ما اقدر استحمل اكثر من جذيه؟؟؟؟؟؟؟؟

فديييتج والله ...


قلبي عورني صدق ......


والله ماعرف شاقوول غير الله يصبرج و يكتب لج الي فيه الخيييير ... و يبعد عنج كل مكرووه و يهدي ريلج انشالله و يريح بالج

حنونة معكم:
عزيزتي والله حاسة فيكي حقولك شي يمكن البنات ما يوافقوني عليه لانه الاغلبية في النتدى ضد فكرة الطلاق صراحة انا منهم لكن اومن انه حالات ما حلها الاخير الا الطلاق
من تجربة شخصية امي طلقت من كان عندي سنة الحين على طلاقها 26 سنة تصوري الشيء الوحيد الي احزني على امي انها ما تزوجت لا انكر اني لما كنت صغيرة كنت ابكي اخاف امي تبعد عني لكن لما كبرت شوي فهمت الحياة صرت اقول ياريت امي تزوجت
المهم ابوي تزوج والحين له 3 اولاد
تعرفين ايش تقول مرت ابوي اني امي كانت واعية وفاهمة ببنت وحدة طلقت وراحت هي اضطرت تظل مع الوالد
عزيزتي ليش العداب هدا كله تعرفين ليش يقولك هي تحبه لانه ما يشوفها الا في السبوع مرة حتى لو اكثر هي ما تقوم بكل طلباته تدلعه اه لانه مالها شغل غير هدا تتشيك وتلبس وتكون له مثل العروسة اسفة على الكلمة لانها تبغا تحتفظ بيه بس لا عندها اولاد ولا شغل بيت ولا شي
عزيزتي حعطيكي خطة اتمنى انه البنات يشاركونا فيهعا باقتراحاتهم
اعتبري حالك في حالة حرب لكن حرب باردة
اول قاعدة ثقي بنفسك عدالة قضيتك انه الله معاك انت الله في سبحانه وتعالى في صفك انت لانك انت الزوجة انت الطهارة انت الام انت الادكى هو وهي عقلين وانت واحنا عقول شوفي كم وحدة معاكي في المنتدى يعني بيغلبونا مستحيييييييييييييييييييييييل
1 اهتمي بحالك لابعد حد ديما انيقة باليت معنوياتك ارفعيها بالغصب لانه الانتصار في هده المرحلة هو ليكي كانسانة بغض النظر عنه هو خليه يشوفك غير مميزة في لبسك في اناقتك في كل شي بس لا تهتمي فيه ادا اهتم كوني مثله على قد عطاءه اعطي لا تكوني كريمة
2 ادا ما بيمنعك من الطلعات بيكون مرة حلو تسجلي دورة في اي شي كمبيوتر خياطة برمجة عصبية انخرطي في عمل اجتماعي
بهدا الخصوص انصحك تاخدين اي كتاب يتكلم عن البرمجة اللغوية العصبية بيفيدك مرة بتقوين عزيمتك خلي الكتاب معاك بالبيت حطيه في مكان يشوفه مثلا جنبك على كمودينوا قبل ما تنامي
3 اهتمي باولادك زين حطي لهم برنامج العبي وياهم هما دنيتك الله يطرح ليكي فيهم الخير والبركة انت في معركة انتصار المبادئ انت في معركة الحفاظ على بيتك واولادك
4 خليه يلمس التغيير في شخصيتك امراة انيقة عزيمتها قوية حيوية ديما اولادها كل حياتها صحيح مهتمة بحالها حتى زوجها الي ما يشوف يشوف اكيد راح يحس بالتغيير لما تحققين المستوى هدا
5 تقربي منه ثقي انك الاجمل الاقوى الافضل الادكى معاكي الي يسندك ويقويكي معاك اهم شي الله في صفك انت لانه قضيتك عادلة
6بعد ما يحس تميزك قربي منه اكثر كوني صلبة لا تتكسر سائلة لا تتدفق يعني انا ليك حبيبي ادا تلعب اشطب عليك ولا اهتم فيك ولا احس بفقدك لانه دنيتي اولادي وشخصيتي الي بطور فيها ومعارفي الجديدة الي صرت اكتسبها
7حقيقة الا تنسيها العشرة ليها دور كبير زوجك لو ما كان يهتم كان طلقك بس العشرة رابط قوي اسثثمري النقطة هده لصالحك خاصة بوجود الاولاد
8 خلي اهلك يعموكي على غداء او عشاء خليكي معه قدامهم قمة الحنان والحب عامليه مرة حلو الين هو يستغرب لو سالك قولي له لاني احبك ابغا عيلتي ديما يحتفظوا ليكي بالصورة الي انا رسمتها ليك عندهم
في افكار كثيرة لي عودة
تحياتي

