تكفون لاتبخلو علي بالمساعدةالعاجله ضروري

عليكم السلام


انتي ماراح تتطمنين على ولدج الا اذا رحتي المستشفى

اكيد بيسوون له الفحوصات اللازمه

وان شالله تتطمنين عليه

ليش ماتعرضينه على دكتور؟

روووووووووووووحي المستشفى لا تشاورينا
حرام عليج هذا ولدج
فديته الله يطول بعمره يار ب ,,وديه لاله يخليج هناك اكثر بيعرفون وش فيه لو فيه شئ لا سمح الله



وطمنينا

الله يجزاكم كل خير

بس انا خايفه اوديه المستشفى وهو ماعنده اعراض يعني مثل القيء وتعرفون المستشفيات يكبرون الامور وخاصه الي بفلوس
انتو ايش رايكم انتظر الين ماالاحظ عليه اعراض ولا اوديه

شوفي حبيبتي لو طفلك فيه شي من اثر الطيحة راح يبين عليه بسرعة يعني رح يضل يبكي واذا شلتيه بطريقة غلط رح يبكي بزيادة
وكل الاطفال بتوقع بهالسن واصغر واكبر وربك الحامي والهم الاطفال ملائكة تحميهم وترد الشر عنهم انا رأيي لا تاخديه ولا شي الا بحال ان ابنك ماعم يتوقف من البكاء وانتي مسديله ايديه ورجليه وراسه اذا فيه شي الله لا يقدر خذيه وغير هيك حراااام لان المستشفيات صايرة عم تخبص تخبيصات عجيبة عشان الفلوس حبيبتي
انتي اولا تاكدي بعدين شوفي اللي يناسبك
وماعليه شر يااارب

هلا حبيبتي
انا ولدى طاح من سريري مره كنت ماسكته وسريري مره مرتفع بس الحمد لله مصار فيه شى الدكتور قالى طول ماهو مايبكى كثير وحرارته مارتفعت فعادى تكون الطيحه مااثرت
فانت شوفى حبيبتى مدام ولدك مافيه اعراض الى الان فماعليه شر ان شاء بس اذا كنت حابه تطمنين اكثر روحى لدكتور عشان بس ترتاحين... ونصيحه منى لاتخلين ولدك معاك على السرير وطول الوقت لاتنيمينو الا فسريرو راح يبكى شوى بس مو مشكله راح يتعود انو ينام فى سريرو لوحدو بسرعه

لا إن شاء الله مافيه شر،، لو صاير فيه شي جان ماسكت وشفتيه يتألم،، ماشاء الله عليهم العيال الله حافظهم،، آنه ولدي ياما طاح طيحات معتبرة بس الحافظ الله، مرة شلته بالغلط وسمعت طقة بيده وقام يصرخ ويصيح وخذيناه الدكتور من الخرعة، بس بالطريق شفناه سكت وعادي يسولف، امي قالت رجعوه ولو زادت خذوه مرة ثانية، بس عادي الحين كم شهر ومايشتكي منها...

عن الحجم لا تخافين، ولدي نفس الشي، آذكر يوم عمره 9 شهور خذيته الفحص الدوري، الا تقول مو طبيعي وأكيد فيه شي ومافي تحليل ماسووه، وقالت راسه عود (كنا وقتها محلقين شعره وباين كبير).
المه الولد نموه عادي والحمد لله يتكلم ويتحرك،، وبازيدك من الشعر بيت ،، ثيابه مايلبس الا سنة ونصف وهو الحين سنتين ونصف، يعني متأخر سنه بالحجم...بس دام كل شي طبيعي ماحاتيه، يوم من الأيام بيكبر وبيصير واحد ثاني إن شاء الله..أخوي كان صغير مرة والحين ماشاء الله (12 سنة) لوتشوفينه لو يضربني كف طحت....

وديه الطبيب أحسن .. وما يشوف شر والله يشافيه ويعافيه

مايشوف شر

دام مايبكي ولا يرجع ان شاء الله مافيه الا العافيه
وبخصوص الحجم لاتخافين عيال خالتي عمرهم 8 شهور لا يتحركون ولا يحبون ولا حتى يقعدون
الدكتور قال لها عادي في اطفال مايتحركون بسرعه وفي يوم وليله بتشوفينهم يراكضون
وبالفعل في فتره قصيره صارو يحبون ويقعدون

الله يجزاكم كل خير
الحمد لله والله طمنتوني وولدي الحمد لله مافيه اي اعراض من الي قلتوها

والله لايحرمني منكم يااحلى خوات
بس وش اسوي معاه من ناحيه الاكل ولاوجبه في اليوم ياكل اتخيلو وهو عمره سنه وشهر وعنده فقر دم شديد؟؟؟؟؟؟؟؟؟؟؟

هلا الغالية


الف سلامة على الصغير والحمدلله مافيه الا الخير ان شاء الله

بالنسبة لفقر الدم.. من تجربة لاحد الاطفال المقربين مني... نصحتنا اخصائية التغذية بهذه الخلطة..
صحيح طعمها مش حلو.. بس حتى لو اكل منها مقدار قليل يكون كافي .. وكرري اعطاءه منها صباحاً ومساء...


الخلطة هي..
جرجير..
بقدونس
اهم شيء هالاثنين
+ اي نوع من الخضراوات الورقية ذات اللون الغامق

فرميهم تفريم بالسكين.. بعدين حطيهم في خلاط العصير مع سكر نبات بعد طحنه.. وشويونة ماء.. وخليه مائل للسيوله.. واذا بتصفيه بعد ذلك راجع لك.. اذا طفلك ياكل عادي اعطيه.. اما اذا ما يتقبل سوى السوائل فصفي له الخليط واعطيه الماء الناتج عنه فقط

واعطيه بالملعقة كأنه دواء..

ما عليه شر يارب