بيتزا رائعة .. مميزة..وبالخطوات المصورة..

السلام عليكم ورحمه الله وبركاتة..



عجينة البيتزا هذي رووووووووعه ومن اول مرة جربتها وانا معتمدتنها عندي..وهي في الأصل لمنال العالم..
وتقدرون تسوون فيها بعد فطاير أو خلية نحل .. اللي تحبونة ..بس انا اكثر شي اسوي فيها بيتوا واللي يبقى أسويه فيه فطاير..
وان شاء الله تنال على اعجابكم:)

((ماشاء الله ولا قوة إلا بالله))

*المقادير للعجينة:
2/1-2 ك طحين
1 م ك خميرة
1 م ص ملح
1 م ك سكر
4/1 ك زيت زيتون
1 ك ماء دافئ

*الطريقة::
اولا نخلط النواشف مع بعض(كمية الدقيق لا نضيفها كلها بل أولا فقط 2 كوب)
ثم نضيف السوائل ونخلط وفي النهاية نضيف النصف كوب دقيق المتبقي بالتدريج على حسب احتياج العجينة
(بالنسبة لي هذي المقادير مضبوطة عندي 100% لا أزيد ولا انقص شي منها لأني استعمل الأكواب المعيارية..
لكن الفترة اللي كنت استعمل فيها كوب غير كانت العجينة تحتاج مني اضافه المزيد من الطحين)..

هنا شكل العجينة قبل التخمير..


هنا بعد التخمير..


نفردها في صينية البيتزا..مع تخريم السطح بالشوكة..


نعمل في المنتصف شكل + دون الوصول للحافة..


ثم نعملها على شكل نجمة..


ندهن الطرف بالكاتشب ثم الخضروات المفضلة..


نرش جبن موزاريلا..


ثم نثني الطرف بهذا الشكل مع الضغط على الحافة الملتصقة بالعجينة حتى لا تنفتح أثناء الخبز..


ونكمل حتى يتكون الشكل التالي..


نتركها تخمر مرة اخرى تقريبا نصف ساعه(بعض الأحيان اذا اكون مستعجلة على طول ادخلها الفرن)
ثم تدخل الفرن الساخن حتى تحمر من الأسفل والأعلى..بعد دهنها بالبيض..

ومن نفس العجينة عملت الجوري..بحشوة الكيري..وهذي طريقة اللف..مرقمة في الصورة..


وبعد عملت البيتزا الصغار..


وبعد عملت فطيرة البيتزا..
اولا تفرد العجينة على شكل دائري وتوضع الحشوة على طرف واحد..


ثم تلف بهذا الشكل وممكن تزيينها من الأطراف بالشوكة مثل ما عملت..


تدهن بالبيض وتدخل الفرن حتى تحمر ونتضج..




وهذا شكل البيتزا الكبيرة..بعد ما طلعت من الفرن..


وهنية مع عيالها هههههههههههههههه


اعذروني اخواتي للأسف نسيت أصور الجوري بعد ما طلعته من الفرن:(
بس أكيد الفكرة واضحه:)
ملاحظة:: (( العجينة اللي شفتوها كنت مضاعفة المقدار فيها لأنة كميتها الأصلية شوي قليلة))

وبالعافيه ان شاء الله:)