أنا معاها كلمه كلمه .. الله يعطيها العافيه كفت ووفت ..
بس ياختي .. اللي استغربه تفكيرك بالخيانه ..
حبيبتي .. الخيانه مارح تفيدك بشي .. وفوق كذا شوفي اضرارها اللي ممكن تترتب عليها ..
أول شي ربك تعصينه عشان مين وليش ؟؟ الله سبحانه وتعالى يختبرك .. انتي ودينك .. انتي وصبرك .. انتي وايمانك .. انتي وتربيتك .. شوفي اش ترجحين ..
ثاني شي .. سمعتك .. انتي اكتشفتي خيانته .. يعني خلي في بالك انه ممكن يكتشف خيانتك صح ؟ طيب وسمعتك عند اهلك .. ونظرة أولادك لك ؟؟
ثالث شي .. نظرتك لنفسك .. احترامك لنفسك .. كلها بتفقدينها .. وبتعيشين بدون معنى لذاتك ...

الله يقويك على هوى نفسك .. وتتغلبين على مشكلتك ..

الله يصلح امر زوجك ومرج يارب

والف شكر لللاخت مرام على نقلها لهذا المضوع

شكرا اخواتي بس انا قررت طلب الطلاق ......
وانتظر عوده زوجي من السفر ......... بلاد الفساد ؟؟؟؟؟؟؟؟؟؟
الله يكون في العون

طيب انتي مش خسرانه لو كلمتي الدكتوره ناعمه...

لاتفكرين بشي الحين فكري بس كيف تخلين رلج لعيالج اقل شي ...

وما تتهنا في الخايسه بروحها... عالاقل عيالج اولى ...

لحد ما مايرجع من السفر انتي اتصلي فيها واستشريها...

حتى لو انتي اتقولين انا استخرت ومرتاحه...

راحت عيالج بينج وبين ابوهم....

انا ما اقول اهملي عمرج وفكري بالعيال لاء...

بس عطيه اخر فرصه... عشان البيت ماينهدم

بسسب وحده ماتستاهل...

وبشرينا عنج

الله يهديه حبيبتي ان شاء الله عورتيلي قلبي والله حتى ما اعرف شووه اكتبلج

بصراحة الله يعينج على هالريل ،،،،،،،، بس ما أقول إلا الله يصبرج عليه ،،


ويطول بالج عليه ياااااااااااااارب...........

ما شاء الله عليج انتي مب صغيره عشان ننصحج...
انتي سوي الي فيه راحت بالج و راحت عيالج...

و ان شاء الله ما يستوي الا الخير... و هاي الحرمه الي تطلع و ياه ترا لا تتوقعين ان علاقتهم بتتطور
بس فتره و يمكن يودرهاااا
السموووحـــه على الازعاج

حبيبتي قبل ماتطلبين الطلاق لازم تفكرين ألف مرة..
عيالج شو بيصير فيهم.. انتي الحين وياه و تقولين مب مهتم بعياله.. تعتقدين بيسأل عنهم عقب الطلاق بعد ما يصفاله الجو و ياها.. و لا تقولين وجوده من عدمه ما يفرق عندهم لأن الياهل ماراح يفهم الغلط من منو و عادي بعد مايكبرون يلومونج على قرارج و انج حرمتيهم من أبوهم..
و لازم تفكرين كيف بيكون وضعج بعد الطلاق.. وايد صعبة الوحدة ترد بيت أهلها و هي مطلقة خصوصا بمجتمعنا.. و اني أكثر وحدة تعرفين اهلج و مككن تتخيلين كيف بتكون حياتج..
فكري عدل و لا تنسين تستخيرين ربج قبل ماتسوين أي شي ممكن تندمين عليه و لا تعطين ريلج فرصة بأنج انتي اللي تطلبين الطلاق عشان ماتتنازلين عن أي حق من حقوقج..

