يرفض انه الرجل ينزل روحه للمرأة او يكلمها او يناقشها يعني العادات والتقاليد اللي عندنا قاعدة تمحي مباديئ الدين الاسلامي مثال على ذلك غلاء المهور والبنت ما تاخذ الا واحد اصيل او ولد عمها وهذي حيات اهل الجاهليه

انيي حق المرة المتزوجة بالاسلام شنو عليها ولها من واجبات وحقوق

المرة لازم تطيع زوجها وما تطلع من البيت الا بمشورته وما تتزين الا لزوجها وهالشي بالدين واحنا البنات ماقول كلنا ملتزمات بهالشي خل كل وحدة متزوجة تسأل نفسها هالسؤال راح تلقين انج قايمة بزوجج ومعطيته حقوقه لمن يناديج تروحين له واذا بغاج باي ليلة تروحين له علطول هذا احنا البنات الحمدلله ملتزمين بهالشي على الاقل حتى لو الزوج ما ياه بعينه هالشي لكن بينج وبين ربج انتي معطية زوجج حقوج

انيي حق الريال لازم يعطي المرة حقها الشرعيي واهو مؤثم على صدوده واللي يهجر زوجته شهور وسنين ولا يسأل عنها تعتبر المرة طالق لكن بذمتكم يا بنات تقدرون تسوونها؟؟
الريال لازم يسمع للمرة ويصونها ويحن عليها ويساعدها بشغل البيت ويغازلها ويلاطفها ويأدبها بس بدون عنف اذا اغلطت واذا ما سوا هالشي يا ويله من ربه

بس انا شقول اذا الريال ابتعد عن دينه او ما قرا كتب دينية قبل لا يتزوج اكيد بيتأثر بكلام الناس
او ربعه الرياييل


نودو احب اقولج انه رفيج زوجج دياية زوجته ومرته كل يوم تكفخه واهو من كثر ماهو مقهور من مرته شايف حريم الناس كلهم جذيه وتلقينه كل يوم ينام مع زوجته بس في ناس حقيرين يبون الشي حق روحهم

انا من رايي تحقرينه لانه اهو اللي بدا هالشي وخلي رفيجه ينفعه بس لا تطلقين ديري بالج لانها مشكلتج راح تنحل بإذن الله بس يبيلها وقت وانتي صبري

اقري سورة البقرة يويما
ادعي ان الله يهديه الى الصراط المستقيم

اشتري كتب عن حقوق الزوج والزوجة وخليه يقراها
خوفيه من عذاب جهنم
حسسيه انه اهو بينحذف ابجهنم على عمايله وانه بنته كل يوم اتصيح
دخلي معاه باسلوب ديني بحت يمكن يهتدي

وانا بدعيلج من كل قلبي وانتي بعد ادعيلي ترا يا قلبي ماكو بيت خالي من المشاكل وكلنا متلعوزين ويا رياييلنا بس شنو نسوي ما بيدنا شي هذا نصيبنا

