بنجن من القهر وافكر بالانتحار الليله

حبيبتي استغفري

والله عورتي قلبي اعرف هالشي يحز فالنفس

لكن والله مافي سعاده احلى من القرب من الله

لا تفكرين بالزواج عليج بالصلاه والدعاء

والله بيسر لج امرج وبيرزقج انسان يستاهلج

الله يوفقج حبيبتي

اختي حزينه للأبد لا تسوين في نفسك كذا

الله ما يرضى

وبعدين هذه كتبة ربش

ان الله اذا احب عبد ابتلاه

عزيزتي سورة البقره لا تنسيها اقريها كل ليله في جنح اليل مع ركعتين بنية تسهيل الزواج

ولا تنسي في دعواتك المؤمنين والمؤمنات


اتمنى انك نبشرينا بخطوبتك
.

وكل تأخيره وفيها خيره

أختي

والله انا حاسه فيج بس ما عليج غير الصبر والدعاء وقراءة سورة البقره وصدقيني بترتاحين

دامي على الاستغفار

يااعيووني اش هالكلاام
استغفري ربج
وهذا قسمه ونصيب
انا همن من عمرج تقريبا
واخواتي ماشاء الله اصغر مني متزوجين وعندهم عيال الله يخليهم لهم
وادعيلهم الله يوفقهم ويسعدهم وكل بنات المسلمين ياارب
الزواج هذا قسمه ونصيب
والحمد لله هذي كتبت ربج
قوولي الحمد لله
يعني لو متزوج وزوجج معلعلج مثل اختج إلي زعلانه الحين
ولا من هالبنات إلي ربي يبلاهم بازواج مو كلش
ليش ماتقوولين ان الل هرادج عن شر
وموفرك الاحسن ان شاء الله
وربج كريييييييييييم
انتي بس الى ماذيج الفراغ
ومخليج تفكرين بهالاموور
اول شي دوري لج وظيفه
حتى لو مالقيتي ابدي لج مشروع صغير
باي شي انتي تحبينه وتقدرين تتميزين فيه
ودشي لج ناادي
تعرفي على بناات جدد وغيري حيااتج
انا الحين جذيه دوامين وحووسه ونادي
ماعندي وقت احك راسي
بس الحمد لله عايشه حياتي ومسالت الزواج مخليتها على الله
واذا شفت بعض المتزوجات قلت الحمد لله اني مرتااحه :)

وكلي امرج لله
واطلبي رب كريــــــــم
وادعي بالصالح حتي لو تاخر شووي
وان شاء الله قريب جدا جدا بنفرح فيج
وبتقولين زورق قالت
:)


اكثري من الاسغفار في هالجمعه المباركه
وادعي ربج واحنا في ساعات العصر الاخيره
وقت استجابة الدعااء
وادعي لاخواتج العراايس
وقولي الله يرزق زورق إلي في بالها

وبإذن واحد احد قريب بتكتبين موضوع عنوانه


سااعدوووووني ابي اجهززززززززز

:)

[blink]السلام عليكم ورحمة الله وبركاته[/blink]

عزيزتي اتقي الله..
هذا ضعف الايمان..

اذكري قول الله: وعسى أن تكرهو شيئا وهو خيرا لكم..

وربي يهديج ويرزقج بالزوج الصالح عاجلا..

وشكرا..




[color=#AC5668]يسرني مروركم على مواضيعي واضافة الاطلاله فيه

][®][^][®][ركن العناية بالشـــــــــــــعر][®][^][®][
من افضل الطرق لتطويل الشعر
بدك شعر حرير وبيجنن في نفس الوأت؟!
سر غلاظة وطول الشعر
عندي لكم زيت ولا دابر املا بريحته ولا الحشيش بمفعوله ولاحمام الزيت بفوايده وتطويله
أنا بادي شعر أحمر وحلو وبيجنن وبدون لاصبوغو.. بادي بالحنى!؟
شعرج متقصف+ فيه قشره+ بطئ النمو+ يتساقط اذا زيت Trichup هو الحل باذن الله+ صوره
كريم يستخدم للشعر: (لغلاظته, نعومته, ولمعته) عن تجربه
لكل مشكله حل باذن الله (كل انواع الزيوت وفوايدها ومكوناتها مع الصور)
طريقة عمل زيت البابونج بالبيت ومن صنع يديك (حصريا ب عروس دوت كوم فقط)
الخلطه السريه هدية العيد (لاعادة صحة الشعر والتغلب على جميع مشاكلها) حصريا في عروس
الطريقه المضمونه باذن الله لزيادة طول+ كثافة+ قضاء على القشره= للشعر (مجرب)
_.:•‡ஐஇ زيت جوجوبا jojoba فوايد مهمه للشعر ال......... مع الصور حصريا ب عروس இஐ‡•:._
طريقة عمل المساج لفروة الرأس+ الصور (حصريا ب منتدى ال عروس دوت كوم)
ماسك للشعر طبيعي.. يخلي الشعر صحي+ لامع+ كثيف ومغذي للفروه ايضا (صور)
خطوه خطوه لشعر كيرلي رائع لمحبي Curly يالله على الطااااااااابور
KalaKola Hair Tonic لعلاج القشره ولسواد الشعر ولعلاج التساقط وتاخر الشيب معقوله؟؟!!
ღஐღ الخلطات والزيوت المجربه من قبل الاعضاء+ معلومات بدقه+ صورღஐღ
زيت الخروع الي استخدمه ورهيب
شامبو روعه روعه عن تجربه يقضي على القشره من أول مره وطبي وجديد ومتوفر في الصيدليات

