مرحبا يا حلوات
أكيد كلكم تعرفون مركز برجمان المشهور في إمارة دبي
ويعد من أفضل المراكز التجارية فيها لأنه يجمع أشهر الماركات العالمية
بس هل في يوم تسائلتوا .. معنى كلمة برجمان
ومن وين يت هالتسميه :think: !!!
من 4 سنوات تقريباً أو أكثر بعد .. كانت كلية التقنيه للطلاب<<<مب الطالبات
مسويه مسابقه حق الشباب من طلابها والمسابقه تستدعي من كل فريق
انهم يطلعون بسياراتهم ويسيرون محطات معينة في إمارة دبي
وكل محطه يحصلون فيها لغز أو طلب لازم عليهم يحلونه علشان يعرفون عنوان المحطه اليايه
فمره .. طلع لهم لغز عبارة عن ورقه مرسوم فيها برج
"أكيد كلكم تعرفون الابراج إلي هي اطول من البنايه"
وحذال البرج كانت صورة ريال "رجل"
فكان حل اللغز ..
تفسير الكلمة الاولى .. برج
وتفسير الكلمة الثانية .. مان أي رجل باللغه الإنجليزيه
واكتشفوا بعد تركيب الكلمه إنه عنوان المحطة الجديدة كان برج +مان .. أي مركز برجمان
فأعتبر الكثيرين منهم أن هذا معنى تسمية مركز برجمان بهذا الأسم
وأنا كنت وحده منهم :gum:
إلين ما اكتشفت معنى التسمية الحقيقيه
عرفت المعلومه من أحد أقاربي وهو أكاديمي سابق في جامعة الإمارات
وهو من النوع إلي وايد يدقق في المسميات وفي التاريخ "موسوعه ماشاء الله عليه"
المهم ..
سألني مره معنى كلمة برجمان
وكانت إجابتي نفس الإجابه السابقه إلي كانت حل اللغز وكنت اضحك
لأنه أدري إنه مسمى غبي ومب منطقي ابداً
وبعد محاولات وتحليل وعصر لكل معلومات الدماغ .. ما توصلت لنتيجه :sad:
بس تعرفون شو كان الجواب :think:
برجمان .. هو اسم مشتق من مركب كلمتين
بر + الجمان
وأكيد الكل يعرف معنى الجمان وهو أحد الانواع المميزة للؤلؤ
تخيلوا ويايه .. بر الجمان.. يعني بر اللؤلؤ
اسم جداً جميل ومميز وأحس فيه الكثير من البلاغة في التشبيه
أنا من عشاق اللؤلؤ "حتى النخاع :shy: مثل ما يقولون"
فاستويت اعتز بهذا الأسم وكل ما أمر على هذا المركز اتذكر معناه
فأمانة ..
في كل مرة تزورون دبي وتمرون على برجمان
تذكروا >>بر الجمان<<
وعسى الله يجمعنا في جنة ملؤها اللؤلؤ والمرجان وحتى الجمان
اللهم آمين
وإن شاء الله اكون افدت فضولكم في معنى هذي الكلمة الصغنونه :smile:
أكيد كلكم تعرفون مركز برجمان المشهور في إمارة دبي
ويعد من أفضل المراكز التجارية فيها لأنه يجمع أشهر الماركات العالمية
بس هل في يوم تسائلتوا .. معنى كلمة برجمان
ومن وين يت هالتسميه :think: !!!
من 4 سنوات تقريباً أو أكثر بعد .. كانت كلية التقنيه للطلاب<<<مب الطالبات
مسويه مسابقه حق الشباب من طلابها والمسابقه تستدعي من كل فريق
انهم يطلعون بسياراتهم ويسيرون محطات معينة في إمارة دبي
وكل محطه يحصلون فيها لغز أو طلب لازم عليهم يحلونه علشان يعرفون عنوان المحطه اليايه
فمره .. طلع لهم لغز عبارة عن ورقه مرسوم فيها برج
"أكيد كلكم تعرفون الابراج إلي هي اطول من البنايه"
وحذال البرج كانت صورة ريال "رجل"
فكان حل اللغز ..
تفسير الكلمة الاولى .. برج
وتفسير الكلمة الثانية .. مان أي رجل باللغه الإنجليزيه
واكتشفوا بعد تركيب الكلمه إنه عنوان المحطة الجديدة كان برج +مان .. أي مركز برجمان
فأعتبر الكثيرين منهم أن هذا معنى تسمية مركز برجمان بهذا الأسم
وأنا كنت وحده منهم :gum:
إلين ما اكتشفت معنى التسمية الحقيقيه
عرفت المعلومه من أحد أقاربي وهو أكاديمي سابق في جامعة الإمارات
وهو من النوع إلي وايد يدقق في المسميات وفي التاريخ "موسوعه ماشاء الله عليه"
المهم ..
سألني مره معنى كلمة برجمان
وكانت إجابتي نفس الإجابه السابقه إلي كانت حل اللغز وكنت اضحك
لأنه أدري إنه مسمى غبي ومب منطقي ابداً
وبعد محاولات وتحليل وعصر لكل معلومات الدماغ .. ما توصلت لنتيجه :sad:
بس تعرفون شو كان الجواب :think:
برجمان .. هو اسم مشتق من مركب كلمتين
بر + الجمان
وأكيد الكل يعرف معنى الجمان وهو أحد الانواع المميزة للؤلؤ
تخيلوا ويايه .. بر الجمان.. يعني بر اللؤلؤ
اسم جداً جميل ومميز وأحس فيه الكثير من البلاغة في التشبيه
أنا من عشاق اللؤلؤ "حتى النخاع :shy: مثل ما يقولون"
فاستويت اعتز بهذا الأسم وكل ما أمر على هذا المركز اتذكر معناه
فأمانة ..
في كل مرة تزورون دبي وتمرون على برجمان
تذكروا >>بر الجمان<<
وعسى الله يجمعنا في جنة ملؤها اللؤلؤ والمرجان وحتى الجمان
اللهم آمين
وإن شاء الله اكون افدت فضولكم في معنى هذي الكلمة الصغنونه :smile:
