شو رايكم بفكرتي لذكرى زواجي

هلا بنات عروس حبيت اطرح فكرتي عشان تعطوني مقترحاتكم ........ انشاالله بعد شهر بحتفل بذكرى زواجي الرابع (طول العمر انشا الله):gum: ... و حبيت يكون غير ها المرة لان في المرة الاولى حجزت في نفس الفندق اللي عرست فيه وكانت مفاجأة بالنسبة له لاني كنت مجهزة شنطة الملابس ومطرشتنها الفنق من العصر ( بمساعدة الاهل طبها) وقلتله اني عازمتنه على العشا و كنت كاشه طبعا بس .... بنتي كانت صغيرة عمرها 4 اشهر فشليتها وياي والحمد الله كانت محترمة . المهم كانت ليلة وايد حلوة . واستانسن اوايد . المهم السنتين اللي عقبهم سويت الحفلة في البيت ...... ( من حسن حظي انه ذكرى زواجي وعيد ميلاد زوجي بينهم يومين فالحمد الله الهدية وحدة والحفلة وحدة ) .....
المهم هالسنة حبيت الحفلة تكون غير شكل وانا اكون غير شكل بعد ... فصلت فستان سكري وذهبي ..... وسويت وياه طرحة بعد... المهم وحجزت عند وحده بتسويلي ميك اب وبتسويلي شعري ( طبعا بكون مغيره اللوك قبل بصبغ شعري وبقصه وبتحنه وشاريه قميص نوم يديد) ..... مخططه في نفس اليوم اسير بيت اهلي واتيني الحرمة تعدلني اهناك او اني اسير قبلها بيومين بيت اهلي عشان يشوف التغيير مرة وحدة ... وحابة احجز في استديو اسير اصور انا و وريلي عشان يكون ذكرى حلوة . وبعد ابي احجز في فندق بس مب عارفة وين احجز انا من بوظبي .... فابي رايكم هل احجز في قصر الامارات في بوظبي او برج العرب في دبي ........... انا كنت مفكرة اني احجز في بوظبي لانه بيكون اسهل لي لاني بكون لابسة فستان ومتعدله وابي اسير الاستديو اصور فبكون مرتبة كل شي من قبل بس اذا سرت دبي اخاف اتوهق في التصوير والترتيب فمب عارفة شو اسوي .......... اتريا نصحتكم لاتبخلون علي اترياكم ... والسموحة طولت عليكم .....