حلم بسحر يسبب الخمول والكسل !

حلم يسحر يسبب الخمول والكسل !

الحلم
السلام عليكم و رحمه الله و بركاته ...
اشكركم على هذا القسم الرائع اللي اكيد كلنا بنستفيد منه ..
انا حلمت حلم من شهر تقريبا بس مب قادره انساه لاني احس ان في معنى خفي ورا هذا الحلم ..

انا بنت غير متزوجه و طالبة في الجامعه و الحمد لله والدي على قيد الحياه

من شهر حلمت اني كنت راقده في مجلس بيتنا و فجأه دخلت وحده من قرايبنا وكانت معاها بنت مشلوله او مجنونه وكانت تحاول انها تعقها ( ترميها ) علي وبعدين انا خفت وايد وركضت لغرفتي وسكرت الباب و بعدين الوالده يت عندي في الغرفه وكانت تبكي .. و بعدين طلعت من الغرفه و قلت لازم اطلع هالحرمه من بيتنا و انا نازله تحت شفت الوالد و اخوي يرطضون علشان يطلعونها .. انا سبقتهم و رحت للمجلس و فتحت الباب و قلت لها ( يا الساحره ) و بعدين اختفت .. و في نفس الوقت شفت بنت خالي و يدتها يالسين في المجلس و بعدين بنت خالي سألتي عن اخباري ..
و هذا هو الحلم ..
مع السلامه

تفسير الحلم

وعليكم السلام ورحمة الله وبركاته
هذا الحلم يدل على إمرأة كانت تخطط لكم في سحر قد يسبب لكم النسيان والخمول ولكن لم تمنح الفرصه في ذلك ولله الحمد وعليكم الحذر من أي امرأة تدخل عليكم ولا تثقون فيها

فقط هذا ماتبين لي والله تعالى أعلم

ردة فعل صاحبة الحلم
جزاك الله الف خير يا بوعبدالله
.. وان شاء اله بناخذ الحذر من هذه المرأة