بنات شي مهم يوم الملكه وش تهدينه

أنا رأيي من راي awaw

وشكولاته

وش هالجراة :o اول مرة اعرف ان العروس في الملكة تهدي عريسها :rolleyes: والله انا اشوف مجرد شوفته لك تعتبر هدية ولا يحلم بها كثير من العرسان:confused: اللي يتلهفون لشوفة الخطيبة لو هي لابسة عباتها لا ومن بعيد ....:eek:

الهدية شي حلو لكسب الود و حيلة انثوية حلوة جداجداجدا
اهديه اللي يعجبش بس نصيحة اهديه حاجة وحدة و وفري الباقي للمرات الجاية مو بخل لا ، لكن لأن الرجال دايما تتوهقين شنو تهدينهم شنو تهدينهم؟؟؟ بس فكرتش حلوة و الله يوفقش:)

في اختلاف في وجهات النظر وهذا لا يمنع ان فيه ناس تهدي زوجها يوم الملكه وانتو عارفين اختلاف العادات في المجتمع الخليجي
وهذا سبب كبير لا ختلاف الاراء وكل وحده تمشي على الي تعرفه من عادات مجتمعها عشان تتجنب الكلام عنها ولا شرايكم ;)
تحياتي

بجوز لانو اهل الخليج الوحدة ما بتشوف جوزها غير يوم العرس في بنات شايفينها غريبة وعيب ومافي حياء الخخخخخخخخ .. بالنسبة لالنا اهل الشام عادي واكتر من عادي لا وكمان في مناطق اجباري تجيب لعريسها هدية مثلا بجامة حلوة او اي شي بتتصور انو بلزمه وو شرشف تخت ساتان ..البجامة بالغالب بتكون ساتان ست قطع حمرا او خمري لوووووووووووول ... انا لهلا مو عارفة شو اهدية ... يمكن ما اهديه شي لووووووووووول

و الله انا احترم وجهة نظر البنات,,,, هي الفكرة حلوه ,,, بس تعتمد على
الأجواء ,,, يعني مثلاُ اذا كان البنت عايشة قصة حب مع الي بتاخذه
يعني اهنيه عاااادي تعطية هدية ,,, بس ما اتعرفه واول مره اتشوفه...

ابصراحة اشوفها اشوي قويه,,,

وتسلمون

أنا أقول ماتهدي هدية يوم الملكة أهديها اياه ليلة الزواج بعد ماتروحون بيتكم.
والله بتكون وقعها حلو علية حتى لو كانت وردة
وممكن تعملين له مفاجأة في السويت حق الفندق اللي بتقعدون فيه اول ليلة الدخلةبالاتفاق مع الفندق وتحطين الهدية في الغرفة وتزينينها عاد انتي وشطارتك.وتعملين حركات بالغرفة مثلا ورود وشموع وبلونات وجو رومانسي
علشان يتفاجأة فيها وماتنحرجين وانتي تقدمينها له يعني يشوفها قدامه وتوفرين على نفسك الاحراج والحياء .

الدين حث على الحياء بس الزوج لازم يلاقي منك حياء معقول و محدود مافي داعي لوضع حواجز بينك و بينه اعتقاد ان هذا حياء . الحياء ما يمنع انه يكون لك لمساتك الرومانسيه . و ما اعتقد ان في فتوى تقول لا تهدي زوجك هديه!!!!!!!!!!!!! أعتقد ان كل وحدة ليها لمساتها و هذا شئ نسبي و طالما ان مو حرام مافي داعي لوضع قواعد ما لها علاقة بأي فتوى شرعيه . بالعكس الدين يشجع على الحب بين الزوجين

:eek: بصراحة مستغربة جداً من كل هذا الهجوم

في بعض العائلات عندهم عادي الموضوع أو هو بمثابة عادة أو تقليد عندهم واذا كان الموضوع بينقص أو يقلل من قيمة هذة الفتاة التي تهدي العريس يوم الخطوبة ماكان الأهل رضيوا بهذا الشئ لبنتهم .. الموضوع مايستاهل كل هذي الزوبعة حتى لو كانت وجهة نظر وعلى فكرة مو كل العائلات عندهم هذه العادة وأتمنى أن لا يفهم كلامي بطريقة خاطئه أو جارحة على البعض

وتحياتي للجميع

اولاً : هذي اول مشاركه لي في هذا المنتدى وبصراحه عجبني الموضوع وحبيت ارد من وجهه نظري ..

انا من رأئ الخاص في يوم الملكة أن تقدم العروس مصحف صغير ( قرآن كريم ) علشان ربنا سبحانه وتعالى يبارك لهم في حياتهم ويسعدهم ويجمع بينهم المؤده والرحمه ويبارك في زواجهم

ثانياً : انا انصح كل فتاه يوم الملكه بأن يكون كلامها معه قليل جداً ..؟؟؟ ( ليه ) انا اقلكم ليه انا من وجهه نظري احسن شي تعملونه الاثنين بأن تكون لغة العيون هيا التي تعبر عن شعوركم لبعض في بعض البنات الخجل يملك احاسيسهم فأنا أرى بأن تنظر ليه حتى تشبع عيونها منه وهوا كذالك فأنا أرى لغة العيون هيا اكثر تعبيراً واصدق شئ هما يحسونه في داخلهم ..... :o

هذي وجهه نظري وان شاءالله تكون صحيحه وهاذفه

مرحبا خواتي الموضوع حلو الصراحه

انا مره شفت البوم صديقتي في العمل عيالها مالجين وشفت من ضمن الصور العروس مسويه هديه للمعرس وبالعكس فكره وايد حلوه .. ماخذه مندووس كبير وحاطه فيه وايد اشياء مثل عطور وغتر ووااايد اشياء ومرتبتنه وااايد حلو ..... وكل وحده بذوقها :)

تصدقون بنات ماكنت متوقعه ان البعض بيعلق على كلامي كل هذا التعليق ولكن يبقى الامر وجهة نظر وحلو ان الواحد يعبر عن وجهة نظره
بس ما كنكم غيرتو سير الموضوع انا ابي كل وحده تطرح وجهة نظرها من حيث نوع الهديه

يا بنات شوي شوي ايش ذا الهجوم ......

