شنو الألوان المناسبة لغرفة النوم وتعطي الفخامة؟

اللون البيج ودرجات الذهبي رووووووعه لغرفة النوم
يعني درجات البيج الأفتح مع الأغمج واللون الذهبي
حلو يكون هاللون ثابت عالجدران والستاير
ويكون مفرش السرير عنابي والسجاده والمخدات
وحتى الأكسسوارات مثل الشمعدانات والبراويز وحتى الأبجورات
تخلطين ألوانهم بين الذهبي والعنابي
ومسكة الستاره تقدرين تاخذين حبل فيه طرابيش وكرستال باللون العنابي والذهبي

وبهالطريقه بتقدرين تغيرين لون الغرفه بين فتره وفتره
فإذا فكرتي في يوم تغيرين الألوان
غيري هالأشياء بدون ما تضطرين تغيرين الأشياء الأساسيه مثل الأثاث والصبغ أو ورق الجدران
ومع الإضاءه السبوت لايت تطلع الغرفه روعه

شوفي هالغرفه بدرجات البيج والذهبي
خذتها من موضوع إحدى الأخوات في المنتدى ما يحضرني اسمها

تقدرين تنفذين نفس الفكره وفي نفس الوقت تقدرين تضيفين ألوان ثانيه
بدون ما تشذ عن الديكور العام

إن شاء الله أكون أفدتج