والله بقولك على شي

الدعاء الدعاء

ثم حاولي تشعلين الغيره في قلبه ،،،

باي طريقة ،، وشبي بينه وبين صديقة

لاتستسلمين له

مارسي هواياتك اشغلي نفسك

اذا حضر للبيت اشغلي نفسك باي شي واجلسي مثلا على النت

كيف تحسينه اذا اهملتيه ؟؟

هل تتوقعين ان فيه احد شاغل باله

هل هو حق جلسات شباب ورجال بس

وبلوت وشاي


او حق جنس ناعم

يعني ابي افهم اش مشغله بالضبط ؟؟؟


علشان نمسك العصا من الجنب المناسب ...فهميني ؟؟؟

اختى رانيا شنو اسوى شنو اسوى هو كاسر يدى اللي هم عيالي الله يحفظهم واذا تطلقت كل امواله بتروح لغيري والكل بيستفيد الا انا وعيالي انا افكر بالمستقبل وموضوع السفر ما راح اسكت عنه انشالله ....... وصديقه من النوع اللي كل برع يعنى بالعامية طرطنغي مع العلم ان عمره بالأربعين لكن لا صلاة وديانة اسمه ان مسلم وهو لللأسف يتعلم منه الأشياء الموزينه لكن زوجى يصلي ويصوم بس ما يعرف شي بأمور الدين لللأسف ما اعتقد واعتقد ان يعرف ان مقصر معاي لكن اللي مبين رفيجه له ان الزوجه لا تعطيها ويه بعدين بتتأذي طول حياتك وانا الحمدالله زوجة اعرف ربي ودينى ومحد يهمنى بس اطلب ان الله يهديه ويفتح عينه علي وطلعاته الله اعلم يقول مع الشباب بالكوفي شوبات والقهاوى لكن اذا الجنس الناعم الله اعلم انتى خافي هالأيام من هالأشكال وبالذات اصحاب السوء واذا ما في ايمان بالقلب ، لكن للأسف زوجى زين حنون ولكن خاتم بيد رفيجه يموت على اسمه (فلان) يموت عليه حتى من القهر اقول له اشك فيكم استغفرالله العظيم ....... صدقونى انا ما قصرت معاه ابدا لكن الحين قلت لكم موضوعين ببالي هو مواعدنى ان يسوي لي اياهم انتظر اخلص من الموضوعين اذا طلع كذاب باقوم قومه عليه واترك له البيت مع العيال وباروح بيت اهلي بروحى اذا حس انى زوجه بمعنى الكلمة يرجع لي او كل واحد يروح بطريق..... وانشالله انشالله شريت انا ماء زمزم وراح انتظر اخلص الدورة الشهرية علشان ابتدى اقرأ على الماء بإذن الله ادعولي يا بنات ادعوا لي اللله يخليكم جان ان الليل ما انام من الهم والكوابس........

هو اختى الصبح يعمل بقطاع الحكومة وعنده بنفس الوقت مكتب لللأيدى العاملة يعنى شغلته كل بنات ببنات ...... الله يهديه انشالله .......

اختي الله يعينج
بس عليج بصلاة الليل واكثري منها
توسع صدرج وتقربج من الله ودعاء فيها باذن الله مجاب

بس انا احس انج سلبيه
يعني يائسه
والله لا يغير مافي قوم حتي يغيروا مافي انفسهم
واعلمي ان لا احد يملك لك ضر ولا نفعا إلا بامر الله
اما بالنسبه لصديقه
احب اقولج مثل واايد يعجبنيييييي




اصبر على جار السوووء يااايرحل
ياتجيله مصيبه تاخذه



وربي يسخرلج ويريح بالج وكل بنات المسلمين ياارب

الله يعينج ويهدي زوجج وازواجنا يارب

عزيزتي ،،،،،،،،،،،،،
1/ الصبر .
2/ ألجوء الي الله بالدعاء الخالص بإن يفرج همج.
3/ إحتسبي الأجر ممكن يكون هذا إختبار من الله .


والله يهدي من يشاء بغير حساب

عورتي قلبي يالغالية ... بس الله موجود

وانا مع كلام اسيرة ورانيا نفس الكلام اللي ابي اقوله قالوووه بس انتي راسج يابس

انتي طنشيه ولا تعطينه ويه خليه يحس بالاحاس اللي انتي عايشته .. واهتمي بنفسج وعيشي حياتج وماعليج منه ... دايما تكشخي وطلعي ولا تهملين نفسج عشان انسان مايتحمل مسؤلية ولا يحس

انتي تقولين انه حنون .. الحنون مايسوي سواته ... المفروض يعرف ان الي يسويه مايرضى الله ..

انتي تقربي لله سبحانه وتعالى وماراح يخيب املج ... قومي لصلاة الليل وادعي ربج وانتي ساجده
ودايما اقرئي الادعية والقرآن واطلبي الهداية لزوجج الله يهديه يارب

والله يسخره ويلين قلبه مثل مالين الحديد لداوود عليه السلام



ولا تطلبين منه حقج الشرعي خليها على الله ولا تشغلين بالج بهذي الامور خلج طبيعية وكانج مب مهتمه فيه اذا سالج ليش قولي له صار عندي تشبع صرت متعودة على الوضع يمكن يحس شوي ويحاول يعدل من نفسه
وانتي ابتدي معاه وراح تكسبينه ان شاء الله

