السلام عليكم ورحمة الله وبركاته
شحالكن يالغاليات؟؟
وصلتني صوغة الحج من صوب وحدة من الأهل
عسى الله يتقبل من الجميع صالح الأعمال ويغفر الذنوب .. آاامين يا رب
وطبعاً كانت الصوغة كبيرة ما شاء الله
ومن بين الأشياء
عطر من ICEBERG اسمه Twice
ريحته هاااادية وحلوة
قلت أصوره لكن :shy:
وهنيه صورة أوضح من موقع في النت
++::++::++::++::++::++::++::++::++
ختيه +++ النايفه +++
الله يبارك فيج يالغالية :shy:
++::++::++::++::++::++::++::++::++
ختيه +++ lora18 +++
الله يعافيج يعلنيه افداج
واااايد يعيبنيه ذوقج
وأثق بشهادتج
إن شاء الله متى ما خطفت صوب أجمل
بجرب اللوشن بعد .. وإن شاء الله باخذه وبصوره للخوات
++::++::++::++::++::++::++::++::++
ختيه +++ عذب القوافي +++
الله يعافيج يالغالية
وما تغلى عليج البودرة
آمري باللي بغيتيه .. نحن خوات ما بيننا فرق فديتج
++::++::++::++::++::++::++::++::++
ختيه +++ روح البحرين +++
اشعنه توصين ربيعتج؟؟
أنا هنيه ختج يالغالية
آمري باللي بغيتيه .. وفاااالج طيب
++::++::++::++::++::++::++::++::++
ختيه +++ عنود الغيد +++
شسوي؟؟ من كثر المدح .. قلت أسير وألحق على الموجود
والحمدلله أنها كانت متوفرة
++::++::++::++::++::++::++::++::++
ختيه +++ كـــلام العيون +++
الله يهنيج باللي خذتيه يالغالية
وما شاء الله درجات ماك واااايد حلوة
أنا عندي Aquadisiac + Electric eel
حالياً حطيت في بالي هالتدرجات .. Nocturnelle + Swimming + Wait Till Night
والفرشاة رقم 217
وتدرجات فاتحة من الأرواج
لازم ماك يعطونج هدايا .. على هالدعاية منج لهم :smile:
++::++::++::++::++::++::++::++::++
ختيه +++ الغلــــــا +++
مرحبا ملااايييين بأم حمدان
نورتي الموضوع فديتج
بخصوص البودرة
هي فعلاً علبتها صغيرة
لكن ريحتها غاوية
أنا عيبتني الصراحة
ريحة دهن عود
لكن طبعاً البودرة ريحتها أهدى من دهن العود السائل
---------------------------------------
درجات الأرواج من ماك روووعة
أحب الألوان الفاتحة والطبيعية
شكليه بمر صوبهم قريب إذا رب العالمين كتب لنا عمر
++::++::++::++::++::++::++::++::++
ختيه +++ روح_ الورد +++
مشترياتج رووووعة ما شاء الله
كل اللي خذتيه من ماك روووعة
خصوصاً الإضاءات
والروج لونه رهيييييب
أما عود عبدالصمد القرشي .. فما عليه رمسة
يجنننن .. وريحته واااايد خنينة
تخلصينهم بالعافية يا رب