هذا هم الرياييل ........ يحرمون الحرمه من حياتها ومن لذة الدنيا واخر شي يا يخونون يا يعرسوووووووووووووووووووووووووون ... حب التملك والانانيه فيهم ...انا اقوووووووولج لا تسكتين اذا سكتي بيتمادى .. انا اعرف الرياييل اللي يسكت عنهم يتمادوووووون عن تجربه ... سيري اشتكي عليه عند اقرب محكمه وشوفي اذا ما تأدب ..

مرحبا اخواتي اشكركن لوقفتكم معي
الـدان انا حاسه انه مستحيل يتركها وهو ما يقصر كل اسبوع يروح لها وعياله ما يدري عنهم شي؟؟
غلى زوجي مشكوره
الملاب شفتي احس انه مستحيل يودر هالخياس اللي يسويه ..
منال الكويت ما ادري شو اللي صبرني كل هالسنين وهو هو ما في فايده وانا تحملته وااااااااايد واللحين انا مش مثل لول احس اني ما روم اتحمل اي شي بطفر علشان جذيه كنت افكر تفكير جنوني ؟؟؟؟
fashion girl هيه اختي انا هب صغيره وادري مصلحتي زين هو الطلاق احسن حل وشو اسوي ماعليه اليهال بيهم يوم وبيكبرون وبيفهمون ...
3lia-3 عزيزتي والله ما اقدر اتم مع هالريل استويت ما اثق فيه موليه وما اقدر اتحمل اي شي منه والله احس اني كرهته الله يسامحه ....
الوهـــــم شفتي والله احسد البنات اللي ما عرسن والله انهن في نعيم وما يدرن عنه شو تبا الوحده تزوج وييها زوج يا ييبلها الهربس ولا الايدز يا 24 ساعه عند ربعه يا عنده شقه هو وربعه حق المصاخه ...........الخ
وناااااااااادر الزين منهم نااااااااااااااااادر واللي تحصله تتمسك فيه بايديها واسنانها يا بنات هههههههه
انا ما اباه خلاص قلت له يدور لي على بيت ويطلقني وحسيت انه فرحان ما ادري ليش قال لي اوكي عادي عنده ....
انصدمت والله بس الله يكون في عوني
الله يمهل ولا يهمل

اختي بما انه فرحان للطلاق ولا هامنه وجنه يبا هالشي من زمان ولا هامنه العيال ... السالفه يا اختي فيها سواااا عمل (سحر) .. ما اقول غير حسبي الله ونعم الوكيل على بنات الحرام اللي ما يخافن الله ويخربن البيوت .. الله يصبرج ويعوضج خير وياخذ لج حقج... اذا هالاشكال وياهم السحره انتي معاج رب العالمين

الخيانه يعتبرونها الاخصائيين النفسيين مرض وخاصه الللي متعود ومن زمان يمارس هالشي وانا اللي فهمته ان زوجها كان مع اكثر من وحده يعني مو شرط يكون سحر ..
اختي لولاتي ادعي لك من كل قلبي ان الله يفرج همك وضيقك عن قريب يارب ويسعد قلبك وايريحك وايخلي لك اعيالك

تحياتي

الخيانه يعتبرونها الاخصائيين النفسيين مرض وخاصه الللي متعود ومن زمان يمارس هالشي وانا اللي فهمته ان زوجها كان مع اكثر من وحده يعني مو شرط يكون سحر ..
اختي لولاتي ادعي لك من كل قلبي ان الله يفرج همك وضيقك عن قريب يارب ويسعد قلبك وايريحك وايخلي لك اعيالك

تحياتي(f)

اختي لولاتي والله وحشتينا لما انقطعت اخبارك لفتره خلاص دام انك قررتي انك تتركي هالزوج ابدي حياه جديده في هالزمن صارت الخيانه وايد سهله ومتيسره ووايد اشياء تشجع عليها للاسف ومحد مرتاح فهالدنيا المتزوجه ولا غير المتزوجه كلهم يعانون من المشاكل والاحزان والله لكن لازك نواجه الحياه في قلب قوي وفالتوفيق.

