فراشي المكياااااااااااااااااااااااااااااااج!!

أنصحك تاخذين شنطة الفرش اللي بمكياجي ..
في حجمين السودا والحمرا . الحمرا أصغر وفيها الأساسيات .. إذا أنتي بروفيشنل بالمكياج
أخذي السودا ..

وزيدهم بفرشاة الدمج (مهمة) من ماك رقمها 224
وفرشاة الكحل 226 وفرشاة الأساس 187 ..
وبعد مالت البلاش ..بس ماأعرف رقمها .. هذول أهم شي :shy:

fa6om:
بنات بليز ساعدوني شلون ادمج بالفراشي الشعر انا ولا مره جربت احس الشدو مايثبت عليهم
وثانيا كيف انظفهم وبالذات من الكحل؟؟

وسوري حبيبتي اني سالت في موضوعش
البنات ماقصروا

انا اخذ فرشه يديده ما فيها اي لون و احركها بحركه دائريه من نهايه اللون القامج لي الفاتح. و انا الصراحه ما عجبني منظف ماك. انا اغسل الفرش بشامبو جونسون. اذا كانت من الشعر تستعملين جونسون. بس اذا نايلون اي شامبو ثاني لأنه جونسون ما راح ينظفهم عدل اذا نايلون.

هاي انا قلت لج برد على الموضوع بس نسيت هذا اليوزر نيم اليديد هذاك ما راح استعمله. المهم. هذا رايي الشخصي و حدي ساعه مادري ساعتين اكتب بكل هذا. و مو شرط انه الفرش اللي انا اقولج عنهم اهما احسن شي او بس اهما اللي تحتاجينهم كل راي عن راي يختلف بس الصراحه ماله داعي تضيعين فلوسج نفسي على فرش كــــــــــــــثــــــــــــــــــــر هذول انتي ما راح تستعملينهم اي هذول اقل انا عندي اكثر منهم..



المهم..

انا عندي 61 فرشه مكياج انزين بس تحسفت اني شريت الباقي لأنه هذل اللي صج صج احبهم و اهما احسن شي عندي.



بوبي براون الصغيره اللي تيي بجنطه حق البودر و اللوز باودر. اللي يعجني فيها انها تاخذ كميه بودر كبيره. تيي معاها جنطه صغيره. بس اول ما تاخذينها غسليها جم مره يطلع لج لون مادري شسالفتها. و يطيح منها شعر. بس حدها اوكي بس اهم شي لا تغسلينها بمنظف الفرش او شامبو جونسون. ترا تروح فيها اهيا الوحيده اللي اغسلها بصابونة ديتول و ما يطيلح منها شي. خذيتها من بوبي براون سوق شرق ب14 دينار. بس ترا دايما مخلصه انا عطيتهم رقمي و بعد شهرين مادري شهر و نص وصلت. :)



ما انصح تاخذين فرشة حق الفاونديشن السائل. شكله يصير جنه قناع انا عندي استخدم ايدي وايد احسن و يطلع شكل مكياجي طبيعي و تدرين بعد حراره الاصابع تخلي الفاونديشن شكله احلى و يثبت بعد.



الكونسيلر شريت ماك 194 بس وايد كانت صغيره و ما انصحج فيها وايد تاخذ وقت و مالها استعمالات ثانيه.



اخذي ماك 242 هذي كبيره و احسن فرشه عندي حق الكونسيلر استخدمها كل يوم و بشتري وحده ثانيه بعد. اصلن اهيا حق الاي شادو بس حجمها وايد كبير و ما تقدرين تتحكمين فيها اذا تبين تقدرين تستعملينها انج تحطين لون على كل الجفن. بس حدها عجيبه حق الكونسيلر. اهيا مو بس شعر. اهيا شعر و شوية نايلون مخلوطه. انا عندي نفسها اللي بس نايلون بس ما عجبتني نفس هذي. اخذي الفرشه اللي تقدرين تستعليمنها بعدة استعمالات مو بس شي واحد.



حق الحواجب فرشه ميك اب فور ايفر المثلثه. سعرها كان ب6 دنانير بمحلهم اللي قبل بالبستان بس بالجمعيات تلقينها ارخص بوايد



و اذا تبين الفرشه اللي فيها مشط بعد انصحج تاخذين الصغيره من ميك اب فور ايفر اللي لونها اسود مالت السفر مو العاديه. العاديه غاليه وايد. انا خذيتها من جمعيه الضاحيه بعد بس بدينار و 900 فلس.

الاي لاينر شكثر شريت فرش بس اكثر وحده عجبتني اهيا ماركه اس ال اي. شريتها من جمعيه بيان بس ب3 دنانير و نص. انا ما احب انه الاي لاينر يكون خط عريض شريت ملوت ماك كلهم. و هذي اللي جنها ابره مو المثلثه. انا كنت اقول المثلثه اسهل بس هذي عجبتي. و انا همن عندي مالت ميك اب فور ايفر رقمها 0أس بس كانت شعر عادي مو نايلون. و وايد مو شي. نصيحه اخذي الاس ال أي. ما لها رقم بس اسمها آي لاينر برش من جمعيه بيان فوق. أس أل أي. ما عندي صورتها..





حق الاي شادو الغامج عندج ماك رقم 239. حدها روعه.



و الاي شدو الفاتح ماك 213.

