ماذا أفعل مع خطيبى؟

حبيبتي الله يسعدج انشاءالله

امهم ,,, انا اريدج ما تقولين له عن البنت الي كان يحبها اي شي ... والاحسن انه ما يعرف انك تعرفين هالموضوعمن الاحاس عشان ما يقول "خلاص مادم عرفت عادي" خليه خايف انج تعرفين ...

وبعدين ما دام خطبج وانتي بنت عمه مستحيل يفركش الموضوع لاي سبس من الاسباب لان الضفر ما يطلع من اللحم ... واذا ما كان عشان خاطرج عشان خاطر عمه وابوه ...

والمطلوب تكونين له كل شي .. قولي له انشاءالله وهيه والله ... وعامله احسن معامله ... عامليه مثل الطفل ... اكيد هو مفتقد الحنان ...

واذا محتاجه شي ثاني انا حاضره

الله يوفقج انشالله ,, الله ينشر المحبة بينكم ,, الله يجعلج سكن له ويحبج أكثر من حبج له

انتي طيوبه وأكيد تنحبين ,, دخلتي قلوبنا بسرعه وين لو كان قلب خطيبج

انا متأكدة انه بيحبج أكثر ,, بس عطيه وقت ,, الحب اللي يكون قبل الزواج يسمونه نزوه لأنه يكون محتاج لحب ويلاقيه عند أول بنت يشوفها فيتعلق بهالحب ,, بس لاتخافين ,, الحب الصدقي هو اللي يي بعد الزواج لأن الله سبحانه وتعالى يبارك فيه وصدقيني يوم بتكونين زوجته بيبيع البنات كلهم وبيشتريج

بس اللي عليج اتسوينه هو انج ,, ترظينه فيما حلله الله
وتكونين طيوبه معاه ولاتهاجمينه بالكلام صدقيني لأن هالشي بيخليه ينفر منج ولا بيفكر يصارحج ولا حتى يشاركج همومه
وانتي ابدي وياه قصة حب يديده,, خليه يتوله عليج ,, خليه يشوفج كل يوم أحلى عن الثاني , راويه انج بنت بس عن عشرين بنت في الأفكار ,,

ونحن عنا بندعيلج في هذي الأيام المبروكة

جزاكم الله خيرا أخواتى الغاليات على نصائحكم القيمه والحمد لله أنا فعلا أبتديت أعمل زى ما انتم

نصحتونى وربنا يوفقنا جميعا إن شاء الله لا تنسونى بالدعاء

أبشركم بالحديث الشريف

قال رسول الله صلى الله عليه وسلم : كان الله فى عون العبد ما كان العبد فى عون أخيه

جزاكم الله خيرا

غلط يحتفظ بذكريات سابقة !!!


لازم من اول ما قرر يخطبك مسح كل شيء له علاقة بها لان الارتباط مقدس ولازم يحترم وانت وش ذنبك ؟؟؟؟

لازم يتعلم خطيبك انه يفصل ماضيه عن حياته ... اي شيء حصل قبل الارتباط ما عليه ... عفا الله عما سلف ... ولكن بعد الارتباط في حساب ومراجعه

اذا ما كان قادر ينساها المفروض ما خطبك الا لما يتأكد من مشاعره ويتأكد انه مستعد لبداية جديدة

اختي لازم تنبهيه لهالنقطة وتتحدثي معه بهالموضوع باكرا قبل ليتطور الامر وتتزوجوا وهو ليسه بحلم فيها


اختك في الله


وكل سنة وانت سالمة

حبيبتي لازم هو بيتذكرها وبيحفظ مابقى من متعلقات بها لكن فترة وبتعدي صدقيني كلها ايام وليالي وبيكون انشالة لج ولازم تتاكدين يوم هو جا واخطبج هو شاريخ والخطبة مو لعبة وما عليج الا انج تصبرين توكلين على الله وتتعوذين من الابليس وشيلي الاوهام من بالج وياااااااااااااااااااااااااارب تعيشون بهنا طووووووووووووووووووول عمركم

جزاكم الله خيرا على تفاعلكم معى ودعائكم لى

أنا فعلا أتكلمت مع أخته_بنت عمى_ وقلت لها ما أشعر به و هى قالت لى أنها سوف تتكلم معه

لكن من غير ما يعرف أنى أعرف حاجه علشان ميحصلش زعل بينا

لكن الحمد لله أنا الايام دى أبتديت أشعر ان كلامه معايا بقى كويس وبيسأل عنى على طول

وكمان أتصالاته بيا ذادت شويه صغننه

لكن أتمنى أنه يستغنى عن ذكريات الماضى بسرعه

جزاكم الله خيرا فى إنتظار دعائكم

شوفي حبيبتي اللي يحب مستحيل ينسى اكيد لها مكان شوي بقلبة

بس هو ما خطبج لأنه ما يباج اكييد يباج و تذكري انج بنت عمه و من لحمه و دمة

الله يوفقـج معـاه

الله يختارلك اللي فيه الخير
عليك بالدعاء والاستغفار

الله يوفقك صدقيني راح ينساها بعد الزواج ولا كانها كانت موجوده باسلوبك انتي ينسها للابد اتمنى لك حياه سعيده...