ما أعرف كيف اتصرف ويا بنتي يننتني

اختي
اكبر خطأ انج تضربين الطفل لما يوصخ نفسه ومايروح الحمام

لان هالشي بيسبب له خوف وتبول لا ارادي

مسكينه يمكن من البرد ماتقدر تسيطر على نفسها
خاصه ان توها متعلمه هالشي
وانتي بضربج هذا بتخلينها تخاف

جروح تنزف:
السلام عليكم ورحمه الله وبركاته
صدق صدق مااعرف شو اسوي ويا بنتي احس اني بذبحها
بنتي عمرها3 سنوات واول ما علمتها على الحمام وانتوا بكرامه كنت اتسير واروحها وتطلب بس الحين من اسبوع كله اتسويها فملابسها هددتها وضرتها حتى حرقتها بس ما شي فايده وحرمتها من اي شي تحبه بعد نفس الشي :angry:
مااعرف شو سالفتها خاصه من دخل علينا البرد واهي جذي كل دقيقه مع اني اضربها واتقول بسير الحمام وبعد ساعه تسويها:mad2:
قولولي دخيلكم شو اسوي لاني صدق احس بذبحها
والسموحه منكم على الاطاله

اسمحيلي حبيبتي واستحملي كلامي شوي واعتبريه من أخت عزيييييييييزة:

انا قريت موضوعج وتمعنت بتصرفاتج مع بنتج، الله واكبر عليييييييييييييييييج:qaq: ______> كيف تحرقينها خيييييييييبة وش خليتي لأي شخص ثاني!!!
قسم بالله بققت :qaq: عيوني لما شفت عبارة حرقتها..عيل انا ابشرج بعد اليوم مستحيل تسمع كلامج 100%
تدرين ليش؟؟؟؟
لأن انتي كل وسائل العناد طبقتيها عليها اهي بتفكر:think: وبتقول ، امي كله تضربني وحتى الحرق حرقتني ما باقي شئ اكبر الا تذبحني...عيل ما بسمع كلامها

عن جد الله يسامحج:sad: :قلتي عمرها 3 سنوات وشو يعني: امي علمتني شئ واحد وكل ما تشوفني تقول الصبر مفتاح الفرج هذا احسن وافضل شئ اتعملته من امي، فعلاالصبر، انا كنت مثلج اذبح:mad2: ولدي ضرب، وها الكلام رددته على اكثر من موضوع يوم تتكلم الام وتقول اني اضرب بنتي او اولدي،
يا ناس يا عالم يا هووووووووووووه:الضرب مب زييييييييييييييييين للياهل قسم بالله جربت الضرب مع ولدي لين صار يكرهني ، ما يحبني يحب يمووووووووت في ا بوه علشان ابوه مستحيل :no: يمس شعره منه ويوديه كل مكان يطلعه بالسيارة وووووو كل وسائل الحنان مع الاب اللي المفروض اتكون معاي
لما حسيت اني فقدت ولدي والله والله والله هونت من الضرب شوي ، خذيته بحضني وقلت له هذا صح:yes: وهذا غلط:no: ويعااااااااااااااااند بس اخليه براحته _________> اخليه يوصلل للشئ الغلط ويبكي بروحه ويرجع لي ..والله تعالي شوفي ولدي كيف صار يحبني انا وابوه ويلعب مع اخوه الثاني:flower:
امي تقول الحين علمي ولدج على الحمام حاولت معاه وقاعدة احاول,ع الاقل يمكن انتي بنتج تسويها بملابسها الداخلية انا ولدي يسوييهاو_________> يبيموت من الضحك:dd: يركض تخيلي المنظظظظظظظظظر :think: بذمتج شو بسوي؟؟؟ طبعا ما بسوي شئ قمت اشيله واوديه الحمام وانتظر بالساعات علشان يبول تكريمن او....
يتعلم شوي شوي ويشوف عيال اخواني
حرام عليج بنتج كسرت خاطري:cry: ، خذيها بالحضن ووديها وقولي لها هذا عيب وهذا غلط وحاولي تفهمينها بطريقة تخليها ترتاح لما تروح، وش دراج انها ما سوتها بملابسها الداخلية الا من خوفها منج؟؟ ويمكن تبدأ تتبول بالليل من كثر بعد الضرب


اتقي الله في بنتج ، بنتج انتي تعبتي عليها بالحمل والولادة عن تسعة شهور بكل بساطة تضربينها ولا تحرقينها..ما اعتقد اي وحدة بترد عليج ما بتنصحج عن الضرب والحرق.


