تجربتي مع المشروع الوطني للتدريب والتوظيف في البحرين

ترى الوزاره "وزاره العمل أقصد" كل واحد ما يدري عن الثاني!!

كل واحد يمشي على هواه،، كل واحد ليه قانون خاص يمشي عليه!!

أني أخذت التدريب اللي عقب الدراسه هناك،، وشفت الا شفته وتحسفت اني قبلته،، لأني طلعت من المولد بلا حمص على ما يقولون وما استفدت ولا 1%

هذا غير الاخلاق الزينه الا عندهم،، ههههههه سبحان الله كلهم يمشون على خط واحد في هالسالفه،، مادري يعدون بعض لو ويش السالفه،، هذا الا ما قدرت استنتجه طول ما أني هناك
×××××××

أمن عن التعطــّل

أني سجلت في الاسبوع الاخير من شهر 12 وطبعاً طافتني التسجيل من وقت بسبب شي اني فهمته غير ههههه

والحين اراجعهم اسبوعياً واليوم ثالث زياره ميدانيه ليي هناك،، وكالعاده لا يوجد شاغر بس الزين اني لما اروح ما اتعطل لانه كل مره اروح ما يكون في ناس وااجد،، وبصراحه بعد مو معتمده عليهم أطرش مني مناك

لو ما الحاجه انچان البيت أريح ليي،، بس يالله الحمدلله على كل شي