موفقه يالغالية .. ننتظر ردج انج سويتي شي معاه مب ساكته وتفكرين تهدين البيت والطلاق نبي اشياء حلوة

حبيبتي قلبي عورني عليج
انا وياج الحرمه بدون ريل مشكله كبيرة

انصحج تشترين اشرطه اوكتب عن حقوق المراةوتخلينه يسمعها
وقوليله اريد اعرف المشكله الي تبعدك عني انا حرمه من حقي احس عندي زوج
مب من هب ودب قال الحرمه مثل النعال
الحرمه تربي وتتعب واخرتها هذا الي تحصله
ياشين الريايل
قلبي معك

شفت ردودكم بس اخواتى انا صرت من زومان ما اعطيه ويه وكاشته فيه وهو عادي عنده انا من زمان كنت اروح اقط روحى عليه واطلب منه وما استحى كنت بس الحين صرت استحى انى اذل روحى حق واحد ما يبينى وليش حتى بنات الشارع الرياييل يرزونهم اكثر منى انا اللي زوجته ، اقول له لو انت متزوجنى مسيار او متعة جان تشوفنى وتعطينى حقي اكثر من الحين اللي على سنة الله ورسوله استغفرالله العظيم ابداً ما يفتكر طنشته او ما اعطيه ويه لكن انا اللي متعودة عليه انى ما اطلع من غير عيالي ومن غير اذن يعنى لين اطلع لازم اخذ اذن منه انا طبعي جيذي ما احب اسوى شي من دون علمه الحمدالله لـــــــــــــــــــــــــــــــــــــكن والله واقول له لو وحدة مكانى وكل بروحها جان خانته من زمان مع 3 راييل بعد مو واحد لأن الوقت عندى كثير حتى عندى انترنت بالبيت لكن ما لي خلق ادخل او اجلس اقضي وقتى من الغم والهم انام الساعة 8 تخيلوا انوم عيالي غصب وما ابي اسمع صوت اي احد ولا حتى اطالع التلفزيون المشكلة اخاف يصيدنى شي من القهر اللي كاتمته في قلبي الحين اليوم يسألنى ان شعري حلو امس قصيته اقول له اول مرة تلاحظ شي علي ...... وهو ما يطلبنى حتى اذا ما رحت له ..... والله ما تتصورون عايشين مثل الإخوان بالبيت لا بوسة لا لمة ابداً وانا لاحظته زاد جيذي من ولدت في الثانى وانا اخواتى اسأله شنو فينى هل صرت متينة او فينى ريحة خايسة كرمكم الله او صرت ما اغريه الحين بس ما يجاوبنى وما عنده رد مرة يقول كأن مسويين لي عمل او ما عطينا عين او او او ما في رد معين يعنى اقول لو في حياته وحدة ثانية غيري جان يعطينى حقي علشان انا ما اشك فيه علشان يسكتنى وبس والله انا بروحى ما اعرف شنو السالفة ... بس انشالله انا مؤمنة بالله سبحانه وتعالى مو علشانى بس علشان عيالي ما يضيعون اذا تطلقت منه والا معتبره حياتى معاه منتهية لأنى عايشة معاه بس عشان عيالنا......................... تقولون اطنش اش كثر هالموضوع مسوى لي الم نفسي وجسمانى ما تتصورون جسمي ووجهى ذبلوا من الهم ودائما اقول له الزوج اللي يخون زوجته ويعطى حقها حق غيرها ما يشم الجنة ولا يدخلها وكل اذكره انت آثم أنت عليك اثم كبير عند الله لأنى ما فعلت شي وانت حارمنى من حقي من القهر والله قلت مرة بوجهه شنو ناطر منى اخونك الا يقول انتى بنت شوارع قلت له انا افكر بربي وبعيالي قبل ما اخونك مع رياييل زباله الله يعزكم اهوه دائما يجينى يوم الجمعة اظاهر ينتظر الجمعة على قولته يومك شنو معنى هالكلام ما اعرف اظاهر عنده 7 نسوان وانا دورى الجمعة وانا فينى الدورة هالجمعة يعنى ابي اصلاً انا اسمعه كلام بس من يقرب لي واعطيه كلام بالعظم واحسسه ان خلاص ما بيحصل شي منى لأن وبالفعل قلبي طاب من ناحيته ........
نسيت اخبركم صديقه متزوج وعنده بنت وحده وصديقه زوجته ما تقدر عليه ولأنها يتيمة صابره عليه .
اتمنى بس ان الله يفرقهم عن بعض لأن هو ساس الفراق وخراب بيتنا وهو يدرى زوجى بس يقول عقلك صغير قلت له انا لو عقلي صغير جان مو صابرة على بلاويك وطلعاتك وحرمانى منك طول هالسنين ............