لا يقعدون يقولون لي اخذي 272 أو الثانيه نسخه 213 نسيت اسمها بس الفرق انهم يعني نفس الشي بس نهايتهم يايه غير على مثلثه شوي. الصراحه من اول ما شريتهم ما استعملتهم اصلن ولا عجبوني و جم مره احاول اني احبهم بس مو قادره. :\



و الاي شادو تخلينه خط ضعيف يعني مو عريض او سموكي بالجفن اللي تحت اخذي ميك اب فور ايفر 2أس. هذي همن تقدرين تستعملينها حق الاي لاينر او انج تسيحيين الكحل فيها تسوينه سموكي انا وايد وايد احب هالفرشه. اعتقد سعرها ب5 و 750 فلس. شريتها من الجمعيه :) اييي و نسيت بعد همن تقدرين تحطين فيها اي شادو بمحجر العين مادري شنو يسمونه هيييهيي اللي قبل عظم الحواجب. أي و اذا تبين تحطين لون فضي او اي لون ثاني بركن العين الداخلي. اهيا صغيره وايد و تقدرين تتحكمين. الصراحه هذي احسن فرشه عندي فيهم كلهم. ترا وايد وايد وايد اصغر بالطبيعه. و بهل الصوره مو حجمها الصجي. هذي وحش! لوول اهم شي



اي و فرشه عظمة الحواجب شريت ميك اب فور ايفر 10أس.



و حق الفرشه اذا تبين اي شادو عريض او سموكي او اللون بمحجر العين. تستخديم الفرشه اللي شكلها جنها قلم. يسمونها البانانا. انا عندي نسخه ماك و بوبي براون و ميك اب فور ايفر. اللي اكثر شي استعملها اهيا بوبي براون. و ماك. مالت ميك اب فور ايفر احسها متواسيه يعني مو جنها قلم. اللي انا حاطتها بالصوره هذي مالت ميك اب فور ايفر. هذي اللي مو عاجبتني



اي و البلشر عجبتني ماك 116 . عندي وايد غيرها بس هذي احسها مو كبيره نفس الباقي. ما تحتاجين اللي جنها مثلث هذي شكلها وايد طبيعي. ميك اب فور ايفر حسيت انها كبيره و ما تقدرين تتحكمين فيها نفس هذي.

اللوز باودر. ما اشوف انه له داعي فرشه. انا اقول انج تحطينه بالاسفنجه و توخرين الزايد بفرشه بوبي براون مالت البودر.




اي و الفرشه اللي وايد صج صج عاجبتني بوبي براون اسمها اي شادو برش توني شريتها. اهيا حق الالوان اللي مو غامجه ولا الفاتحه يعني اللي بالنص. و همن تقدرين تستعملينها حق محجر العين. و حدها روعه. انا بشتري همن غيرها بعد.



اي و فرشه الخلط انا عندي وايد فرش بس اللي صج صج روعه ماك 217. هذي انا عندي منها 3. هذي اكثر شي و احسن شي حق الخلط. و اذا كنتي تعرفين انه من اللون الغامج تحركين الفرشه بحركه دائريه لي اللون الافتح بس من نهايه اللون الغامج. و لازم الفرشه تكون و اهيا نظيفه. و همن تقدرين تخلطين اللون اللي بين محجر العين و عظمة الحاجب. و اي مكان تبين من جذي لازم يكون عندج اكثر من وحده.





اي و فرشتين من ميك اب فور ايفر حق الحمره. 3أس هذي عشان تخلطين و تدمجين الليب لاينر و شكله ما يبين انه مو طبيعي يعني و همن تقدرين تستعملينها انها ليب برش بس انا انصح انج همن تاخذين اللي رقمها 4 أن. هذي حق الحمره و الغلوس و همن اذا تبين تحطين جليتر على شفايفج.



و اكو هذي الفرشه انا الصراحه ما استفدت منها و لا عمري استعملتها عندي منها 2 بعد مو بس وحده. اهيا فايدتها انج توخرين فيها الاي شادو اللي يطيح على الكونسيلر بس راح تعفس لج الدنيا اذا ما كنت حاطه لووز باودر وايد على الكونسيلر لأنها راح تخلط لي الاي شادو اللي طاح بالكونسيلر لمن تمسحينه فيها ذا ما كان في لووز باودر. و انا الصراحه ما يعجبني اللوز باودر فوق الكونسيلر يصير جنه مو حاطه كونسيلر مادري ليش شكله يصير اسود.

أي و انا ا انصح تستعملين منظف الفرش خصوصا ماك هذا رايي الشخصي. وايد قوي على الفرش. و ميك اب فور ايفر ما ينظف او لون. و بعدين 3\4 المنظف راح يروح بسبة الفرش الكبار فا ليش كل هذا؟ انا انصح شامبو جونسون حق الفرش اللي فيها شعر و اي شامبو ثاني حف فرش الكونسيلر او اي فرش ثانيه نايلون لأنه جونسون ما راح ينظفها عدل نفس الفرش الشعر.

اتمنى اني افدتج... و اي سؤال انا حاظره.

شكرا للجميع
ماقصرتوا
اختي دانه عندج فرش واجد شرايش تعطيني شوي :)
ومشكوره حبيبتي

هيهي اليوم شريت 5 يعني صارو 66. كلهم احبهم الا فرشة بودي شوب الكبيره اول ما هبيت بالمكياج شريتها مادري شنو فايدتها و حق البودر ما تحط عدل. يمكن لأنها مو شعر مادري.

باقيلي بعد وااااااايددددددددددددددددددددد انا احب ايمعهم. :)