اوافق عليه ولا لا

’
,,

الله يوفقج اختي ويكتب لج اللي فيه الخير

وانا برأيي الريال اذا ماعليه كلام وافقي عليه

مب شرط العمر يحكم عالشخص

,,
’

حبيبتي انتي سمعي كلامي زين

انسي سالفة العمر نهائيا
تدرين ليش
لان اهم شي بالريال اخلاقه ودينه واطباعه بغض النظر عن عمره
والله في رياييل اعمارهم على 18 سنه ومتزوجين تقولين متزوجة شايب لانه طريقة التفكير تختلف من ريال الى اخر وتلقينه يدلع مرته ومجابلها وفي ريال اكبر من مرته ب10 سنين وجنه ياهل وما يدلعها ولا شيء
هالشي مو مقياس
لحد يقص عليج ويقولج اخذي كبير بيدلعج مو شررررررررررط
انا اقول صلي استخارة وان شفتي طبعه حلو وعلى خلق وافقي عليه والعمر انسيه

انا لاحظتج انج تسوين مقارنة بينج وبين خواتج وانج كارهه فكره الزواج وتبين تتزوجين على كبر

هذي كلها اضطرابات وانتي عايشة بوسواس شيطاني
فكري لمن تتزوجين واتييبين ياهل شوفي فرق العمر بينج وبين ولدج اشلون راح تتفاهمين معاه لمن يكبر؟؟

خلي تفكيرج واقعي وانسي هالخرابيط والله يوفقج وطمنينا عليج

وبهالزمن ماكو ريال ناضج حتى شيابنا خرفو الحمدلله والشكر

شوفي حبيبتي .....

لا تحطين فبالج العمر ... ركزي على الامور الثانيه ... الاخلاق ... التزام الانسان بصلاته ... سمعته بين الناس وفي شغله ... وسمعة اهله ... واحترامه للاهله ...لان في رايي اللى ما يحترم اهله مستحيل يحترم بنت الناس الغريبه عليه ....واستخيري واتوكلي على ربج ....

وبصراحه ضحكتينى في سالفه انج فرفوشه وعسل ... زين فكري فيها يعنى انتى فهالسن فرفوشه وعسل ويوم بيصير عمرج 32 بتستوين نكديه ... العمر ما ايخصه بالطبع ..... يمكن يطلع اهو افرفش واعسل عنج :)

وسمعينا عنج الاخبار الحلوه والله ايوفقج

صلي استخاره^_^

والله يوفقج

ياحليلج ههههههههههههه

بالعكس حبوبه عمره اينن ومناسب وايد لج وهذا العمر اللي الشاب يجهز نفسه فيه ويكون قادر على الزواج

تبين واحد اكبر منج بسنه توه مشتغل ماصار له شي ...

noora qatar:
السلام عليكم ورحمة الله وبركاته
بنات انا محتارة وايد تقدم لي واحد كل مواصفاته حلوة بس في مشكلة اهو اكبر من 12 سنة :confused: :cry:
اهو عمره 32 وانا توني في العشرين
بصراحة انا ما ابيه لانه اكبر مني بوايد
احس انه بيتحكم فيني واني ياهل
انا ابي واحد اكبر مني بسنتين عشان انكون انا وياه بنفس التفكير مابي واحد اكبر مني ب12 سنه
انا اقول حق امي مابي وامي تقولي احسن عمر للريال عشان يتزوج 30
انا ابي اعيش حياتي مابي اتزوج الا اذا صار عمري 28 نفس خواتي عاشوا حياتهم وريايلهم اكبر منهم بسنه
تخيلوا ان هذا الي خاطبني بيكون اكبر من زوج اختي العودة
:sad: :sad:
بنادوني مرت الشايب وانا فرفوشة وعسل ابي واحد نفس عمري:cry: :cry: :cry: :cry:

ههههههههههههههههههه اي والله مرت الشايب ، اختي بالعكس محد بالمنتدى راح يقدر ينصحج اولا واخيرا راييج انتي وراح اعطيج ممبزات ومساوئ الشاب والشايب وانتي فكري واختاري:

صحيح انه اكبر منج 12 سنة، لكن يجيج ارك وتتفكيره اكبر، والانسان في اوج شبابه 30 سنه وهذي هي أعمار اهل الجنة، والمرة تكبر اسرع من الرجال والرجال كل مايكبر يحلو وهالشي معروف، وتاخذيلج واحد شبعان من الصياعة ومراهقة الشبا:shy: ب، يعني لاتظنيني انه بكرة راح ينط لج كل يوم دراجات وسيارت، الا انه بعضهم فيهم مساؤي مثل ماقلتي جايز يعتبرج صغيرة، ويعاملج بهالطريقة والا بالعكس اغلب اللي اشوفهم تزوجوا اكبر منهم 12 سنة يموتون بزوجاتهم لانهم فرفوشات مثلج ودلوعات، وبكرة ان صرتي 28 هو يصير 24 يجيج عاقل بزيادة وانتي بتظلين احلى منه واصغر, والرجال العود ماراح يتعبج ، بتعمتدين فيه حتى بآرائج الشخصية، وراح اتحسين بالهشي انه ان سألتيه سؤال راح يجاوبج ببحكمة... واهم شي شي يا اختي سألي عن طباعة ان كانت حادة او لا ، او شلون معاملته مع خواته وهله ،وان طلع اوكي وكريم ويدلع فكري واستخيري وشوفي شنهو الاصلح لج..


اما الصبي الشاب : انا راح اقولج وقائع حقيقة صارت بحكم البحوث الاجتماعية، اغلب اللي يتزوجون 18 و 19 و20 من الشباب والشاببات لازم ينفصلون قبل مايتجاوزون 33 سنة، او اتحسين انه قبل هالفترة يصير فتور ، وان خذيتي لج ياهل مشكلة ماراح يعرف الفرق بين طالعة الزوجة او اسمعي كلامي بطريقة تحكم، وغااالبا يجيج طايش، طبعا لكل القواعد شواذها، ويظنون الشباب انه الزواج شي حلو لكن ينصدمون بالمسؤولية وكل واحد تقريبا بهالسن قال ياليتني ماتزوجت . وغيره كثر ماقدر احصره ...
واهم شي اتكونين مقتنعة باللي تاخذينه، ورايح اولا واخير بيكون عائد لج، مادري هو انتي عندج اخو بالثلاثين وواحد 20 ، حطيهم وقارنيهم وشوفي الفرق بينهم او صديقاتج المتزوجات سأليهم... وان شا الله الله يكتب اللي فيه الخير

lonelyqueen:

استخيـــــــــــــــــــــــري ..

ولو ارتحتي اتوكلي على الله ..

كل انسان قيمته في ذاته مو في عمره ..

وياما شباب في العشرين ما فيهم روح .. بس طيش وانعدام مسئولية !!

المهم حب الحياة وفي نفس الوقت .. الاحساس بالمسئولية ..

ربنا يوفقك :shy:

يعطيكم العافية يا بنات ما قصرتوا
انشاء الله بوافيكم بالاخبار
شكلي بديت اقتنع

وان شاء الله تكون الاخبار ساره.........حبيبتي

حلوة مرت الشايب
احسن من يجيك احد اصغر منك ويقولون مرت الياهل

بالبداية استخيري
وبعدين اسألي عنه زين
دينه
اخلاقه
شخصيته

وبعدها قرري

اختي

تري مو دليل عمره

بعضهم بالعشرين وكنهم شيبان

وبعضهم بالثلاثين وكنهم بالطعشات

انا من رايي اذا مواصفاته الباقيه حلوه توافقين

ترا شباب هالوقت بالطعشات طايشين ومايقدرون الزواج

واسمعي كلام الوالده

اختي بالعكس الريال الكبير يدلع حرمته اذا كانت صغيرة في السن ويخاف عليها فانصحج انج ما تستعجلين وصلي استخارة قبل كل شي والله يوفقج وياه