[/color]

استغفري ربج
واعرفي انه كل شي ف هالدنيا نصيب
وانشاءالله تتزوجين عاجلا غير آجلا يارب العالمين وكل بنات المسلمين

شو تبين بالزواج مشاكل وخيانه ؟؟؟؟؟؟؟؟؟؟؟
والله احسد العوانس ؟؟؟؟؟؟؟؟؟؟؟ اللي ما تزوجوا انت فنعمه والله

تعوذي من ابليس ..... واستغفري ربج
كونى على يقيين ان ما فيه حد يظهر من هالدنيا الا وماخذ نصيبه

يا رب ترزق اختنا في الله بزوج صالح يسعدها و يهنيها ....عاجلا غير آجل بفضلك يا رب العالمين
آآآآآآآآآآآآآآآآآآآآآمين

ماتتخيلون يابنات كيف كانت نفسيتي امس واليوم الصبح نمت ابكي وصبحت بدموع بس تعوذت
من الشيطان واستغفرت ربي وحاولت انسى الموضوع
وخصوصا امس صليت وتر وقريت البقرة والحمدلله اكلمككم وانا باحسن حال ومبسوطه وكان
شي لم يكن الحمدلله على كل حال وربي يجزيكم الف خير كنتم اكثر من خوات لي

اذا ماحصلنا في الدنيا بنحصل في الأخرة ان شاء الله

الله يرزقج بولد الحلال

الله يفرج همج يارب

ويرزقج بولد الحلال اللي يعوضج عن صبرج ويسعدج ويرزقج بالذريه الصالحه ان شاء الله

اهلين اختي تعوذي من ابليس والله انا اشوف في الفترة الحالية كل البنات يتزوجون من فوق 28\
واحنا في عايلتنا بنات عمي وخالاتي وخواتي كلهم تزوجوا وهم قربوا من الثلاثين وتو الحين في الصيف معرسين كل وحدة عرسهلا احلى من الثانية انتي بس ادعي ربج وتركي المعاصي

حبيبتي انا بعد اعرف بنات عمرهم 33 و40 والله توهم متزوجين ومبسوطين بحياتهم الزوجيه............هذا نصيب................وادعي ربج بكل وقت وكوني متيقنه بالأجابه

الله يصبرج وهاذي حكمت ربك
واستغفري الله
وادعي من رب العالمين ان يرزقج الزوج الصالح
وما تدري يمكن كل تاخيره فيها خيره
وتوكلي على الله

الله يكون بعونك اختي

الدعاء والتقرب من الله هو الحل

واهم شي تحطين ببالك انه هذا نصيب

وحاولي تشغلين ببالك باي شي غير التفكير بالزواج
والله احيانا يكون الوحده ببيت اهلها مرتاحه اكثر من بيت ززوجها موب كل متزوجه سعيده ومرتاحه اسال الله العظيم رب العرش العظيم ان يرزقك بزوج صالح

الله يكون في عونك لكن لاتخلين هذه الافكار تسيطر عليك

هذا قدر ربك والحمد الله على كل مايجي من ربنا

ادعي ربك التجئي له ولا تقولين دعيت وماشفت فايده

وتذكري يستجاب لائحدكم مالم يعجلللل

الله يزوجك الزوج الصالح

عاجلا غير اجل
اللهم ااامين

شاي أخضر:

مرحباا اختي

قوولي استغفر الله ولا اله الا الله وان محمد رسول الله

واعوذ بالله من الشيطان الرجيم

قومي صلي ركعتين

واقري قران

وهدي بالج

اختي حياتج مكتوبه وخالصه عند رب العباد

دام تفكيرج جذي بتعذبين نفسج وبيبين عليج وبتنفرين الناس منج

خلج مؤمنه ...مرحه ...استانسي فالحياه

لاتخلين كل تفكيرج زواج ...مكمله دراسه ...اشتغلي

ماكملتي ...كملي

غيري في حياتج اشغلي نفسج بالاشياء الحلووه ترا في واايد اشياء حلووه

بعدين الزواج مب جنه

يعني ضامنه اذا تزوجتي بتكون حياتج اسعد عن هذي الحياه !

كل شي مكتوب

الي تقدرين تسوينه تتجهين لرب العالمين وتعشين حياتج بدون هالوساوس

ع فكره..يمكن مب مكتوب تزوجين في عمر 29 ومكتوب في عمر 30 ..او 31

العلم عند وحده سبحانه يااختي

لاتخلينه امل حياتج والله بيرزقج بالانسان الصالح ادعي في صلاتج

والله يرزقج ويوفقج

وأنا وياااااااااج
بالعكس يمكن ياحبيبتي هالحياة العزوبية خير لج من رب العالمين ..شكلج محطية موضوع الزواج داخل راسج..طلعي هالفكرة..الزواج مب كل شي في هالحياة
وماتعرفين يمكن بهالشي انتي تعاقبين نفسج
الله يهديج ويوفقج
والجمال مب كل شي
المسألة قسمة ونصيب
الله يرزقج بولد الحلال ويبعد عنج وساوس الشياطين
ولاتنسين النية الطيبة

^_^