لحقوني بنات 4 شهور وانا ينزل علي دم تبهدلت

ق

قوارير

مشرفة سابقة

06-01-2007 | 02:31 AM

السلام عليكم ورحمة الله وبركاته

بهد غياب بسيط عن هالقسم رجعتلكم

بنات انا خلالالاص مو قادره اتحمل

انا ولدت بتاريخ 16 سبتمبر

و طهرت على نهايه الاربعين بالضبط

بعدها بإسبوع نزلت علي الدوره

و صارت كل اسبوع تنزل علي يومين

مليت بصراحه وصارت لي التهابات و فطريات من الاستعمال المستمر للفوط

المهم

تاريخ 12 على كلام الدكتوره نزلت على الدوره كالعاده بس على اساس انها هالمره هي الدوره الصحيحه

وبديت معاها حبوب منع الحمل ياسمين

ومنها
والدم ما وقف يوميا
كأني نفااااااااااس
يعني مو نقط

غير اني بالاساس مسويه عمليه بدايه شهر 12
ومسوييلنلي غرز من تحت
خارجيه وداخليه
و الغرز للحين ما طاحت و متبهدله معاها

و الالتهاب و الفطريات الي فيني زادت

غير بهدله زوجي معاي طبعا من خلصت الاربعين و انا ينزل علي هالدم المستمر

مأسااااااه بصراحه

الدكتوره تقول عادي
بس انا مو قادره اتحمل
وما اقدر استعمل طريقه منع حمل غير الحبوب
اللولب ما يصير لاني مسويه عمليتين قيصريات

و العازل مو مضمون بالنسبه لي
و العد ما ينفع لانه دورتي مو منتظمه

:sad:

ساعدوني بناااااااااااااااااات بلييييييييييييييز

ق

قوارير

مشرفة سابقة

06-01-2007 | 12:57 PM

وينكم بناااات؟؟

ع

عيون بوظبي

مشرفة سابقة

06-01-2007 | 02:12 PM

بصراحه مادري شو اقولج

الله يعينج.. فعلاً صعبه ..

امي يستوي لها جي بس من غير سبب .. يعني ما تكون مربيه او شي ..

وتروح لدكتورة عشان تعطيها حبوب توقف الدم ..

انتي راجعي اكثر عن مكان قولي لهم انج تبين حل للموضوع .. وشو سبب نزوله المتكرر ..

بس انتي ترضعين او لا ؟؟ اذا ترضعين كيف ينزل دم ؟؟ بالذات لو رضاعة منتظمة..

الله يعينج بس انا اقولج روحي لأكثر من مكان واعرفي شو السالفه

م

مرموم

نائبة المشرفة العامة

07-01-2007 | 11:18 AM

السلام عليكم ورحمة الله وبركاته

هلا بيكي أم محمد

بصراحة مفروض ما تسكتي على نفسك أبدا

يعني أصلا إنتي طالعة من الولادة كل أنواع الفيتامينات و الحديد اللي كانوا في دمك راحوا...أضيفي لذلك الرضاعة

لكن دم ثاني بعدها كثير أختي...

حتى علشان يظل لمريومة عناصر مفيدة ترضع منها...

لازم تشوفي دكتورة أخصائية تكشف عليكي تشوف ماله الرحم قاعد ينزف...و من وين هذا الدم...

و إن شاء الله خير يا رب...

ق

قوارير

مشرفة سابقة

07-01-2007 | 03:29 PM

مشكورين على المرور

ان شاء الله بس اخلص علبه منع الحمل الي تستعملها حالياباقي فيها اقل من اسبوع

وبروح اراجع عند دكتوره ثانيه لاني تبهدلت بصراحه

:(

ف

فوانيس

مشرفة سابقة

07-01-2007 | 06:42 PM

هلا الغاليه قوارير
حبيبتي اعتقد يناسبج تاخذين حبوب منع الحمل الحمل و اللي اناسب الرضاعه
لانه بتنتظم عندج الدوره بدل بهدلة كل اسبوع ينزل دم بالاضافه انها مانع للحمل
بس بعد تأكدي انه الدم اللي نازل من وين بالضبط؟
يمكن يكون من داخل الرحم او خارج الرحم او بسبب التهابات مهبليه
و ما تشوفين شر يا رب

ر

ريم81

عروس ماسية

07-01-2007 | 07:29 PM

الله يكون في عون كل النساء من اللي يشوفوه
و الله مساكين

الله يشفيكي و يعافيكي أختي

ق

قوارير

مشرفة سابقة

07-01-2007 | 10:03 PM

هي الدكتوره لما شافتني قالت لي عادي
ومافي التهابات

والدم من الرحم نفسه

وقالت لي مع حبوب منع الحمل بيتم ينزل علي دم لمده شهرين ليما يتعود جسمي على الهرمونات
وبعدها بتتنتظم الدوره
وهذا اول شهر لي مع البحبوب
بس بصراحه ملييييييت

مشكورات حبيباتي على المرور

بغيت اسألكم
تعرفون شي يطيح الغرز بسرعه؟؟
غرزي صار لها شهر وبعدها ما طاحت
مع انه الدكتوره قالت لي انها بتذوب بنفسهامثل غرز الولاده

e

endless hope

عروس رائعة

08-01-2007 | 11:47 AM

قوارير الله يعينج،، اتغسلي بماي دافي علشان يذوبن الخيوط بسرعه

ق

قوارير

مشرفة سابقة

09-01-2007 | 06:54 PM

انا ما اتغسل
الا اتنقع فيه

بس ما احس فيه تقدم

مب طايعين يذوبون
:(

مشكوره حبيبتي على المرور