عادي زي ماهويلبسها الشبكه وهذا متعارف عليه هي تلبسه هديه وانا دايم اشوفها ساعه عاااااااااادي مافيها اي نقص وهذي صارت زي العاده يعني لازم زي ماهو يهديها هي تهديه........

تحياتي للجميع.....

السلام عليكم ورحمة الله وبركاته ..

وسمحولي على المقاطعه .. وأنا أقول أنه في ناس عادي عندهم أنه الوحده تهدي زوجها يوم الملجه هديه أو أنه لازم .. (وهذا عند بعض العوائل ) .. ولكل منطقه عادات وتقاليد ويجب علينا إحترام عادات الأخرين ..;)

لكن نحن من ناحيتنا العرب الوحده منا ماتعطي زوجها يوم الملجه هديه هو إلي لازم يعطيها .. :cool:

وعلى سالفة الهديه ..

أنا أعتقد أنه القلم يكون أحسن لو كان مكتوب عليه تاريخ الملجه :)

والسموحه

هلا كيف الحال ؟ للجميع ..............كيف الحال بسوم .............انا بقلك اهديه قران (القران الكريم )بيبقى طول العمر وهذي احلى هديه

شكرا حبيباتي على ردودكم
وبصراحه انا حسيت ان احسن هديه اهديها له هو القران الكريم
حتى حسيت اني راح اكبر بعينه كثير
تحياتي للجميع
بس لا تقطعون في الموضوع كملو فيه وكل وحده تحط رايها وش تحس احلى هديه ;) ;)

السلام عليكم

بصراحه الفكره حلوه

لكنى استحى اعطيه شى يوم الملكه
اصلا بموت من الخجل فى ذاك اليوم

اهليييييييييييييييييييين اخواتي


بصراحه


انا بهدي زوجي ساعه طبعا ماركه حلووووه لكن سعرها مو غالي كثيرر :D2



لكن بالنسبه لكلام الاخت اللي تقول الحياء .....!!!!

صح معاك حق خاصه واحنا في الخليج ونجد بالذات نقيس كل شي بمقياس وين الحياء وعيييب !!!!!! :eek2:

يااختي طيب هذا خطيبها مو لازم اهديه علشان اخلاقه او ..... الخ

مو انا رضيت فيه زوج اكيد عاجبني اخلاقه ومافيه مانع تهدينه يوم الملكه من رايي طبعا لانه برضوه اهداك طيب هو وش عرفه باخلاقك حتى يهديك ؟؟؟؟؟


طبعا هو اختلاف في وجهات النظر وعلى حسب التربيه والبيئه ومااظن هذا الفعل ينافي الحياء :up:


لاني بصراحه من مجتمع تسوده الافكار هذي كل شي عيب واستحي وخليك ثقل :eek2:

طبعا كل شي بحدود وانا مااقول ارقصي عنده - مثل ماسوت وحده ليلة زواجها :rolleyes:

بس مايمنع انك تهدينه لانه اول لقاء وبيكون اثره في نفسه كبيررر


طبعا انا بصرااااااحه مؤيده تمااااااما لما قالته الاخت سيدة الثلج

صح لسانك ياسيدة الثلج

>>>> : (( و الله انا احترم وجهة نظر البنات,,,, هي الفكرة حلوه ,,, بس تعتمد على
الأجواء ,,, يعني مثلاُ اذا كان البنت عايشة قصة حب مع الي بتاخذه
يعني اهنيه حلووو تعطية هدية ,,, بس ما اتعرفه واول مره اتشوفه...

ممكن نعتبرها شوي جريئه بس مايمنع تهديه )))))

^
^ طبعا االكلام هذا كلام الاخت سيدة الثلج بس بتصرف مني شوي


وبااااااااااااايووووووووو

ديناااااا

صراحه عندنا عيب

على قوله ماجد في مسلسل حتى التجمد بالكويت المغرب

عاااااداااااااااااااااااااااات وتقااااااااااااليييييد

وهالاشياء عندنا ((كلااااااااااام)))!!!!!

يعني اذا شافته تحب ايدها مقلوبه مافي الا يوم العرس

وودي صراحه اني اقدر اهديه واعطيه شي
بس عيب عندنا انا صراحه شفته بصوره..........
وعجبني بالخش والدس
جابها اخوي الصغير........
بس مشكلته راعي بيتوتي ...............
==========================
وثانكس
على الموضوع الغريب

السلام عليكم ورحمةالله وبركاته

كيفكم ياحلوووووووووووووين

والله محتاره ايش اهديه يوم الملكه لانه لازم عندنا الهديه

صراحه افكر اهديه (القرآن الكريم )
وساعه حلوه

ايش رايكم ياعسولات

مادري والله:(