يا رب تهدي بنتج يا قادر يا كريم ، ويا رب تهديج ويعطيج طولت الصبر معاها وباذن الله مع اسلوبج وطريقتج الحنونة بتخلي بنتج تسمع كلامج وخبريني امانة امانة شو سويتي معاها هل بعدها والا خلاص تعلمت...

وللمرة الثانية اقولج لا تزعلين:no: من كلامي ترا والله بنت مثل بنتي والعيال اامانة برقبتنا ليوم الدين

حرااااااااااااااام عليج والله


هذي ياااهل ماتعرف بعدين يمكن عندها مشكله ماتلحق تروووح الحمام بس الي سويتيه اكبر خطاا

حرااااااااااااااام حراااااااااااااااااااام حرااااااااااااااااااام عليج ياجروح عورتي قلبي والله
تخيلي الحرق فيج يابعد قلبي عليها معلش ياعمري استحمليها مسكينة ماتقدر تمسك نفسها برد
مو منها وتوها صغيره شوي شوي بتروح بنفسها

تصبري وعلميها بالكلام بالعقل ترا اليهال يسمعون الكلام ويحبون احد يكلمهم مثل الكبار

السلام عليكم اختي جرووح
انا بقولج حاجه

عندي الوالده الله يحفظها ويطول بعمرها هي مو كبيره بالعمر واايد يعني بالاربعين
بس من البرد ما تقدر تمسك نفسها وبروحها تقولي هالكلام .. يعني ما تلحق تروح الحمام الله يعزج ويعز السامعين
اول شي من من كبر سنها وثاني شي لان حركتها شوي ثقيله
وهذي ام وجذي تسوي ... فما بالج بطفله اللي للحين عقلها على قدها وتاخذ كل شي بعناد وللحين مو فاهمه ايش يصير حولها..

طولي بالج معاها فديتج

والله لو بنتي اخليها تسويها اي مكان تبيه ... المحروم من نعمة الضنى هو اللي يحس بهالشي

الله يهديها ويهديج عزيزتي

مشكورين عالردود بس والله احاول وياها بكل الطرق بس ما شي فايده واهي من النوع اللي يعاند وايد يعني مثلا اتحرش باي حد عشان يضربها تخيلوا قسم بالله ومرات يقولها بنحبسج وعادي تعاند بس اول ما يبغون يحبسونها تصيح واتقول خلاص وعقب ترجع تعاند انا اروحي تعبت منها صدق ما اعرف شو اسوي وياها والله ما خليت شي الا خذته لها بس عشان تيلس تلعب ومحد يضربها بس اهي ربي يهديها عنيده مع العلم اهي يتيمة ابوها متوفي:sad: وانا عند هلي والا عندي فالبيت نفس الشي هب متعودين على اليهال عشان جي اسلوب الضرب يستخدمون شو اسوي تعبت نفسيا والله كرهت نفسي بالحيل مااعرف شو اسوي مرات والله ادعي على عمري بالموت ابغي افتك اهي من صوب والهم من صوب
والسموحه على الاطاله
بس والله محتايه نصيحتكم وايد

حبيبتي الحل سهل وبسيط حرميها كل شئ كل شئ تدرين شلي افضل شئ الي هي تحبه وتملكه مثلا عروسه حصلت عليه بعد تعب كبير ، وصبرت علشانه ، وهذا شئ مميز عندها ، شلي وكسري جدام عيونها خليها تبقق عينها وتصيح من القهر .