هلا خواتي
صدق الخيانه مرض ما ينسكت عنه ...وهو حاول يفهمني ان كل حد يخون زوجته عادي بس لا مب عادي شو يتحراني
كم بسكت عنه هذاك لول ولول تحول خلاص ...
الحبيب يعطيني امثال شوفي فلان كم يخوون وعنده شقه ووووو الخ وحرمنه ساكته عنه ؟؟؟؟؟؟؟؟؟؟ شوفي صديقي فلان كل يوم فالانتر مع بنت شكل وحرمته تدري ؟؟؟؟؟؟؟؟ شو هالمصاخه
اعوذ بالله يا هالزمن الخايس ......والله اتمنى الموت موته طبيعيه وافتك من هالزمن الخايس

عزيزاتي
مصدر الحب
pure haert
alshegra
مشكورات وبطمنكن عني اول باول
الله يكون فالعون ويعطيني القوه يارب

اختي بصراحه انتي اليش الاجر على تصبره وتضحيه بنفسك

وانا بصراحه صحيح مو مزوجه بس مستحيل اعيش مع انسان من هل نوعيه يكفي احساسك انه ممكن ينقل اليش عدوى او شيء من هذا قبيل ساعتها بضحي بحياتك ايضا

انتي سوي شيء الي انتي مرتاحه اليه حتى لو كان طلاق اهم شيء تكوني انتي مرتاحه وتعرفي ان هذا الحل الانسب ليش ولاولادش والله يوفقش ان شاءالله ويبعد عنك كل شر

والله انا مستغربه من هالزمن الرياييل صار عندهم الزنا والحرام شي عادي وروتيني
وين الخوف من الله ؟ لاحول ولا قوة الا بالله العلي العظيم
صار الزنا عندهم موضه ولا بعد يتفاخرون بين بعضهم بهالشي كانه نحن عايشين بامريكا مب جنه نحن بلاد مسلمه ..... الدين صار عندهم بس بالاسم لكن الافعال كلها حرام في حرام
اعوذ بالله من غضبه .... اصلا الزاني المتزوج حده الرمي حتى الموت .. لكن قلوبهم ميته مافيها ايمان ...
ولا بعد يتحججون بربعهم فلان سوى وهذاك سوى ليش انا ما اسوي ؟ عادي مافيها شي الكل يسوون .... من زين سواتهم عافانا الله
لكن لما الله يعاقبهم ويبليهم بالامراض يتمنون الموت
والله انه من سنه تقريبا في مجلة زهرة الخليج في ركن المشكلات الي كانت الدكتوره سلطانه وقتها الي تشرف عليه وتكتب الردود ... واحد مواطن كاتب مشكلته انه متزوج وعنده عيال وكان متعرف على صينيه وكان يزني معاها وهذي الصينيه بعد عرفته على ربيعاتها وكانن كلهن يايات البلاد بتاشيرة سياحه وشاردات ويالسات في البلاد من سنه 1999 .. ومره من المرات يوم كان مع وحده منهن قالت له انها خايفه يكون فيها الايدز لانها تمارس الجنس مع مختلف الجنسيات .. الريال بعدها خاف وشك وسار مستشفى خاص عند دكتور ربيعه وطلب منه يسوي الفحص بسريه تامه .. والمفاجاه انه طلع فيه فيروس الايدز .. والريال نقل لحرمته وطبعا حرمته ما تدري والحرمه نقلت لولدها الي كانت ترضعه..
وانهار الريال وماعرف شو يسوي فكر يبلغ عليهن هالصينيات الشرطه عشان ما ينقلن الامراض للناس لكنه خايف انه لو مسكوهن الشرطه الصينيات يعطون الشرطه رقمه لانه مثل ما يقول يشتغل في مكان حساس ومايريد الفضيحه ... ومايعرف شو يسوي ولا كيف يتصرف وكاتب انه عايش في نار ولايقدر ينام ولا يعيش حياته ومتندم ويفكر في الانتحار ... وطالب المشوره من الدكتوره كيف يتصرف وشو يسوي ..

هذي اخرة الزنا هالطريق مهما طاااال سنين وسنين اخره الندم والحسرة

اختي هذا ابتلاء من رب العالمين ويعوضج على صبرج لكن مثل ما قالت وحده من الاخوات الخوف انه ينقل لج عدوى او مرض وخاصة هالامراض ما تكون لها اعراض ومرات تاخذ عشر سنين لين ما تبين الاعراض ...

اختي اهم شي صحتج وعيالج وكرامتج.. الله يعوض عليج ويريح بالج ويعوضج انشاء الله في عيالج

وطمنينا يا اختي عليج .. قلوبنا ودعائنا وياج