شو ممكن تكون ردة فعلج لو.............؟؟

اختي ابنك اهم شي
و حسسي زوجك انه خسرك

اختي الحبيبة بين الزوجين ما في كرامتي و اهاني
لأ
ممكن يرجع عن خطأه و يحاسب نفسه صدقيني ما الك الا الدعاء الدعاء و بس
و الله يفرج همك و يهدي زوجك
و يمكن هالمشكلة تخلي زوجك يعرفك اكتر و يقدرك اكتر
توكلي على الله
عامليه بلين و ما تقسي عليه
الرجال عقولهم اصغر مما احنا بنعرف
والله يسر امرك و يختارلك الاحسن يا رب

و انا بعتقد انه المشاكل الي بينك و بينه كلها من ورا اهله بما انه وصلت معهم يحكوا عنك هيك
الله يكون بعونك يا رب

حسبي الله ونعم الوكيل ردديها ديما في كل وقت وخلي عندك ثقه وايمان ان ربنا هينتقم وهتخدي حقك انا بمر بنفس ظروفك بالظبط نفس الكلام والاسلوب بقالي سنتين حتي بنتي ولدتها عند اهلي ابوها مشفهاش لحد دلوقتي واهله بالفوا قصص برده عليا صلي صلاه الحاجه وقولي حسبي الله ونعم الوكيل

مرحبا ختي ام سيافي...

نصيحه لوجه الله مش اكثر...

وعشان ولدج مايتلته والله...

اباج اتكلمين الاخت (وداد لوتاه)

في محكمة دبي الشرعية قسم الاصلاح الاسري

والله ان لوكلمتيها اكثر وحده بتفيدج وبتحلج الامور..

ياما بيوووت وصلت فيها مشاااكل اكبر عنكم...

لكن والله بحكمتها وخبرتها في التعامل مع هالحالات

مشالله عليها قدرت تصفي النفوس وتصلح الامور

وايد شباب اعتدلوا عن الي كانوا يسووونه مجرد من كلمتهم

ووايد حريم عقلوا وخافوا على بيتهم...

وانشالله بتيسر امووورج..

وانا بطرش لج رقم الموبايل الخاص فيها عالخاص...

هلالالالالالالالالالالالالالالالالالالالالالالالالالالالالالا ووو غلالالالالالالالالالالالالالالالالالالالالالالالالالالالالا



حصبي الله ونعم الوكيل فيهم

الله يكون بعونج و يصبرج و ييسر لج امورج ان شاء الله امين يا رب

بس ما يصير تصيرين معلقه جذي

ليش ما تصلين صلاة الاستخارة و تشوفين شنو راح يصير معاج اما انج ترجعين لزوجج او انج تتركينه و كل واحد فيكم يروح بطريج لا سمح الله

و الله يهديهم ان شاء الله و يهدينا اجمعين

و دمتم سالمين

السلام عليكم

حبيبتي ليش تتطلقين و عندج بيبي حرام بتضيعينه بسبب عنادج انتي و ريلج

تدرين اتعرفت على وحدة من المنتدى و كانت مشكلة ريلها دوم كلمة الطلاق على لسانه و غير انه كم مره دخلت المحكمه هي و ريلها و آخر شي ردت على ريلها سمنه على عسل و ماشاء الله حياتهم ماشيه و كان عندها طفلين و ماشاء الله الثالث وصل من شهرين

بس المهم حد منكم لازم يتنازل شويه اللي يشد الثاني يرخي لين يمشي المركب...
نواخذه اثنين في مركب يطبع....لا تعطين للشيطان مجال يدخل بينكم و يخرب

و بالتوفيق ان شاء الله


اختج

الخرشة

أســوم:
حبيبتي والله .... الله يعينج ... صدق الله يعينج على هالانسان ...

بس أنا لو كنت مكانج .... ما كنت بطلع من البيت .. وبسير بيت أهلي ونحن من بينا مشاكل
إلا لما أحل المشاكل كلها ... يا بالصلح .. يا بالطلاق ..

طلعة الحرمه من البيت في فتره الزعل أبدا مو من صالح الحرمه ...

لكن اللي سواه .... الله يسامحه عليه ... كيف يشتكي عليج !! الدنيا سهله عنده يدخل حرمته المحكمه ؟

يمكن هو صدق اخوه لأنكم زعلانين من بعض .. حتى انتي لو يت اختج وقالتلج شفته فالمكان الفلاني مع وحده بتصدقين لأنج انتي زعلانه منه ...... والشيطان هني مستانس ونافخ عمره ..


حياتي إذا في أي فرصه للتصالح .. ردوا حق بعض واقصروا الشر ... هو غلطان وانتي بعد غلطانه انج طلعتي عن بيته ..

والطلعه هذي عند الريال كبيره وايد ترى .. كأن الحرمه تقوله أنا ما أباك ..

أنا أقول طرشيله مسج .. وقوليله انج تحتاجين فتره راحه بيت أهلج ..
ولما تهدى الأمور .... يلسي معاه .... جلسه مصارحه ... وقولي كل اللي فخاطرج ..
وخليه هو يقول كل اللي فخاطره ... عشان تعرفون وين الخلل ؟!

الله يهديكم ويصلحكم .....

نحن ما نعرف شو اللي كان من بينكم .. ولا حد يعرف شو اللي كان من بينكم
إلا انتي وياه .... واللي كتبتيه هذا جزء بسيط من علاقتكم ...

وانت وياه أحسن حكم على علاقتكم ... تصارحوا .. وقرروا ... وترى اللي بينكم "ميثاق غلييظ"

الله يهديه ويسخره لج يا رب

هذا عين العقل والله يكون بعونك ويهدي سرك

الله يكون بالعون ......................



لا تنسوني من الدعاء خواتي الله يحفظكن من الشر إن شاء الله ..................

اخوانها لازم يوقفون اخو الزوج عند حده..لأنه قذف اختهم..هذا شرفهم مو لعبة..وبالطريقة هذي بتكبر في عين زوجها واهله وبيعرفون ان وراها ظهر وان اهلها مو تاركينها له ولا لأهله يلعبون فيها وآخرتها يجون على شرفها وسمعتها..

اما اذا سكتوا وعدوها لهم..راح تصير بنتهم له ولأهله مثل الجدار القصير الكل يخطره وبيلعبون فيها لعب..

والمفروض زوجها يكون واثق منها..ومجرد ما يسألها وتنكر لازم يصدقها..اما انه يشك ويوسوس..معناتها مايستاهلها زوجة..

وهي مش محتاجة تبرر موقفها كأنها خايفة وانها تبي تثبت لزوجها براءتها بأي طريقة ..لااااااااااااا..المفروض هي اللي تزعل..وتخلي اهلها يتفاهمون مو بس مع اخو زوجها حتى زوجها لانه لو كان يعرف هي بنت من وتربية من ما رضى لاخوه يتكلم عليها بالكلام هذا ولا جاها يسألها..المفروض سكت اخوه ووقفه عند حده..مهما كان بينه وبينها خلاف..تبقى زوجته وعلى ذمته وهي عرضه وشرفه..

المســــــــــالة فوق انها تبرر لزوجها او تخليه يكلم اخوه وتواجهه..المسألة هذي يبي لها رجال..

هذي مسألة شرف وسمعه..مو لعبة..

بالعكس المفروض هي ما تكلمه ولا ترد عليه.. وترفع نفسها عنه..وتخلي الرجال يتفاهمون معاه ومع اخوه..إذا هو ما وقف أخوه عند حده ولا أغار على شرفه عندها أهل يخافون عليها ولا يرضون احد يتكلم عليها..

الله بعدني على حالتي لاني متزوجه ولاني مطلقه مب عارفه شو آخرت هالموضوع كله ..........

أوقات أحس أني حنيت لزوجي وأوقات أحس أني كارهته وأتنرفز يوم أفكر فيه ولا أسمع

طاريه !!!!

الله يعينج اختي
الله يصلح امبينكم

تسلمين يالغاليه الله يسمع منج .........