يعني اذا ما فاد روحي عن كل شئ كل شئ حتى ابسط الاشياء يعني مثل الملابس طريه جدام عيونها .
ما فاد حرميها الاكل والشرب
ما فاد حرميها الطلعات مع صديقاتها ومع اهلها
ما فاد حرميها عن عرايسها
ما فاد حرميها لعبه اتاري
ما فاد حرميها الراحه النفسيه







جذيه بنتج ببتخبل وبتكرهج طول حياتها .

اختي في اسلوب، يعني خوفيها باسلوب، مثلا قولي بوديج لدكتور بيعطيج ابره عوووووووود، وبيشل دمج علشان يعالجج ما بتبولين على الفراش مره ثانيه ، هنيه بتسمع الكلام .

جروح تنزف:
مشكورين عالردود بس والله احاول وياها بكل الطرق بس ما شي فايده واهي من النوع اللي يعاند وايد يعني مثلا اتحرش باي حد عشان يضربها تخيلوا قسم بالله ومرات يقولها بنحبسج وعادي تعاند بس اول ما يبغون يحبسونها تصيح واتقول خلاص وعقب ترجع تعاند انا اروحي تعبت منها صدق ما اعرف شو اسوي وياها والله ما خليت شي الا خذته لها بس عشان تيلس تلعب ومحد يضربها بس اهي ربي يهديها عنيده مع العلم اهي يتيمة ابوها متوفي:sad: وانا عند هلي والا عندي فالبيت نفس الشي هب متعودين على اليهال عشان جي اسلوب الضرب يستخدمون شو اسوي تعبت نفسيا والله كرهت نفسي بالحيل مااعرف شو اسوي مرات والله ادعي على عمري بالموت ابغي افتك اهي من صوب والهم من صوب
والسموحه على الاطاله
بس والله محتايه نصيحتكم وايد

الله يهون عليج يا حروج تنزف ، ويجعل دربج خير وسعادة، شوفي يعني بنتج بعد طلعت يتيمة اب، حرام قلبج اكيد صدقيني:sad: يعورج بس انتي مو عارفة شو تسوين معاها، وبالنسبة لبيت هلج، ما عليج منهم انتي، اذا هم فيهم قساوة ويضربون، انتي مالج شغل:no: فيهم، انتي خلج غير هذي بنتج يعني من ريحه ريلج الله يرزقه الجنة يرحمه باوسع رحماته، كم تسوى اذا قعدتي تطالعينا فديتها اكيد تتذكرين ريلج، بالعكس دام هذي ظروفج تعالي لها بالتي هي احسن وشوفي يا رب بها اليوم المبارك باذن الله انها بتسمع كلامج وبتحبج وخليها تتعلم مرة ومرتين وعشششششششششششششششششر
انتي عليج الصبر:up: واحتسبي لله تعالى وربج ما يترك عبده، ربج بيكون معاج والله يعوض عليج انشاء الله

انتي الحيــــــــن تبين حل عشان بنتك تستخدم الحمام

لان البنات ماقصروا نصحوك من ناحية اسلوبك في عقاب بنتك

عمومــــــــا الحل هذا شفته في برنامج لتحسين سلوك الاطفال

روحي مع بنتك للسوق
واشتروا كم غرض للحمام
مثلا العاب للبانيو
وغطاء جديد لكرسي الحمام
تختاره هيه ويفضل يكون
مثير وجذاب بالالوان وكذا
ووستاره جذابه
وطقم لمغسلة الحمام مثير مثلا
تبع الصابونه وفرشاة الاسنان وهذي الحاجات
خليها طقم وبشكل معين مثلا خليها
على شكل دبدوب والا بسه
والا فله المهم شي يعجبها
المهم جددي الحمام بطريقه جذابه
وبعد ماتخلصين من ترتيب الحمام
خذي لوحه صغيره او ورق مقوى
تكون جذابه وعلقيها بالحمام في مكان شوي قريب
واشتري ستيكرات على شكل نجوم
وقوليلها كل مره تستخدمي الحمام راح نعلق نجمه
ولما تتجاوب معك وتصير تستخدم الحمام
شجعيها بالكلام وعبارات الحماس ولاتنسي
البوسات والاحضان
وشيليها لحد الورقه المعلقه
وخليها بنفسها تلزق النجمه
وقوليلها اذا وصلتي النجمات الين عشره نجمات
راح اشتريلك اللعبه الفلانيه او اي شي من اختراعك
اكله لعبه اي شي
وصدقيني مع الاستمرار والتشويق والتشجيع
راح تتعود


اهم شي ممنوع الضرب نهائيا
واذا بغيتيها تنفذلك طلب
انزلي لمستواها اجلسي على ركبك
وامسكي كتفها بحزم وحطي عينك بعينها وبكل هدوء
وحزم اطلبي منها الامر الي تبينه

هذي وصايا محسنة السلوك الي في البرنامج
واعتقد ان كلامها سليم ومجدي

اتمنى تتبعينه وتجربين
واسفه على الاطاله

هددتها وضرتها حتى حرقتها بس









حرررررررررررررررررررررررررررررررررررام البنت بتكرهج









انا ولدي في سن بنتج ماشاء الله عليه متعود يسير الحمام ,لكن مع بداية الشتاء قام -يبول - في ثيابه هددته بابوه واخواله ماشيء فايدة


لكن جربت معاه شيء ثاني

هو -الله يحفظه- من النوع اللي ما يحب الناس تشوف (عيبه ويوم خيس عمره قمت وبدلتله عااااااااااااادي


ويم ظهر من الحمام ما لبسته شورت ثاني خليته مفصخ


والله انه استحى وتم يصيح عشان البسه لكني ماعبرته


وماشاء الله عليه ما قام يوصخ






































)




انت بنتج صغيرة توها 3 سنين اعرف وحة بنتها عمرها 10 سنين ولللللين الحين تخيس عمرعا


مع انها ومب مريضة ومسوين لها كل الفحوصات

بنتج السنة الياية في سن روضة والتسجيل بيكون في شهر 3

فقولي لها ان الروضة ما يدخلونها اللي يخيسون عمارهم

[grade="00008B FF6347 8B0000 4B0082"]حمووووووووودي:
كلامج صح وعجبني
والامهات كلهم ما قصرو معاج وانشاء الله تراتحين ويرتاح بالج يالغالية[/grade]

ربي يسعدكم انشالله والله انكم ريحتوني وعيبتني ردودكم وانشالله بحاول وياها انا ارحمها بس بسبت الضغط اللي عليه قسم بالله ماني عارفه شو اسوي انشالله تهتدي اهي هب بس بالحمام حتى تصرفاتها صبيانيه تحب تقلد اي حد سواء صغير او كبير بس ماشالله عليها ذكيه والكل يقول جي عنها وعلى فكره اهي مول ما تحب النسوان اذا جافت مره ماتحب تكلمها اما الريال بالعكس اتسلم وتسولف يمكن لانها فاقده ابوها بعد تصرفاتها وايد ترفع الضغط ما تسمع الكلام وتعاند حيييييييييييل
بس انشالله بحاول وياها وبحاول اني ما اضربها لان صدق قلبي يعورني عليها لدرجة اني اضربها وعقب اتلوم فيها واصيح والله:sad: بس غصبن عني
والصراحه انتوا ما قصرتوا ليتني شراتكم ربي يخليلكم عيالكم وازواجكم امين انشالله
واشكركم ريحتوني والله صدق خوات
والسموحه عالقصور

فديتج والله يا جرووح

ادمعت عيني وانا اقرا ردودج

الله يصبرج عليها ويهديها ان شاء الله ويرزق زوجج الجنه يارب

فعلا لو اي وحده فينا تحط نفسها مكانج .. نفسيتنا بتكون في الارض

بس يبيين على بنتج ربي يحفظها ويخليها لج انها تبغي تلفت الانتباه دايما

تبغي حد يداريها ويلعبها (سبب التحرشات)