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه الكلام ما منه فائدة صار لي سنين اعور راسكم معاي وما حصلت نتيجة ليحين الله كريم انشالله ويبرد على قلبي آمين يارب العالمين...........للأسف انتوا ما تعرفونه اشلون هو غامض الله يعينى عليه........

اختي دووم ادعي ان الله يهديه


و الله يعينج اختي

بصراحه قصتج عورت قلبي وايد واللــــــــــــــــــــــــــــــــــــــــــــــــــــــــــــــه

يعني صج في ناس وايد جذي ترى يعني انه زوجي طول ما انه معاه مب مفتكر مع اني اذبح عمري ولا اخلي شي ما اسويه بس مشكلتي ادري ان عينه طايره

الله يعينج عليه وطلبي له الهداية بس

اتمنى اتواصل معاج والله اني احس مشاكلنا هذا هي

مسا لاخير اولا..تاني شي...انا تعبت نفسيا وانا عم حاول فهم الجميع انو لا تخلي الرجل محور اهتماماتك...عيشي حياتك..اطلعي..اهتمي بحالك..روحي زيارات..الي فهمتو من كلامك انك انتي انسانة مكرسة حياتك لزوجك واولادك...وهيدا الشي مو متل ما انتي متخيلتيه صح..بلعكس ..الرجال لما يلاقي وحدة طول الوقت تحت امرو وموجودة باي وقت بيصيبو نوع من الملل..ما بيشتاق...ما بيحس بمشاعر حب...انما كل شي روتين روتين روتين...اكسري الحاجز..واطلبي من الله انو ما يكون عم يخونك مع شي وحدة قدرت تفهمو اكتر... زوجك واضح انو بيحبك بس مو قادر يوصلك المعلومة بشكل واضح((أنو هوي تعود عليكي أم وربة بيت)) والمفروض انتي تلقطيها على الطاير...صيري عشيقة..صيري حبيبة..لاتكوني مجرد زوجة...عفكرة اذا طلعتي من القوقعة وشغلتي وقتك واهتميتي بنفسك أكتر رح يرجعلك ملهوف ومشتاق...ورح تتغير حياتك..حبي نفسك متل ما بتحبي زوجك واولادك..ولا تنسي انك متل ما قلتي بعدك صغيرة.. انشالله كون فدتك بردي الي حاسة اني كتير متحمسة فيه..

الله يفرج همك ويصلح لك زوجك
في البداية احذرك انا مو متزوجه بس ودي اساعدك
اقترح عليك التوقف عن المناوشات الكلامية مع زوجك...بلاش تذكريه في تقصيره بحقك ...عشان ينسى موضوع انه في حرب معك ولازم ينتصر عليك
تقبلي فكرت يوم الجمعة كي تجدي بعض السلام الداخلي مع نفسك
بس تفنني فيها بقدر استطاعتك قولي " هذي ليلتي وابيها تكون احلا ليلة بالاسبوع"
اطبخي الأكلات اللي يحبها وحطي عطر وسوي كل شغلات النسوان اللي بالمنتدى ....خليه هو ينتظر يوم الجمعة مو أنتي...تذكري الشغلات اللي كانت تغريه من اول وطبقيها.
في ليلة الجمعة حوالي تستحضرين كل مشاعر الحب اللي حسيتي فيها اول ما عرفتيه وحاولي تعيشين الجو معه و تغمرينه بحبك و عطفك
ترا الانسان اللي تحبية لا بد يحبك لذا حاولي تحبيه وتعطفي عليه
بقيت ايام الاسبوع مثل ماقالو البنات حاولي تعيشين حياتك وتهتمين بنفسك

الله يعينك ويصبرك ويفرج همك