خواتي أبغي منكم النصيحه والله محتاره ومب عارفه شو أسوي طبعا انتوا عارفين سالفتي مع

ريلي والمشاكل اللي كانت بينا المهم الحين اليديد في الموضوع شووو؟؟

خالي حليله حاول انه يدخل في السالفه ويصلح ما بينا وراح عند ريلي ورمسه وحاول انه يتفاهم

وياه علأساس انه نرجع لبعض وننسى المشاكل اللي صارت ونبتدي صفحه يديده وريلي قال

انه ما عنده مانع انه نرد حق بعض بس طبعا لازم كل شيء يتغير ونبتدي من يديد انا قلت أوكي

بسوي كل شيء عشان خاطر ولدي وبتحمل كل اللي بييني ومالي غير الصبر والله ما راح يتخلى

عني المهم أنا قلت حق خالي يقوله أني برتب عمري وبخلص أموري وبرد إن شاء الله يوم الخميس

الياي تدرون عاد لازم اتعدل وأسير الصالون وازهب عمري جني عروس يديده وخالي قال حق

ريلي هالكلام وريلي قال يعني ماله داعي لين الخميس الياي خلها ترد هاليومين وعقب تسوي اللي

تبغيه المهم عقب وافق .........

وعقب كل هالكلام ريلي أمس اتصل حق خالي وقاله لا تخليها ترد الخميس خالي قاله ليش شو اللي

صار رد عليه خلنا نأجل الموضوع شوي لين النفوس تصفى خالي عاد تضايج منه وقاله انا تفاهمت

وياك على كل شيء ليش الحين تغير كلامك قاله لا بس انا بعدني شايل عليها ومادري شو ومن

هالكلام اللي ما منه فايده عقب خالي قال خلاص يوم تصفى النفوس تعال عند ابوها وتفاهم وياه

أنا خلاص مالي شغل ف الموضوع والحين أنا مضايجه وايد وميته قهر يعني شو هالحركات أنا مب

عارفه شو يبغي بالضبط مره يقول خلها ترد وعقب بنأجل الموضوع شو السالفه لعب يهال !!!!!!


خبروني شو أسوي أبغي منكم النصيحه شو رايكم ؟؟؟

مابغي غير النصيحه يا خواتي لا تبخلون فيها والله محتاجتها وااايد

[glow=FF0000]أم سيافي والله أستانست بس أخر الكلام زعلت يالله يقولون كل تأخيره وفيها خيره خليج معاه للآخر علشان ولدج وإذا لعب بذيله عطيه الطاااااااااف(أسفه على الكلام بس كلام الحق ينقال)الله كريم[/glow]

اختي طنشي الموضوع واتريكه يشوف ولده ... ولاتسالين عنه

الريال مايحب الحرمه اللي تلاحقه او تسال عنه ...

طشنيه الى الابد .... واسمعي مني نصيحه صغيرونه .... في الليل قومي وادعي ربج انه يصخر لج ريالج .. كل يوم ....

وفي الصباح ادعي له ولهلج ولهله ... ويوم الجمعه طرشي له بالمسج ادعيه فقط بدون اي شيء ...

وانسي وجوده طول الاسبوع ....

صدقيني راااااااح يحن وراح اي بس اتركيها على الله .... وشوفي شو بيصير

لاتشتكين الا لله .... محد يستاهل تشتكين عنده غير الله

وادعي بكل وقت وكثر بالليل قبل نوج وقبل ماتصحين ولاتنسين بعد كل صلاة

وادعي الله ياختي الدعاء واستغفري في اليوم الف مره

وباذن الله راح يتغير وفكر شو الشيء اللي كان ايب لكم المشاكل شو الشيء اللي كان يخرب بينكم

عهدي الله وعهدي نفسج انج تكون زوجه مطيعه قد ماتقدرين وكثري الدعاء

اختج

الله يعينج ويساعدج ..
وعسى الله يصلح مابينكم ..
وخلي لج ولدج ..

والرجال ماعنده سالفه ..:(

يزاكن الله كل خير خواتي والله يسمع منكن .....

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[grade="32CD32 00BFFF 32CD32 00BFFF 32CD32"]والله مااقول إلا الله يهديهم
صراحه الرجل صعب التعامل معاه يبيله صبر
الله يعينك يارب ويرجعه لكي ان شاء الله[/grade]