بليييز بلييز يا جروح لا تخلين حد من اهلج يرفع يده عليها
كوني انتي الوحيده اللي تعاقبها .. لا تدخلين الاطراف الثانيه بالعقاب

والله يعينج ويوفقج ويهديها يارب

وكل عام وانتي بخير عزيزتي :)

بصراحه

من الخطأ تدريبها على الحمام وقت الشتاء


انا في الشتاء بلبسهم بامبرز حتى لو متعودين ؟؟؟

بيمديها شوي شوي

اشكركم على ردودكم
وانتي بخير حبيبتي THE CHARMING
ربي يهديها انشالله
طلوله تسلمين الغاليه ......وانا معلمتها على الحمام من فتره هب الحين

وادعولي اني اربيها اهي واخوها تربيه صالحه
هذي صورتها

فديتها يااااااااااارب تخليها لج انشاء الله تكبر وتشوفينها عروس


بذمتج هذا ويه ينضرب !!!!!!!!!!!!!!!!

شوفي ياااا قلبي ترى الطق مااارااااح ينفع ..و حتى اذا نفع راح يخلي بنتج تكرهج ..

انا ولدي الصراااحه بعده على هالسوااالف بس امي قالتلي اني لما كنت صغيره اذيهاااا وااايد كنت نفس بنتج ..

تدرين شنوسويت ... كانت من اسويها بنفسي مااا تكلمني و اظل احن واصيح و اهي معطيتني سكب ..

قوليها اذا سويتها بنفسج مااااراااح اكلمج و صج لا تكلمينها و لا تلعبين معاها كلش .. بعدين عقب ما تسكت قوليلها اذا سويتها انا مااااراااح اكلمج... و قولي انج مااارااح تسوينها علشان اكلمج و العب معاااج

و حااولي تشجعينها لما تروح الحماام عزج الله .. يعني قولي لها عفيه عالشااااطر و صفقي لها كااافئيها لما تطلع ... ترى اذا الياااهل تشجع عالشي يسوه من نفسه

الله يهداج بس ياأختي مابازيد على كلام الأخوات،،، ليش سويتي جذي؟؟ هاذي مو وسيلة ..

الجو يذبحنا أحنا الكبار بالليل ونقوم كم مرة وندخل الحمام، مابالك الصغارية،، آنه الحين صار لي 3 أيام يقوم ولدي مبلل سريره وأغسل الشراشف،، مالومه من الجو البارد،،،

تصبري على هالجو ولا تخلين تصرفك يأتي بنتائج عكسية ويصير عندها تبول لا إرادي وتبقى على هالحالة حتى بدون البرد..

طبقي بنصايح الخوات وتحملي مرة ثانية تضربينها حرام عليج.... لو مو أختنه ونعزج مانصحناج...

السلام عليكم ورحمة الله وبركاته



عساكم من العايدين ان شاء الله..

الغاليه حرام عليج.. الرسول عله الصلاة والسلام خله آخر حل الضرب والغير مبرح.. وانتي تقولين الحرق؟؟؟؟؟؟؟؟
الله يهديج..

بنتي نفس الشي مرات يا زينها تركض الحمام (عزج الله) ومرات تسويها في عمرها.. ما قمت ضربتها ولا دبغتها؟؟ طنشتها ومرات اقولها دادا (اخوها) احسن عنج لانه يسويها في البامبرز.. وايبلها من الكلام المعسول ف مرات تسويها ومرات لا لان الجو بارد نحن ما نتحمل وين اليهال..

الله يهديج السالفه يبالها صبر شوي.. وديها الحمام (عزج الله) ومثلي جدامها انج بتقضين حاجتج فبتقوم وبتقلدج.. واشتري لها كرسي فنان يشدها على شكل حصان والا العاب حتى انهم منزلين على موسيقى يلفت انتباه الياهل.. حببيها مش تجبرينها..
هالجيل ما يحب الشد والضرب ف يعاااااااااااااااااااند..

وشكرا..